ສານອາຍານາໆຊາດ ໄດ້ອອກໝາຍຈັບ ຜູ້ນຳທະຫານບ້ານເຜົ່າຮູຕູ ໃນຣວັນດາ ທີ່ຖືກກ່າວ
ຫາວ່າ ໄດ້ກໍ່ອາຊະຍາກໍາສົງຄາມໃນສາທາລະນະລັດປະຊາທິປະໄຕຄອງໂກ.
ໃນວັນສຸກວານນີ້ ສານອາຍານາໆຊາດກ່າວວ່າ ຕົນຕ້ອງການໂຕນາຍ Sylvestre Muda-
cumura ໃນຄວາມຜິດກໍໂທດກຳຕ້ານມະນຸດຊາດ 5 ກະທົງແລະຄວາມຜິດໃນການກໍ່ອາຊະ
ຍາກໍາສົງຄາມ ອີກ 9 ກະທົງຮວມທັງການຄາດຕະກໍາ ຂົ່ມຂືນສຳເລົາແລະການຕັດທໍາຮ້າຍ
ຮ່າງກາຍ.
ນາຍ Mudacumura ເປັນຜູ້ບັນຊາການທະຫານ ຂອງກຸ່ມກໍາລັງປະຊາທິປະໄຕ ເພື່ອປົດ
ປ່ອຍຣວັນດາ ຊຶ່ງຮູ້ກັນໂດຍຊື່ຫຍໍ້ວ່າ FDLR. ສານອາຍານາໆຊາດກ່າວວ່າ ພວກກະບົດ
ກຸ່ມນີ້ມີຖານປະຕິດບັດງານຕັ້ງຢູ່ໃນພາກຕາເວັນອອກຂອງສາທາລະນະລັດປະຊາທິປະໄຕ
ຄອງໂກໄດ້ທໍາການໂຈມຕີພົນລະເຮືອນສອງຄັ້ງໃນປີ 2009 ແລະ 2010.
ກຳລັງທະຫານບ້ານ FDLR ໄດ້ຕັ້ງຂື້ນມາໂດຍເຜົ່າຮູຕູ ທີ່ໄດ້ປະກອບສ່ວນເຂົ້າ ຮ່ວມໃນ
ການຂ້າລ້າງເຊື້ອຊາດເຜົ່າພັນເຜົ່າ Tutsis ຢູ່ຣວັນດາໃນປີ 1994 ແລະໄດ້ຫຼົບໜີເຂົ້າໄປຢູ່
Congo ຫລັງຈາກການຂ້າລ້າງໄດ້ຢຸດລົງ.
ໃນວັນສຸກວານນີ້ ສານຍັງໄດ້ອອກໝາຍຈັບອັນທີສອງ ຕໍ່ຜູ້ບັນຊາການທະຫານບ້ານຊາວ
ຄອງໂກ ອີກຄົນນຶ່ງ. ສານກ່າວວ່າ ຕົນໄດ້ເພີ້ມຂໍ້ຫາຕໍ່ນາຍ Bosko Ntaganda ທີ່ໄດ້ນໍາ
ພາກຸ່ມທະຫານບ້ານ CNDP ໃນພາກຕາເວັນອອກ ຂອງສາທາລະນະລັດ ປະຊາທິປະໄຕ
ຄອງໂກ.