ສານອາຍານາໆຊາດ ໄດ້ພົບເຫັນວ່າ ຂຸນເສິກ Thomas Lubanga ຂອງຄອງໂກ ມີ
ຄວາມຜິດຖານສົ່ງພວກເດັກນ້ອຍໄປສູ້ລົບໃນການອອກ ຄໍາຕັດສິນເທື່ອທໍາອິດຂອງສານ
ນັບຕັ້ງແຕ່ໄດ້ມີການສ້າງຕັ້ງຂຶ້ນເມື່ອສິບປີຜ່ານມາ.
ທ່ານ Adrian Fulford ປະທານຜູ້ພິພາກສາໃນການດຳເນີນຄະດີກ່າວວ່າ ສານພົບເຫັນ
ຫລັກຖານຢ່າງເປັນເອກະສັນ ໂຮມທັງຮູບວີດິໂອ ແລະພະຍານໃຫ້ການຕໍ່ສານທີ່ພິສູດວ່າ
ນາຍ Lubanga ແລະຜູ້ຮ່ວມ ກະທຳຄວາມຜິດ ຮູ້ດີວ່າໄດ້ເກນເດັກນ້ອຍອາຍຸ 15 ປີຫລື
ຕໍ່າກວ່ານັ້ນໄປເປັນທະຫານ.
ຜູ້ພິພາກສາກ່າວວ່າ ນາຍ Lubanga ໄດ້ເກນເອົາພວກເດັກນ້ອຍເພື່ອໄປສູ້ລົບສໍາລັບ
ໃຫ້ແກ່ກຸ່ມກຳລັງປະກອບອາວຸດຂອງລາວ ຄືສະຫະພາບຜູ້ຮັກຊາດຄອງໂກ ຫລື Union
of Congolese Patriots ໃນລະຫວ່າງສົງຄາມກາງເມືອງຢູ່ສາທາລະນະລັດປະຊາທິປະ
ໄຕຄອງໂກ ໃນປີ 2002 ແລະ 2003 ນັ້ນ.
ຂຸນເສິກ Lubanga ຈະຖືກຄວບຄຸມຕົວໄວ້ຈົນກວ່າການຕັດສິນໂທດມືຂຶ້ນໃນການໃຫ້ການ
ໃນຂັ້ນຕໍ່ໄປ. ຜູ້ກ່ຽວປະເຊີນກັບໂທດຈໍາຄຸກຕະຫລອດຊີວິດແລະກໍຍັງສາມາດຍື່ນຂໍອຸທອນ
ຄໍາຕັດສິນໄດ້.
ນາຍ Lubanga ເປັນຜູ້ຕ້ອງຫາຄົນທໍາອິດທີ່ໄດ້ຖືກດໍາເນີນຄະດີໂດຍສານ ອາຊະຍາກຳ
ສົງຄາມຖາວອນຂອງໂລກຊຶ່ງໄດ້ຕັ້ງຂຶ້ນມາໃນປີ 2002 ແລະຄະດີຂອງນາຍລູບັງກາໄດ້ເລີ່ມ
ດໍາເນີນມາໃນປີ 2009 ຄືສາມປີຫລັງຈາກນາຍລູບັງກາຖືກຈັບກຸມ.