ລິ້ງ ສຳຫລັບເຂົ້າຫາ

ຫົວໜ້າ IMF ຖືກປະຕິເສດ ບໍ່ໃຫ້ປະກັນໂຕ(ເບິ່ງວີດິໂອ)

  • ສິງ ບູຣົມມະວົງ

ທ່ານ Dominique Strauss-Kahn (ຄົນກາງ), ຫົວໜ້າກອງທຶນສາກົນ ຍ່າງອອກຈາກກົມຕໍາຫລວດ ທີ່ນະຄອນນີວຢອກ ວັນທີ 16 ພຶດສະພາ 2011.

ຫົວໜ້າ​ກອງ​ທຶນ​ສາກົນ​ຫລື IMF ໄດ້​ຖືກ​ປະຕິ​ເສດ​ບໍ່​ໃຫ້​
ປະກັນ​ໂຕ​ທີ່ນະຄອນ​ນິວຢອກ​ໃນ​ຂໍ້​ຫາ​ຖານ​ທໍາ​ການ​ລວນ
ລາມ​ທາງ​ເພດ​ກັບແມ່ຍິງ​ຮັບ​ໃຊ້​ໃນໂຮງ​ແຮມ​ແຫ່ງ​ນຶ່ງ​ໃນ​
ຄຸ້ມ Manhattan ນັ້ນ.

ຄໍາ​ຕັດສິນ​ໃຈ​ດັ່ງກ່າວ​ມີ​ຂຶ້ນ​ໃນ​ວັນ​ຈັນ​ວານ​ນີ້ ​ໃນ​ຂະນະ​
ທີ່​ທ່ານ Dominique Strauss Kahn ຫົວໜ້າ​ຜູ້​ຈັດ
ການ​ກອງ​ທຶນ​ສາກົນ ວັຍ 62 ປີ ​ເບິ່ງ​ຊົງ​ເມື່ອຍໆ ​ໄປ
ປາກົດ​ໂຕຕໍ່ໜ້າ​ຜູ້​ພິພາກສາ​ສານ​ໃນ​ຄຸ້ມ Manhattan
ເພື່ອ​ຮັບ​ຟັງ​ຂໍ້​ກ່າວ​ຫາ​ຕໍ່​ທ່ານ. ຄໍາ​ຕັດສິນ​ຂອງ​ສານ​ມີ​ຂຶ້ນ​ຫລັງຈາກໄອ​ຍະ​ການເອີ້​ນທ່ານ Strauss-Kahn ວ່າສ່ຽງ​ໃນ​ການບິນໜີ​ຈາກ​ນະຄອນ​ນິວ
ຢອກ​ໂດຍ​ກ່າວ​ວ່າຄົນ​ທາງການຝຣັ່ງບໍ່​ສົ່ງພົນລະ​ເມືອງ​ຂອງການໄປດຳເນີນຄະດີຢູ່ຕ່າງ
ປະເທດ.

ພວກ​ທະນາຍຄວາມ​ຂອງ​ທ່ານ Strauss-Kahn ກ່າວ​ວ່າ ລູກ​ຄວາມ​ຂອງ​ເຂົາ​ເຈົ້າ​ບໍ່​ມີ​ຄວາມ​ຜິດ​ຫຍັງ. ກໍານົດ​ມື້​ໄປ​ສານ​ອີກ​ຂອງທ່ານ Strauss Kahn​ແມ່ນ​ວັນ​ສຸກ​ສັບປະດາ​ນີ້. ທາງ​ການ​ກ່າວ​ວ່າ ​ເວລາ​ນີ້ທ່ານ Strauss Kahn ພວມ​ຖືກ​ກັກ​ຂັງເພື່ອ​ປ້ອງ​ກັນໂຕ​ໄວ້​ໃນ​ຫ້ອງ​ຂັງດ່ຽວ​ໃນ​ຄຸກທີ່ເກາະ​ Rikers Island ທີ່​ນະຄອນ​ນີວຢອກ. ທ່ານ​ຈະ​ຖືກຂັງ​ໄວ້​ໄກ​ພວກ​ນັກ​ໂທ​ດຄົນ​ອື່ນໆ.

ທ່ານ Strauss Kahn ​ໄດ້​ຖືກ​ຈັບ​ກຸມ ​ແລະ​ຖືກ​ກ່າວ​ຫາ​ຖານພະຍາຍາມ​ຂົ່ມຂືນ​ຊໍາ​ເລົາ
ກັກຂັງ​ທີ່​ບໍ່​ຖືກຕ້ອງ​ຕາມ​ກົດໝາຍ ຄວາມຜິດໃນການລວນລາມ​ທາງ​ເພດແລະ​ໂທດ​ອື່ນໆ. ທ່ານ​ປະ​ເຊີນ​ກັບ​ການ​ລົງ​ໂທດ​ຈໍາ​ຄຸກ​ເຖິງ 25 ປີ ຖ້າ​ສານ​ຕັດສິນ​ວ່າ​ທ່ານ​ມີ​ຄວາມ​ຜິດ​ແທ້.

ອິງ​ຕາມ​ຕໍາຫລວດ ຍິງ​ຮັບ​ໃຊ້​ຄົນ​ນີ້ ວັຍ 32 ປີ​ທີ່​ເຮັດ​ວຽກ​ໃນໂຮງ​ແຮມ Sofitel ທີ່​ຫລູ
ຫລາ ບ່ອນ​ທີ່ທ່ານ Strauss Kahn ​ໄດ້​ພັກ​ເຊົາ​ຢູ່​ນັ້ນ ກ່າວ​ຫາ​ວ່າ​ຫົວໜ້າ​ກອງ​ທຶນ​ສາ
ກົນ​ວ່າໄດ້​ລວນ​ລາມ​ນາງ​ຫລັງ​ຈາກ​ນາງ​ເຂົ້າໄປ​ໃນ​ຫ້ອງ​ພັກຂອງທ່ານ ທີ່​ຄ່າ​ພັກ​ເຊົາ​ຄືນ
ນຶ່ງ 3 ພັນ​ໂດ​ລາ​ ໃນ​ຕອນ​ບ່າຍ​ວັນເສົາຜ່ານ​ມາ ​ເພື່ອ​ອະນາ​ໄມ​ຫ້ອງ​ນັ້ນ.

ຕໍ່​ມາ​ໃນ​ແລງ​ວັນ​ເສົາ ​ເຈົ້າ​ໜ້າ​ທີ່ໄດ້​ນຳເອົາໂຕ ທ່ານ Strauss-Kahn ອອກ​ມາຈາກ​ຖ້ຽວ​ບິນ​ສາຍ​ການບິນ Air France ແລະ​ຖືກ​ຈັບ​ກຸມ​ໃນ​ເວລາ​ພຽງ​ບໍ່​ເທົ່າ​ໃດ​ນາທີກ່ອນ​ເຮືອບິນ​ຈະ​ຂຶ້ນ​ຈາກ​ນະຄອນ​ນີວຢອກມຸ້ງ​ໜ້າ​ໄປ​ຍັງ​ກຸງ​ປາຣີນັ້ນ.

XS
SM
MD
LG