ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ນາຍົກລັດຖະມົນຕີ ຮັງກາຣີ ຈະເດີນທາງຢ້ຽມຢາມສະຫະລັດ ລຸນຫຼັງການຫາລືກັບປະທານປະເທດຈີນ


ປະທານປະເທດຈີນ ທ່ານ ສີ ຈິ້ນຜິງ ແລະ ນາຍົກລັດຖະມົນຕີຮັງກາຣີ ທ່ານວິກເຕີ ອໍບານ ສົນທະນາກັນໃນຮ້ານອາຫານຢູ່ທີ່ນະຄອນຫຼວງບູດາແປັສທ໌, ຮັງກາຣີ, ວັນທີ 10 ພຶດສະພາ 2024. (Hungarian Prime Minister's Office)
ປະທານປະເທດຈີນ ທ່ານ ສີ ຈິ້ນຜິງ ແລະ ນາຍົກລັດຖະມົນຕີຮັງກາຣີ ທ່ານວິກເຕີ ອໍບານ ສົນທະນາກັນໃນຮ້ານອາຫານຢູ່ທີ່ນະຄອນຫຼວງບູດາແປັສທ໌, ຮັງກາຣີ, ວັນທີ 10 ພຶດສະພາ 2024. (Hungarian Prime Minister's Office)

ນາຍົກລັດຖະມົນຕີຮັງກາຣີ ທ່ານວິກເຕີ ອໍບານ ກ່າວໃນວັນຈັນມື້ນີ້ວ່າ ທ່ານຈະ ເດີນທາງໄປ ວໍຊິງຕັນ ລຸນຫຼັງການຫາລືກັບ ຈີນ ໃນນະຄອນຫຼວງປັກກິ່ງ ກ່ຽວ ກັບແຜນການສັນຕິພາບສຳລັບ ຢູເຄຣນ.

ຮັງກາຣີ ເລີ້ມຕົ້ນການດຳລົງຕຳແໜ່ງເປັນປະທານາສະຫະພາບຢູໂຣບ ຫຼື EU ເປັນເວລາ 6 ເດືອນ ໃນເດືອນກໍລະກົດນີ້ ດ້ວຍການຮຽກຮ້ອງເພື່ອ “ເຮັດໃຫ້ ຢູໂຣບ ຍິ່ງໃຫຍ່ອີກຄັ້ງນຶ່ງ,” ເຊິ່ງໄດ້ສະທ້ອນເຖິງອະດີດປະທານາທິບໍດີ ສະຫະລັດ ທ່ານດໍໂນລ ທຣຳ, ທີ່ເປັນພັນທະມິດກັບ ທ່ານ ອໍບານ ແລະ ເປັນຜູ້ກ່າວປະນາມທີ່ຮຸນແຮງຂອງ EU.

ນັບຕັ້ງແຕ່ນັ້ນມາ, ທ່ານ ອໍບານ ໄດ້ໄປຢ້ຽມຢາມນະຄອນຫຼວງກີຢິບ, ມົສກູ ແລະ ປັກກິ່ງ ໃນອັນທີ່ທ່ານຮ້ອງວ່າ “ພາລະກິດສັນຕິພາບ” ສໍາລັບສົງຄາມຢູ່ ໃນ ຢູເຄຣນ.

ການເດີນທາງໄປຢ້ຽມຢາມ ຈີນ ຄັ້ງຫຼ້າສຸດຂອງທ່ານ ມີຂຶ້ນກ່ອນກອງປະຊຸມ ສຸດຍອດອົງການ NATO ພຽງບໍ່ເທົ່າໃດມື້ ທີ່ທ່ານຈະກ່າວເຖິງການໃຫ້ການ ຊ່ວຍເຫຼືອແກ່ ຢູເຄຣນ ເພີ້ມເຕີມ ແລະປະຕິບັດຕາມທີ່ຄະນະກໍາມາທິການ ຢູໂຣບ ໄດ້ຢືນຢັນໃນອາທິດແລ້ວນີ້ວ່າ ພວກເຂົາເຈົ້າຈະເກັບພາສີນໍາເຂົ້າຍານ ພາຫະນະໄຟຟ້າທີ່ຜະລິດໃນປະເທດຈີນ.

ທ່ານ ອໍບານ ນັກຊາດນິຍົມທີ່ສະໜັບສະໜູນການ​ພະ​ຍາມ​ຍາມ​ກັບ​ຄືນ​ໄປ​ທຳ​ນຽບ​ຂາວຂອງ ທ່ານ ທຣໍາ ນັ້ນ, ໄດ້ພົບປະກັບ ທ່ານ ທຣໍາ ຢູ່ລັດຟລໍຣິດາ ໃນເດືອນມີນາທີ່ຜ່ານມາ, ແຕ່ຍັງບໍ່ທັນມີທ່າທີວ່າ ພວກເພິ່ນທັງສອງຈະທໍາ ການພົບປະກັນອີກຄັ້ງນຶ່ງ ຫຼື ບໍ່.

ລັດຖະບານຮັງກາຣີ ບໍ່ໄດ້ຕອບຄໍາຖາມທີ່ສົ່ງໄປຫາ ກ່ຽວກັບ ລາຍລະອຽດຂອງ ການຢ້ຽມຢາມສະຫະລັດນັ້ນໃນທັນທີ, ເຊິ່ງເປັນການປະກາດໃນບັນຊີສື່ສັງຄົມ ຂອງທ່ານເທົ່ານັ້ນ.

ທ່ານ ອໍບານ ໄດ້ປະຕິເສດທີ່ຈະສົ່ງອາວຸດໄປຍັງນະຄອນຫຼວງກີຢິບ ແລະ ຮັກສາສາຍພົວພັນທີ່ໃກ້ຊິດທາງເສດຖະກິດກັບມົສກູ ນັບຕັ້ງແຕ່ກອງກໍາລັງ ຣັດເຊຍ ໄດ້ບຸກໂຈມຕີເຂົ້າໄປ ຢູເຄຣນ ໃນປີ 2022. ທ່ານໄດ້ພົບປະກັບປະ ທານາທິບໍດີຣັດເຊຍ ທ່ານວລາດີເມຍ ປູຕິນ ໃນວັນສຸກທີ່ຜ່ານມາ.

ອ່ານຂ່າວດ້ານລຸ່ມນີ້ເປັນພາສາອັງກິດ

BUDAPEST, July 8 (Reuters) - Hungary's Prime Minister Viktor Orban said on Monday he would go to Washington after discussing a Chinese peace plan for Ukraine in Beijing.

Hungary began its six-month EU presidency in July with a call to "Make Europe Great Again", echoing former U.S. President Donald Trump, an Orban ally and sharp critic of the EU.

Since then, Orban has visited Kyiv, Moscow and Beijing in what he calls a "peace mission" for the war in Ukraine.

His most recent trip to China came days ahead of a NATO summit that will address providing further support to Ukraine and follows the European Commission confirming last week that it will impose tariffs on imports of electric vehicles made in China.

Nationalist Orban, who is backing Trump's bid to return to White House, met him in Florida in March but there is no indication yet that they will meet again.

The Hungarian government did not immediately reply to questions sent regarding details of his visit to the United States, which he announced on his social media account.

Orban has refused to send weapons to Kyiv and kept up close economic ties with Moscow since Russian forces invaded Ukraine in 2022. He met Russian President Vladimir Putin last Friday.

ຟໍຣັມສະແດງຄວາມຄິດເຫັນ

XS
SM
MD
LG