ຈຳນວນຜູ້ເສຍຊີວິດ ຢູ່ໃນເຮືອຂ້າມຟາກຂອງກຣິສ ທີ່ຖືກໄຟໄໝ້
ໃນທະເລ Adriatic ເພີ້ມຂຶ້ນ ເປັນ 13 ຄົນ ໃນວັນອັງຄານວານນີ້
ພ້ອມກັບການຢ້ານກົວ ຂອງບັນດາເຈົ້າໜ້າທີ່ວ່າ ຍັງມີຊາກສົບ
ໃນເຮືອອີກຫຼາຍຢູ່.
ໄອຍະການອີຕາລີ ທ່ານ Giuseppe Volpe ຜູ້ທີ່ນຳພາ ການ
ສືບສວນສອບສວນທາງອາຍາ ຕໍ່ໂສກນາດຕະກຳນີ້ ກ່າວວ່າ
ຢ່າງນ້ອຍມີ 3 ຫ້ອງຫລົບລີ້ຢູ່ທາງໃນເຮືອ ທີ່ມີຜູ້ລອດຊີວິດມາໄດ້.
ທ່ານກ່າວວ່າ ອັນນັ້ນແມ່ນຫລັກຖານທີ່ “ຖຽງບໍ່ໄດ້” ເລີຍວ່າມີ
ການກະທຳຜິດ ໃນການຊຸກເຊື່ອງພວກແຮງງານ ທີ່ຜິດກົດໝາຍ
ຢູ່ໃນເຮືອ.
ເຮືອຂ້າມຟາກ Norman Atlantic ແມ່ນໄດ້ແລ່ນອອກຈາກທ່າເຮືອ Patras ຂອງກຣິສ ໄປຍັງ Ancona ຂອງອີຕາລີ ເມື່ອວັນອາທິດຜ່ານມາ ໃນເວລາ ໄຟເລີ້ມໄໝ້ຂຶ້ນຢູ່ເທິງພື້ນເຮືອບ່ອນທີ່ ລົດທັງຫຼາຍຈອດຢູ່ນັ້ນ ໃກ້ໆກັບເກາະ Corfu. ບັນດາຜູ້ລອດຊີວິດ ກ່າວວ່າ ໄຟຮ້ອນຫຼາຍພໍທີ່ຈະເຮັດໃຫ້ພື້ນເກີບຂອງພວກເຂົາເຈົ້າເປື່ອຍອອກ ໃນຂະນະທີ່ພວກເຂົາເຈົ້າຢືນຖ້າການຊ່ວຍເຫຼືອ ຢູ່ຊັ້ນເທິງຂອງເຮືອ. ພວກເຂົາເຈົ້າ ກ່າວອີກວ່າ ພວກລູກເຮືອປາກົດວ່າ ບໍ່ຮູ້ວ່າຈະເຮັດແນວໃດເລີຍ.