ລິ້ງ ສຳຫລັບເຂົ້າຫາ

logo-print

ຈີນຖືກນາໆຊາດ ໂຈມຕີຢ່າງໜັກ ຍ້ອນການຜ່າຕັດ ເອົາອະໄວຍະວະ ນັກໂທດ (ວີດີໂອ)


ລິງໂດຍກົງ

ເບິ່ງວີດີໂອ ກ່ຽວກັບ ລາຍງານນີ້.

ຂະນະ​ນີ້ ຄວາມ​ສົນ​ໃຈ​ ຂອງນານາ​ຊາດ ​ແມ່ນ​ກໍາລັງ​ແນ​ໄປ​ໃສ່
ພາກ​ປະຕິບັດ​ຂອງ​ປະ​ເທດ​ຈີນ ​ໃນການບັງຄັບເອົາ​ອະ​ໄວ​ຍະ​ວະ
​ຈາກຮ່າງກາຍ​ ຂອງພວກ​ນັກ​ໂທດຈິດ​ສໍານຶກ ​ແລະ ສະ​ມາ​ຊິກ
​ຂອງກຸ່ມສາສະໜາ​ແລະຊົນ​ເຜົ່າ​ສ່ວນ​ນ້ອຍ ຕາມ​ທີ່​ມີ​ການກ່າວ​
ຫາ​ນັ້ນ. ​ເມື່ອ​ວັນ​ທີ 12 ທັນວາ​ຜ່າ​ນມາ​ນີ້ ລັດຖະ ສະພາ​ຢູ​ໂຣບ
​ໄດ້​ຮຽກຮ້ອງ​ໃຫ້​ຈີນ​ຍຸຕິການ​ປະຕິບັດດັ່ງກ່າວ​ນີ້ ​ແລະ​ສະພາ​ຕໍ່າ
ສະຫະລັດກໍ​ກໍາລັງ​ພິຈາລະນາ​ຈະ​ອອກ​ມະຕິ​ທໍານອງ​ດຽວ​ກັນ​.
ຜູ້​ສື່ຂ່າວ​ ວີ​ໂອ​ເອ Elizaeth Lee ມີລາຍ​ງານມາ​ຈາກນະຄອນ
Los Angeles ລັດ California ກ່ຽວ​ກັບການ​ປຸກລະດົມ​ທີ່​ກໍາ
ລັງ​ກໍ່​ຕັ້ງ​ຂຶ້ນ​ມາ ເພື່ອ​ຍຸຕິຈີນ ​ໃຫ້​ເຊົາເກັບ​ກ່ຽວ​ເອົາ​ອະ​ໄວ​ຍະ​ວະ​
ຈາກ​ພວກ​ນັກ​ໂທດ. ທອງ​ປານ ມີ​ລາຍ​ລະ ອຽດ​ມາສະ​ເໜີ​ທ່ານ
​ໃນ​ອັນ​ດັບ​ຕໍ່​ໄປ

ລິງໂດຍກົງ

ຢູ່​ໜ້າ​ບໍລິ​ເວນ​ສະຖານ​ກົງສຸນ​ຈີນ ທີ່​ນະຄອນ​ລອສ ​ແອນ​ຈີ​ແລ​ສ ພວກ​ປະຕິບັດສາສະໜາ
ຟາ​ຫຼຸ​ນ ກົງ ທີ່​ພາກັນ​ປະ​ທ້ວງ ກ່າວ​ຫາລັດຖະບານ​ຈີນ​ວ່າ​ ​ບັງຄັບ​ຕັດເອົາ​ເອົາ​ອະ​ໄວ​ຍະວະ​
ຂອງ​ພວກ​ນັກ​ໂທດ ທີ່​ເປັນ​ສະມາຊິກຂອງ​ກຸ່ມ ​ຟາ​ຫຼຸ​ນ ກົງ​.

ນາງ Zeng Zheng ເວົ້າສູ່​ຟັງ ​ເຖິງປະສົບ​ປະການ​ຂອງ​ນາງ ຫຼັງ​ຈາກ​ນາງຖືກ​ຈັບ​ກຸມ.

ນາງ Zheng ​ເວົ້າ​ວ່າ: “​ໃນ​ມື້​ທີ່​ພວກ​ເຮົາ​ຖືກ​ຍ້າຍ​ຈາກ​ສູນ​ກັກຂັງ​ ໄປ​ຍັງ​ຄ້າຍ​ສັບ
ພະ​ທຸກ ຄົນ​ທີ່​ພວກ​ເຮົາ​ເຫັນ​ນັ້ນ ເຮັດ​ໃຫ້​ພວກ​ເຮົາ​ປະຫຼາດ​ໃຈ​ທີ່​ສຸດ ​ເພາະບໍ່​
ແມ່ນ​ຕໍາຫຼວດຍາມ​ ​ແຕ່​ເປັນ​ນາຍ​ໝໍ​ຄົນ​ນຶ່ງ. ພວກ​ເຮົາ​ຖືກ​ສົ່ງໄປ​ຍັງ​ສະຖານ​ທີ່
ລັບ​ລີ້ແຫ່ງນຶ່ງ ບ່ອນ​ທີ່​ນາຍ​ໝໍ​ຄົນ​ນຶ່ງ​ລໍຖ້າ​ພວກ​ເຮົາຢູ່ ເພື່ອ​ສອບ​ປາກ​ສອບ​ຄໍາ
​ພວກ​ເຮົາ​ ກ່ຽວ​ກັບ ປະຫວັດ​ດ້ານການແພດຂອງ​ພວກ​ເຮົາ.”


ທາງ​ Dana Churchill ກໍ​ເວົ້າ​ວ່າ ອະ​ໄວ​ຍະ​ວະ​ສ່ວນ​ໃຫຍ່​ແມ່ນ​ມາ​ຈາກ​ພວກ ​ຟາ​ຫຼຸ​ນ ກົງ.

Dana Churchill ​ເປັນສະມາ​ຊິກ​ກຸ່ມ ​ຟາ​ຫຼຸ​ນ ກົງ ທີ່​ປະ​ຈໍາຢູ່ກັບກຸ່ມ​ນາຍ​ໝໍ​ຕໍ່ຕ້ານການ
ບັງ​ຄັບ​ເກັບ​ກ່ຽວ​ເອົາ​ອະ​ໄວ​ຍະ​ວະ ຫຼື Doctors Against Forced Organ Harvesting
​ທີ່​ທໍາ​ງານ​ຢ່າງ​ໃກ້ຊິດ​ກັບກຸ່ມ​ ຟາ​ຫຼຸ​ນ ກົງ.

ທ້າວ Churchill ​ເວົ້າ​ວ່າ: “​ມີ​ພວກປະຕິບັດ​ສາສະໜາ ຟາ​ຫຼຸ່ນກົງ ປະມານຫົກ​ສິບ​
ຫ້າ​ພັນ​ຄົນ ທີ່​ຖືກ​ຄາດ​ຕະກໍາ​ເພື່ອ​ຕັດ​ເອົາ​ອະ​ໄວ​ຍະ​ວະ​ຂອງ​ເຂົາ​ເຈົ້າ ຈາກ​ຕັ້ງ​
ແຕ່ປີ 2001 ຈົນ​ເຖິງ​ ປະມານ​ປີ 2006, 2007”


​ເຈົ້າໜ້າ​ທີ່​ລັດຖະບານ​ຈີນ​ຄົນ​ນຶ່ງ ​ທີ່​ໃຫ້​ສໍາພາດ​ກັບ​ໜັງສືພິມລາຍ​ວັນ​ ພາສາອັງກິດ China
Daily ປະຕິເສດ​ຂໍ້​ກ່າວ​ຫາ​ດັ່ງກ່າວ​ນັ້ນ ວ່າ​ເປັນເລຶ່ອງທີ່​ເສກ​ສັນ​ປັ້ນ​ແຕ່ງ​ຂຶ້ນມາ​ ໂດຍ​ກຸ່ມ
ຟາ​ຫຼຸ​ນກົງ​ຫຼາຍ​ກວ່າ. ​ເຈົ້າໜ້າ​ທີ່​ຄົນ​ນັ້ນ​ເວົ້າ​ຕໍ່​ໄປ​ວ່າ ບໍ່​ມີ​ສະມາຊິກ ​ຟາຫຼຸ​ນກົງ ​ຈັກຄົນ
ເລີຍ ທີ່​ຖືກ​ບັງຄັບ​ເອົາ​ອະ​ໄວ​ຍະ​ວະ.

ທ່ານ Harry Wu ​ປະ​ຈໍາ​ມູນ​ນິທີ​ຄົ້ນຄວ້າ Lao Gai ໄດ້​ຖືກ​ກັກ​ຂັງຢູ່​ໃນ​ຄ້າຍ​ສັບພະ​ທຸກ ​ເປັນ​ເວລາ 19 ປີ.​ ໃນບັ້ນ​ສຸດ​ທ້າຍ ທ່ານ​ໄດ້​ເປັນ​ສັນຊາດ​ອາ​ເມຣິກາ ​ແລະ​ເປັນ​ນັກ​ເຄຶ່ອນ​
ໄຫວ​ດ້ານ​ສິດທິ​ມະນຸດ​ຜູ້​ມີ​ຊື່​ສຽງ​ຄົນ​ນຶ່ງ. ທ່ານ​ບໍ່​ແນ່​ໃຈ​ກ່ຽວ​ກັບ​ການ​ກ່າວຫາ​ຂອງ​ກຸ່ມ​ຟາ​
ຫຼຸນກົງນັ້ນ​.

ທ່ານ ວູ ​ເວົ້າ​ວ່າ: “ຖ້າ​ເຮົາ​ຢາກ​ປະ​ທ້ວງ ຢາກ​ໂຕ້​ແຍ້​ງ ຢາກ​ໄປ​ປະກົດ​ຕົວ​ຢູ່​ຕໍ່ໜ້າ​ລັດຖະບານ​ຈີນ​ ມັນ​ກໍ​ໄດ້​ຢູ່ ​ແຕ່​ຂ້ອຍ​ໄດ້​ບອກ​ກຸ່ມ​ຟາ​ຫຼຸ​ນກົງ ຢ່າງ​ຊັດ​ເຈນ​ທີ່​ສຸດ​
ແລ້ວ​ວ່າ ​ເຂົາ​ເຈົ້າຕ້ອງ​ມີ​ຫຼັກ​ຖານ​ຕົວ​ຈິງເສຍ​ກ່ອນ.”


ທ່ານ ວູ ​ໄດ້​ໂອ້​ລົມ ​ກັບ​ພວກ​ຄົນ​ເຈັບແລະ​ນາຍ​ໝໍຫຼາຍຄົນຢູ່​ໃນ​ຈີນ ​ແລະເວົ້າວ່າ ການ
ຕັດເອົາ​ອະ​ໄວ​ຍະ​ວະ​ຕ່າງໆ​ ຈາກ​ນັກ​ໂທດ​ທີ່​ຖືກ​ປະຫານ​ນັ້ນ ​ຍັງ​ມີ​ຢູ່ຕໍ່ມາ ​ແຕ່​ກໍໄດ້ມີ​ການ
ປ່ຽນແປງ​ໃນນະ​ໂຍບາຍດັ່ງກ່າວແລ້ວ.

ທ່ານ ວູ ​ເວົ້າ​ວ່າ: “​ແຕ່​ກ່ອນຈົນ​ມາ​ຮອດ​ມື້ນີ້​ ​ແມ່ນເປັນ​ເວລາ​ໄດ້​ຫຼາຍ​ກວ່າ 30 ປີ
ແລ້ວ ທີ່​ຈີນ​ໄດ້ຜ່າ​ຕັດ​ເອົາ​ອະ​ໄວ​ຍະ​ວະ​ຈາກ​ນັກ​ໂທດ​ທີ່​ຖືກ​ປະຫານ. ຖ້າ​ເຮົາ​ຄິດ​
ກະ​ປະມານ​ແບບ​ຕໍ່າໆ​ ​ແບບ​ວ່າ ມີນັກ​ໂທດ​ຖືກ​ປະຫານ​ໄປປີ​ລະ ປະມານ 4,000
ຄົນ. 30 ປີ ກໍ​ໝາຍ​ຄວາມ​ວ່າ​ເປັນ 120 ພັນ​ຄົນ. ມັນ​ກໍເປັນຈໍານວນ​ຫຼວງ​ຫຼາຍ​
ສົມຄວນ.”


Dr. Gabriel Danovitch ນາຍ​ໝໍ​ປະ​ຈໍາ​ມະຫາ​ວິທະຍາ​ໄລ University of California
ທີ່ Los Angeles ແລະ​ເປັນ​ສະມາຊິກ​ ສະມາຄົມຜ່າຕັດ​ອະ​ໄວ​ຍະ​ວະ ຫຼືທີ່​ຮູ້​ກັນ​ວ່າ
TTS ​ເວົ້າວ່າ ຂະນະ​ນີ້ TTS ກໍາ​ລັງ​ປະຕິບັດ​ງານ​ກັບ​ລັດຖະບານ​ຈີນ ​ເພື່ອຈັດ​ຕັ້ງ​ການ​ລົງ
ທະບຽນປ່ຽນ​ອະ​ໄວ​ຍະ​ວະ ທີ່​ຄ້າຍຄື​ກັບທີ່​ປະຕິບັດ​ກັນຢູ່ສະຫະລັດແລະ​ຢູ​ໂຣບ ໃນ​ເວລາ​ນີ້.

Dr. Danovitch ​ເວົ້າ​ວ່າ: “ຂ້າພະ​ເຈົ້າ​ເຊື່ອ​ວ່າ ໄດ້​ມີການ​ຕັດ​ໃຈໃນ​ເລື່ອງ​ນີ້ໄປ​
ແລ້ວ ຢູ່ໃນ​ລະດັບ​ເຈົ້າໜ້າ​ທີ່​ສູງສຸດ​ຂອງ​ລັດຖະບານ​ຈີນ ​ແລະ​ໃນ​ກະຊວງສາທາ
ລະນະ​ສຸກ ​ແລະ​ກໍ​ມີ​ການ​ເຂົ້າ​ໃຈ​ກັນ​ດີ​ແລ້ວ​ວ່າ ການ​ປະຕິບັດ​ແບບນີ້​ຈະຕ້ອງໄດ້
ຍຸຕິ​ລົງ.”


Dr. Danovitch ​ເວົ້າ​ວ່າ ຈີນ​ຍັງ​ຈະຕ້ອງ​ໄດ້​ປ່ຽນ​ແປງ​ລະບົບ​ ທີ່ຈັດ​ສະໜອງ​ອະ​ໄວ​ຍະວະ
ໃຫ້​ແກ່​ພວກຄົນ​ຮັ່ງມີ ນັ້ນ​.

Dr. Danovitch ​ເວົ້າ​ວ່າ: “ຖ້າ​ຈະ​ເວົ້າ​ແລ້ວ ຈີນ​ເກືອບ​ວ່າ​ເປັນ​ຄື​ກັນ​ກັບຮ້ານ​ສັບ
ພະ​ສິນຄ້າ​ກໍ​ວ່າ​ໄດ້ ສໍາລັບ​ບໍລິການ​ອະ​ໄວ​ຍະ​ວະ​ທຸກ​ຢ່າງ ​ໃຫ້​ແກ່ຜູ້ຄົນ​ທີ່​ມາ​ຈາກ​
ທົ່ວ​ໂລກ ​ມາ​ຊຶ້​ອະ​ໄວ​ຍະ​ວະ​ເຫຼົ່າ​ນັ້ນ ​ແລະ​ກໍ​ຈ່າຍ​ໃນ​ລາຄາ​ແພງ​ທີ່​ສຸດ ດ້ວຍ.”


ກຸ່ມ​ນາຍ​ໝໍ ​ແລະ​ ນັກ​ເຄື່ອນ​ໄຫວ​ສິດທິ​ມະນຸດ ​ເວົ້າ​ວ່າ ການ​ປ່ຽນ​ແປງຈະ​ບໍ່​ເກີດຂຶ້ນ​ໄດ້​ໃນ​ຄືນ​ດຽວ ​ແຕ່ Dr. Danovitch ກໍ​ຫວັງ​ວ່າ ຄວາມ​ກົດດັນ​ຈາກ​ນານາ​ຊາດ ຈະ​ເຮັດ​ໃຫ້​ຈີນ
ຫັນປ່ຽນ​ໄປ​ໃຊ້​ວິທີ​ທີ່​ມີ​ຈະລິ​ຍະ​ທໍາ ສໍາລັບ​ການຊອກ​ເອົາອະ​ໄວ​ຍະ​ວະນັ້ນ.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG