ມີລາຍງານໃໝ່ວ່າ ຈໍານວນຄົນເຂົ້າເມືອງຜິດກົດໝາຍ ທີ່ມາຈາກເມັກຊິໂກຢູ່ໃນສະຫະ
ລັດ ໄດ້ຫລຸດລົງເປັນຄັ້ງທຳອິດໃນຮອບ 40 ປີທີ່ຜ່ານມາ.
ສູນກາງຄົ້ນຄົ້ວ Pew ກ່ຽວກັບພວກທີ່ປາກພາສາສະເປນ ຫຼື Pew Hispanic
Center ທີ່ກຸງວໍຊິງຕັນກ່າວໃນວັນຈັນວານນີ້ວ່າ ມີຊາວເມັກຊິໂກ ປະມານ 6 ລ້ານ 1
ແສນຄົນ ໄດ້ພາກັນເຂົ້າມາຢູ່ຢ່າງຜິດ ກົດໝາຍໃນສະຫະລັດໃນປີແລ້ວນີ້ຊຶ່ງຫລຸດລົງ
ຈາກຈໍານວນ 7 ລ້ານຄົນໃນປີ 2007.
ລາຍງານຂອງສູນກາງ PEW ໄດ້ອ້າງເຫດຜົນວ່າ ເປັນການບໍ່ມີວຽກເຮັດງານທຳໃນ
ເສດຖະກິດທີ່ພວມຊັກຊັກລົງຂອງສະຫະລັດແລະການເນລະເທດທີ່ມີເພີ່ມຂຶ້ນ.
ຊາວເມັກຊິໂກບາງຄົນພາກັນກ່າວວ່າ ຄວາມຮຸນແຮງຂອງກຸ່ມກໍ່ອາຊະຍາກຳທີ່ຄວບຄຸມ
ເຂດເໜືອຂອງເມັກຊິໂກຕິດ ກັບຊາຍແດນຂອງສະຫະລັດນັ້ນ ກໍແມ່ນສ່ວນນຶ່ງທີ່ເຮັດ
ໃຫ້ຈຳນວນຄົນ ເຂົ້າເມືອງຫລຸດລົງ.
ການເພີ່ມຂຶ້ນຂອງພວກຄົນເຂົ້າເມືອງໃນຕົ້ນຊຸມປີ 1970 ໄດ້ນໍາເອົາຊາວເມກຊິໂກຫລາຍ
ລ້ານຄົນເຂົ້າມາຢູ່ໃນສະຫະລັດເພື່ອຊອກຫາວຽກການເຮັດ ແລະຢາກໃຫ້ລູກເຕົ້າຂອງ
ພວກເຂົາເຈົ້າມີໂອກາດທາງດ້ານ ເສດຖະກິດອັນກວ້າງໃຫ່ຍ ແລະດ້ານສັງຄົມທີ່ດີຂຶ້ນ.
ເບິ່ງວີດີໂອລາຍງານ ກ່ຽວກັບບັນຫາຄົນເຂົ້າເມືອງຜິດກົດໝາຍໃນລັດແອຣີໂຊນາ: