ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ເຂດຝັ່ງຕາເວັນອອກ ຂອງສະຫະລັດ ເຕືອນ ປະຊາຊົນ ໃຫ້ກຽມຮັບມື ກັບພາຍຸ Sandy (ສະໄລດ໌)


ພາບຈາກດາວທຽມຂອງພາຍຸ Hurricane Sandy ໂຊຢູ່ໜ້າຈໍ ໂທລະພາບ ຢູ້ສູນກາງເຮຣີເຄນຂອງສະຫະລັດ ທີ່ນະຄອນ Miami, ລັດຟລໍຣີດາ, ວັນທີ 26 ຕຸລາ 2012.
ພາບຈາກດາວທຽມຂອງພາຍຸ Hurricane Sandy ໂຊຢູ່ໜ້າຈໍ ໂທລະພາບ ຢູ້ສູນກາງເຮຣີເຄນຂອງສະຫະລັດ ທີ່ນະຄອນ Miami, ລັດຟລໍຣີດາ, ວັນທີ 26 ຕຸລາ 2012.
ສູນ​ກາງ​ພາຍຸ Hurricane ​ແຫ່ງ​ຊາດຂອງສະຫະລັດ ​ໄດ້​ລົດ​ຄວາມ​
ແຮງ​ຂອງ Hurricane Sandy ລົງ​ມາ​ເປັນພາຍຸເຂດ​ຮ້ອນ.


​ແຕ່​ກໍຍັງ​ຄາດກັນ​ວ່າ​ ພາຍຸ​ລູກນີ້ຈະ​ສົ່ງ​ຜົນ​ກະທົບ ຕໍ່ຫລາຍ​ສິບ​ລ້ານ​ຄົນ ທີ່ຢູ່​ເລາະ​ຕາມ​ຝັ່ງ​ທະ​ເລ​ຕາ​ເວັນ​ອອກ​ຂອງສະຫະລັດ ຈາກລັດ Florida​ ຂຶ້ນ​ໄປ​ຫາເຂດ New England ຫລື​ຕາ​ເວັນ​ອອກສຽງ​ເໜືອ​ຂອງ​ປະ​ເທດ. ​ເຮີຣີ​ເຄນ Sandy ​ໄດ້​ເຮັດ​ໃຫ້​ຢ່າງ​ໜ້ອຍ 43 ຄົນ ​ເສຍ​ຊີວິດ ​ໃນ​ຂະນະ​ທີ່​ມັນ​ພັດ​ຜ່ານທະ​ເລ Caribbean.

ຄວາມ​ແຮງ​ຂອງ​ລົມພາຍຸ Sandy ​ໄດ້​ລົດ​ລົງ​ມາຢູ່ໃກ້ 110 ກິ​ໂລ​ແມັດ​ຕໍ່​ຊົ່ວ​ໂມງ ​ແຕ່​ກໍອາດ​ຈະທະວີ​ຄວາມ​ແຮງ​ຂື້ນ​ອີກໄດ້ ໃນ​ຕອນ​ກາງຄືນ ວັນ​ອາທິດ.

ບັນ​ດາ​ນັກ​ພະຍາກອນ​ອາກາດ ກ່າວ​ວ່າ ຄໍາເຕືອນທີ່​ເຂົາ​ເຈົ້າ​ໄດ້​ອອກ​ໄປ ທີ່ວ່າ​ໃຫ້​ລະວັງ ລົມ​ແຮງທີ່​ຈະ​ສ້າງ​ຄວາມ​ເສຍ​ຫາຍ ຝົນທີ່​ຈະ​ທັ່ງ​ເທ​ລົງ​ມາ​ຢ່າງໜັກ ​ອາດ​ຈະ​ເກີດນໍ້າ​ຖ້ວມ​ຢູ່​ເລາະ​ຝັ່ງ​ທະ​ເລ ​ແລະ​ມີ​ຫິມະ​ຕົກ​ໜັກ​ຢູ່​ເທິງພູນັ້ນ ​ແມ່ນ​ຈະ​ຕ້ອງຖື​ເປັນ​ເລື້ອງ​ຈິງ​ຈັງ ເພາະ​ຍັງ​ເປັນ​ທີ່​ຄາ​ດ ກັນ​ອີກ​ຢູ່​ວ່າ ພາຍຸ Sandy ຈະ​ໄປ​ຮວມ​ໂຕກັບ​ລະບົບ​ພາຍຸ​ອື່ນໆ ທີ່ພັດມາ
ສູ່​ເຂດ​ນີ້ ຈາກພາ​ກ​ເໜືອ ​ແລະ​ພາກ​ຕາ​ເວັນ​ຕົກ.

​ນະ​ຄອນ​ຫລວງ Washington ລັດ New York ​ລັດ Maryland ​ລັດ Virginia ​ແລະ​ລັດ Carolina ​ໄດ້​ພາກັນ​ປະກາດ​ພາວະ​ສຸກ​ເສີນ. ບໍລິສັດ​ໄຟຟ້າ​ຕ່າງໆ ​ໄດ້ພາກັນ​ບອກໃຫ້ຜູ້ຊົມ​ໃຊ້ ​ພາກັນ​ກຽ​ມຕົວ​ຮັບ​ມື​ກັບ​ໄຟຟ້າ​ມອດ​ເປັນ​ເວລາ​ຫລາຍໆ​ມື້. ​ບັນດາເຈົ້າ​ໜ້າ​ທີ່​ທ້ອງ​ຖິ່ນກໍ​ໄດ້ ຮຽກຮ້ອງ​ໃຫ້​ປ​ະຊາຊົນ ຫ້າງ​ຫາ​ນໍ້າ​ດື່ມ ​ເຄື່ອງກິນ​ກະ​ປອງ ​ແລະຖ່ານ​ໄຟ​ແບ​ດ​ເຕີຣີ ​ໄວ້.

ບັນດາ​ນັກ​ພະຍາກອນ​ອາກາດ ກ່າວ​ວ່າ ພາຍຸ Sandy ມີ​ໂອກາດ​ສູງ​ທີ່​ສຸດ ທີ່​ຈະພັດ​ກະ​ໜໍ່າເຂົ້າ​ໃສ່ ລັດ Delaware ຫລື​ພາກ​ໃຕ້​ຂອງລັດ New Jersey ​ໂດຍ​ທີ່​ຊ່ວງ​ທີ່​ຮ້າຍ​ແຮງ​ທີ່ສຸດ​ນັ້ນ ​ແມ່ນ​ຈະ​ມາ​ເຖິງ​ໃນ​ຄືນ​ວັນຈັນ ​ເຂົ້າ​ສູ່​ວັນ​ອັງຄານ.

ລົມພາຍຸ Sandy ​ກໍາລັງ​ເຄື່ອນ​ຍ້າຍ​ຂຶ້ນ​ເໜືອ ຫລັງ​ຈາກ​ໄດ້​ຖະຫລົ່ມ ​ເກາະ Bahamas Cuba Haiti ​ແລະ Jamaica ​ໃນ​ເຂດ​ທະ​ເລ​ແຄຣີບຽນ.

ກ່ຽວຂ້ອງກັນ

XS
SM
MD
LG