ຫົວໜ້າກອງທຶນສາກົນຫລື IMF ໄດ້ຖືກຈັບກຸມທີ່ນະຄອນນີວຢອກທີ່ພົວພັນກັບຂໍ້ກ່າວ
ຫາລວນລາມທາງເພດ ແມ່ຍິງຄົນໃຊ້ຄົນນຶ່ງໃນໂຮງແຮມ.
ທ່ານ Paul Browne ໂຄສົກປະຈໍາກົມຕໍາຫລວດນິວຢອກກ່າວວ່າ ເວລານີ້ ທ່ານ
Dominique Strauss-Kaln ຖືກຕໍາຫລວດຄວບຄຸມໂຕໄວ້ ແລະໄດ້ຖືກສອບປາກຄໍາ
ໃນແລງວັນເສົາວານນີ້. ຕໍາຫລວດກ່າວວ່າ ທ່ານ Dominique ຊຶ່ງເປັນສັນຊາດຝຣັ່ງ
ໄດ້ຖືກນໍາໂຕອອກມາຈາກບ່ອນນ່ັງຊັ້ນທີນຶ່ງໃນເຮືອບິນໂດຍສານລໍານຶ່ງໃນເວລາຍັງ
ເຫລືອພຽງບໍ່ເທົ່າໃດນາທີ ກ່ອນເຮືອບິນຈະບິນໄປຍັງກຸງປາຣີ ໃນແລງວັນເສົາວານນີ້.
ເວລານີ້ທ່ານ Kahn ຍັງບໍ່ທັນຖືກກ່າວຫາເປັນທາງການເທື່ອ.
ຕໍາຫລວດກ່າວວ່າ ແມ່ຍິງຄົນໃຊ້ວັຍ 32 ປີ ໃນໂຮງແຮມ Sofitel ກ່າວວ່າ ນາງໄດ້ເຂົ້າໄປໃນຫ້ອງໃນໂຮງແຮມຂອງທ່ານ Strauss-Kahn ເພື່ອທໍາຄວາມສະອາດຫລືອະນາໄມຫ້ອງໃນຕອນບ່າຍໜ້ອຍດຽວໃນວັນເສົາວານນີ້ ຊຶ່ງນາງໄດ້ກ່າວຕໍ່ຕໍາຫລວດວ່າ ນາງໄດ້ເຫັນ ທ່ານ Strauss Kahn ຍ່າງອອກມາຈາກຫ້ອງນໍ້າໃນສະພາບປະເປືອຍໂຕ ແລະວ່າທ່ານ Kahn ໄດ້ພະຍາຍາມບັງຄັບໃຫ້ນາງຮ່ວມເພດກັບຜູ້ກ່ຽວ. ແຕ່ນາງໄດ້ແລ່ນອອກຈາກຫ້ອງໄປແລະໄດ້ເລົ່າເລື້ອງນີ້ໃຫ້ເພື່ອນຮ່ວມງານໃນໂຮງແຮມນໍາກັນຟັງ ຊຶ່ງໄດ້ເອີ້ນຫາຕໍາຫລວດ.
ຕໍາຫລວດກ່າວວ່າ ເວລາພວກເຂົາເຈົ້າໄປຮອດໂຮງແຮມ ທ່ານ Strauss ໄດ້ໜີອອກຈາກ
ຫ້ອງໄປຍັງສະໜາມບິນແລ້ວ ແລະປະໂທລະສັບມືຖືແລະສິ່ງຂອງປະຈໍາໂຕອື່ນໆໄວ້.
ແມ່ຍິງໃຊ້ໃນໂຮງແຮມຄົນນີ້ໄດ້ໄປຮັບການປິ່ນປົວບາດແຜພຽງເລັກນ້ອຍທີ່ໂຮງໝໍແຫ່ງນຶ່ງ
ໃນທ້ອງຖິ່ນ.
ໂຄສົກປະຈໍາກອງທຶນສາກັນຫລື IMF ທີ່ກຸງວໍຊິງຕັນປະຕິເສດບໍ່ຍອມອອກຄວາມເຫັນ
ໃດໆກ່ຽວກັບເຫດການດັ່ງກ່າວ.
ທ່ານ Strauss-Kahn ໄດ້ຂຶ້ນດໍາລົງຕໍາແໜ່ງຫົວໜ້າກອງທຶນສາກົນໃນເດືອນພະຈິກໃນປີ 2007.
