ກຸ່ມປົກປ້ອງສິດທິມະນຸດສາກົນກຸ່ມໜຶ່ງໄດ້ກ່າວຫາກຳລັງປະ
ສົມພາຍໃຕ້ການນຳພາຂອງ ຊາອຸດີ ອາຣາເບຍ ວ່າ ແນເປົ້າ
ໝາຍໃສ່ບັນດາພົນລະເຮືອນ ຢູ່ໃນປະເທດ Yemen ໂດຍ
ກ່າວວ່າ ຊາອຸດີ ແລະ ບັນດາປະເທດຕາເວັນຕົກ ທີ່ໃຫ້ການ
ສະໜັບສະໜູນບໍ່ສາມາດສະໜອງຄຳຕອບກ່ຽວກັບການສັງ
ຫານພົນລະເຮືອນຢູ່ໃນປະເທດທີ່ທຸກຈົນດັ່ງ ກ່າວໄດ້.
ລາຍງານສະບັບໜຶ່ງ ຂອງກຸ່ມປົກປ້ອງສິດທິມະນຸດ Human
Rights Watch ທີ່ນຳອອກເຜີຍແຜ່ໃນວັນສຸກວານນີ້ ກ່າວ
ວ່າ ບັນດາເຮືອບິນລົບ ຂອງຊາອຸດີ ໄດ້ທຳການໂຈມຕີ ຢ່າງ
ໜ້ອຍ 10 ເທື່ອ “ທີ່ເຫັນວ່າຜິດກົດໝາຍ” ຢູ່ໃນ Yemen ລະ
ຫວ່າງເດືອນເມສາ ແລະສິງຫາ ປີ 2015 ທີ່ໄດ້ສັງຫານພົນລະເຮືອນ 309 ຄົນ ແລະໄດ້
ຮັບບາດເຈັບອີກ 414 ຄົນ.
ລາຍງານກ່າວວ່າ ທັງຊາອຸດີ ອາຣາເບຍ ແລະສະຫະລັດ ທີ່ໃຫ້ການສະໜັບສະໜຸນດ້ານ
ສືບລັບ ແລະດ້ານພະລາທິການໃນການໂຈມຕີ ບໍ່ໄດ້ທຳການສືບສວນກ່ຽວກັບການເສຍ
ຊີວິດຂອງພົນລະເຮືອນຢູ່ໃນເຢເມນເລີຍ.
ກຸ່ມປົກປ້ອງສິດທິມະນຸດ ທີ່ມີສຳນັກງານ ຢູ່ໃນນະຄອນ New York ກຸ່ມນີ້ ກ່າວວ່າ ເຈົ້າ
ໜ້າທີ່ຊາອຸດີ ຍັງບໍ່ໄດ້ໃຫ້ຄຳຕອບຕໍ່ການຮ້ອງຂໍຊໍ້າແລ້ວຊໍ້າອີກໂດຍກຸ່ມດັ່ງກ່າວ ກ່ຽວກັບ
ລາຍລະອຽດໃນການໂຈມຕີທາງອາກາດ 10 ເທື່ອນັ້ນ.
ຮອງຜູ້ອຳນວຍການ ປະຈຳເຂດພາກຕາເວັນອອກກາງ ຂອງອົງການ Human Rights
Watch ທ່ານ Joe Stork ກ່າວວ່າ ກຳລັງປະສົມ ບໍ່ເຕັມພໍໃຈທີ່ທຳການ “ແມ່ນແຕ່ການ
ສືບສວນ ໜຶ່ງເທື່ອ ກ່ຽວກັບການໂຈມຕີຫລາຍຄັ້ງ ທີ່ຜິດກົດໝາຍ.”
ທ່ານ Stork ກ່າວວ່າ “ໃນຂະນະທີ່ກຳລັງປະສົມ ອາດມີອາວຸດຍຸດໂທປະກອນທີ່ທັນສະ
ໄໝ ແລະສະຫະລັດໃຫ້ການສະໜັບສະໜູນໃນຄວາມໝັ້ນໝາຍຕໍ່ກົດໝາຍສົງຄາມນັ້ນ
ແມ່ນເປັນພື້ນຖານທີ່ດີສຸດ.”
