ລິ້ງ ສຳຫລັບເຂົ້າຫາ

logo-print

ຈຳ​ນວນ ຜູ້​ເສຍ​ຊີ​ວິດ ຍ້ອນ​ເຮີ​ຣິ​ເຄນ​ໄມ​ເກີ​ລ ເພີ້ມ​ຂຶ້ນ​ເປັນ 16 ຄົນ


ທຸງ​ຊາດ​ອາ​ເມ​ຣິ​ກາ ຍັງ​ປິວ​ສະ​ບັດ ຢູ່​ກາງຍ​ຊາກ​ຫັກ​ພັງ ທີ່​ເມືອງ​ຫາດ​ຊາຍ​ເມັກ​ຊິ​ໂກ ຫຼັງ​ຈາກ​ເຮີ​ຣິ​ເຄນ​ໄມ​ເກີ​ລ ພັດ​ຖະ​ຫຼົ່ມ. (ວັນ​ທີ 11 ຕຸ​ລາ 2018)

ທ່ານ ຣິກ ສະ​ກັອດ ຜູ້​ປົກ​ຄອງ​ລັດຟ​ລໍ​ຣິ​ດາ ກ່າວ​ວ່າ "ມັນ​ຄື​ກັນ ​ກັບ​ສະ​ໜາມ​ລົບ" ໃນ​ຂະ
​ນະ​ທີ່​ທ່າ​ນ ​ໄປ​ຢ້ຽມຢາມ​ຫາດ​ຊາຍ​ເມັກ​ຊິ​ໂກ ຊຶ່ງ​ເປັນ​ເມືອງ​ບ່ອນ​ທີ່​ ເຮີ​ຣິ​ເຄນໄມ​ເກິ​ລພັດ
​ຂຶ້ນ​ຝັ່ງ​ນັ້ນ.

ມີ​ການ​ພົບ​ສົບ ​ຜູ້​ເສຍ​ຊີ​ວິດ​ນຶ່ງ​ຄົນ​ແລ້ວ ​ຢູ່​ຕາມ​ຊາກ​ຫັກ​ພັງ​ຂອງ​ປະ​ຊາ​ຄົມ​ທີ່​ຖືກ​ທຳ​ລາຍ
ຊຶ່ງ​ເຮັດ​ໃຫ້​ຈຳ​ນວນ​ຜູ້​ເສຍ​ຊີ​ວິດ​ທັງ​ໝົດ ​ເພີ້ມ​ຂຶ້ນ​ເປັນ 16 ຄົນ ຍ້ອນເຮີ​ຣິ​ເຄນ ທີ່​ມີ​ຄວາມ
​ແຮງ​ປະ​ເພດ 4 ຊຶ່ງ​ໄດ້​ພັດ​ຂຶ້ນ​ຝັ່ງ ຢູ່​ໃນ​ເຂດ​ພາກ​ຕາເວັນ​ຕົກ​ສຽງ​ເໜືອ​ສຸດ​ຂອງ​ລັດ​ຟ​ລໍ​ຣິ​
ດາ ແລະ​ຫລັງ​ຈາກນັ້ນ​ກໍ​ມຸ່ງ​ໜ້າ​ສູ່​ທິດ​ເໜືອຜ່ານ​ລັດ​ຈໍ​ເຈຍ ລັດ​ຄາ​ໂຣ​ໄລ​ນາທັງ​ສອງແລະ​
ລັດ​ເວີ​ຈີ​ເນຍ ຂະ​ນະ​ທີ່​ເຮີ​ຮິ​ເຄນດັ່ງ​ກ່າວ​ຫລຸດ​ຄວາມ​ແຮງ​ລົງ​ມາ​ເປັນ​ພາ​ຍຸ​ເຂດ​ຮ້ອນ.

ເຈົ້າ​ໜ້າ​ທີ່​ຂອງ​ລັດ​ເວົ້າ​ວ່າ ເກືອບ​ 300 ຄົນ​ຢູ່​ເມືອງຫາດ​ຊາຍ​ເມັກ​ຊິ​ໂກ ບໍ່​ເອົາ​ຫົວ​ຊາ​ຕໍ່​
ຄຳ​ເຕືອນໃຫ້​ຍົກ​ຍ້າຍ​ອອກ​ໜີຂອງ​ທາງ​ການ ແຕ່​ຍັງ​ບໍ່​ທັນ​ເປັນ​ທີ່​ຈະແຈ້ງ​ເທື່ອ​ວ່າ ພວກ
​ເຂົາ​ເຈົ້າ​ສາ​ມາດ​ຫລົບ​ໜີ​ໄປ​ໃນ​ນາ​ທີ​ສຸດ​ທ້າຍ​ຫຼື​ບໍ່.

ລຸງ​ໄມ​ເກີ​ລ ວິ​ລ​ລຽມ ອາ​ຍຸ 70 ປີ ຂຽນ​ປ້າຍ ຂໍ​ການ​ຊ່ວຍ​ເຫຼືອ ດ້ານ​ອາ​ຫານ ແລະ​ນ້ຳ​ດື່ມ
ລຸງ​ໄມ​ເກີ​ລ ວິ​ລ​ລຽມ ອາ​ຍຸ 70 ປີ ຂຽນ​ປ້າຍ ຂໍ​ການ​ຊ່ວຍ​ເຫຼືອ ດ້ານ​ອາ​ຫານ ແລະ​ນ້ຳ​ດື່ມ

ທ່ານ ວິ​ລ​ລຽ​ມ “ບ​ຣັອກ” ລອງ ຫົວ​ໜ້າອົງ​ການ​ຄຸ້ມ​ຄອງໄພ​ພິ​ບັດ ​ຂອງ​ລັດ​ຖະ​ບານ​ກາງ
ຫລື FEMA ກ່າວ​ວ່າ ທ່ານ​ຄາດ​ວ່າ ໂຕ​ເລກ​ຜູ້​ເສຍ​ຊີ​ວິດ​ ຈະ​ເພີ້ມ​ຂຶ້ນຕື່ມ. ທ່ານ​ເວົ້າ​ວ່​າ
“ພວກ​ເຮົາ​ຍັງ​ໄປ​ບໍ່​ຮອດ​ ບ່ອນ​ທີ່​ໄດ້​ຮັບ​ຜົນ​ກະ​ທົບ​ຮ້າຍ​ແຮງທີ່​ສຸດ​ເທື່ອ. ມີ​ພຽງ​ບໍ່​ເທົ່າ​ໃດ
​ຄົນທີ່​ຍັງ​ມີ​ຊີ​ວິດ​ຢູ່ ​ເພື່ອບອກ​ເລົ່າ​ ກ່ຽວ​ກັບ​ວ່າມັນ​ເປັນແບບ​ໃດ ທີ່​ໄດ້​ປະ​ສົບ​ພັບ​ເຫັນ​ລະ
​ດັບ​ນ້ຳ​ສູງ​ຂຶ້ນ ແລະ​ບໍ່​ເປັນ​ຈັ່ງ​ໂຊກ ໃນ​ປະ​ເທດ ທີ່​ພວກ​ເຮົາ​ເບິ່ງ​ຄື​ວ່າ ບໍ່​ຖອດ​ຖອນ​ຈາກ
​ບົດ​ຮຽນ​ຜ່ານ​ມາ.”

ຖານ​ທັບ​ອາ​ກາດ​ທິນດອ​ລ ທີ່​ຕັ້ງ​ຢູ່​ໃນ​ເຂດ​ພາກ​ຕາ​ເວັນ​ຕົກ​ສຽງ​ເໜືອ​ສຸດ​ຫຼື​ທີ່​ເອີ້ນ Pan-
handle ຂອງ​ລັດ​ຟ​ລໍ​ຣິ​ດານັ້ນ ໄດ້​ຮັບ​ຄວາມ​ເສຍ​ຫາຍ​ຢ່າງ​ໃຫຍ່​ຫຼວງ​ຊຶ່ງພວກ​ທະ​ຫານ
​ທັງ​ຍິງ​ແລະ​ຊາຍ 3,600 ຄົນ ​ທີ່​ປະ​ຈຳ​ການ​ຢູ່ໃນ​ຖານ​ທັບ​ ແລະ​ຜູ້ທີ່​ຖືກ​ຍົກ​ຍ້າຍ ໄດ້​ຮັບ​
ຄຳ​ສັ່ງ​ໃຫ້​ກັບ​ຄືນ​ໄປ​. ພັນ​ເອກບ​ຣາຍ​ອັນ ເລດ​ລໍ ກ່າວ​ຢູ່​ໃນ​ຖະ​ແຫຼງ​ການ​ສະ​ບັບ​ນຶ່ງວ່​າ
“ຂ້າ​ພະ​ເຈົ້າ​ຈະ​ບໍ່​ຮຽກ​ເຈົ້າ ແລະ​ຄອບ​ຄົວ​ຂອງ​ເຈົ້າກັບຄືນ​ມາ ຈົນພວກ​ເຮົາ​ຈະ​ສາ​ມາດ
​ຄ້ຳ​ປະ​ກັນ​ຄວາມ​ປອດ​ໄພ ​ຂອງ​ພວກ​ເຈົ້າ. ​ທ່ານກ່າວ​ວ່າ ຍັງ​ບໍ່​ທັນ​ຮູ້​ເທື່ອ​ວ່າ ຈະ​ໃຊ້​ເວ
​ລາ​ດົນ​ປານ​ໃດ​ຈຶ່ງ​ຈະ​ສາ​ມາດ​ຟື້ນ​ຟູ​ໃຫ້​ກັບຄືນ​ສະ​ພາບ​ເດີມຍ້ອນ​ວ່າ “ພວກ​ເຮົາ​ຕ້ອງ​
ໄດ້​ຟື້ນ​ຟູ​ສາ​ທາ​ລະ​ນະ​ປະ​ໂພກ​ຂັ້ນ​ພື້ນຖານ​ຕ່າງໆ ເອົາ​ຕົ້ນ​ໄມ້​ ແລະ​ເສົາ​ໄຟ​ທີ່​ຫັກ​ຕັນ​
ທາງ​ອອກແລະ​ຊັ່ງ​ຊາ​ເບິ່ງ​ຄວາມເສຍ​ຫາຍ​ກ່ຽວ​ກັບ​ຕຶກ​ອາ​ຄານ​ຕ່າງ​ໆ.”

ປະ​ຊາ​ຊົນ​ແລະ​ພວກ​ກູ້​ໄພ​ຢູ່​ລັດ​ຟ​ລໍ​ຣິ​ດາ ແລະ​ລັດ​ອື່ນໆ​ໃນ​ເຂດ​ພາກ​ຕາ​ເວັນ​ອອກສຽງ​
ໃຕ້​ຂອງ​ສະ​ຫະ​ລັດກຳ​ລັງ​ມ້ຽນ​ມັດ ​ແລະ​ຊັ່ງ​ຊາ​ເບິ່ງ​ຄວາມ​ເສ​ຍ​ຫາຍ ທີ່​ໄດ້​ຮັບ​ຈາກ​ເຮີ​ຣິ​
ເຄນໄມ​ເກິ​ລ ຊຶ່ງ​ໃນ​ເວ​ລານີ້​ເຄື່ອນ​ອອກ​ສູ່​ມະ​ຫາ​ສະ​ໝຸດ​ແອັດແລນ​ຕິກ​ແລ້ວ.

ອ່ານ​ຂ່າວນີ້​ຕື່ມ​ເປັນ​ພາ​ສ​າ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG