ອີຕາລີກ່າວວ່າ ບັນດາຜູ້ໂດຍສານທີ່ຕົກຄ້າງຢູ່່ທັງໝົດນັ້ນ ໄດ້
ຖືກຊ່ວຍອອກມາແລ້ວ ຈາກເຮືອຂ້າມຟາກຂົນລົດທີ່ຖືກໄຟ
ໄໝ້ ຢູ່ນອກຝັ່ງເກາະ Corfu ແຕ່ວ່າ ຈຳນວນຜູ້ເສຍຊີວິດ
ຍ້ອນໄພພິບັດຢູ່ທະເລ Adriatic ໄດ້ເພີ້ມຂື້ນເຖິງ 10 ຄົນ
ແລ້ວທ່າມກາງຄວາມຢ້ານກົວວ່າ ອາດຈະມີຫຼາຍຄົນຕື່ມອີກ
ຍັງຫາຍສາບສູນ.
ຫ້າສົບໄດ້ພົບເຫັນ ໃນວັນຈັນວານນີ້ ຫລັງຈາກພວກກູ້ໄພ
ໄດ້ຊ່ວຍເຫລືອເອົາບັນດາຜູ້ທີ່ລອດຊີວິດມາ ໄປສູບ່ອນ
ປອດໄພ.
ພວກກູ້ໄພທາງອາກາດຂອງອີຕາລີ ແລະກຣິສ ຍັງສືບຕໍ່ຊອກຄົ້ນຫາຢູ່ໃນເຂດ ນ່ານນໍ້າ
ໃກ້ໆກັບເຮືອຂ້າມຟາກ ໂດຍທີ່ພວກເຈົ້າໜ້າທີ່ຍັງບໍ່ແນ່ໃຈວ່າ ມີຜູ້ໂດຍ ສານຈັກຄົນແທ້
ຢູ່ໃນເຮືອ Norman Atlantic ທີ່ຕິດທຸງອີຕາລີດັ່ງກ່າວ. ລາຍຊື່ບັນດາຜູ້ໂດຍສານບອກ
ວ່າ ມີ 478 ຄົນພ້ອມດ້ວຍລູກເຮືອ ແລະອີຕາລີກ່າວ ວ່າ 427 ຄົນໄດ້ຖືກຊ່ວຍຊີວິດ
ໄວ້ແລ້ວ.
ແຕ່ຍັງບໍ່ຊາບເທື່ອວ່າ ອາດມີຜູ້ຫາຍສາບສູນຕື່ມອີກຫລືບໍ່ ຫລືບາງທີອາດບໍ່ໄດ້ຂຶ້ນເຮືອ
ຂ້າມຟາກໄປກໍເປັນໄດ້.
ກັບຕັນເຮືອ ທ່ານ Argilio Giacomazzi ໄດ້ປະຕິບັດໜ້າທີ່ໃນການເປັນກັບຕັນ ຕາມປະ
ເພນີທີ່ເຄີຍປະຕິບັດກັນມາເປັນເວລາຫລາຍຮ້ອຍປີ ໂດຍຢູ່ໃນເຮືອຂ້າມຟາກ ຈົນກວ່າ
ທຸກໆຄົນໄດ້ຖືກຊ່ວຍໄປສູ່ທີ່ປອດໄພແລ້ວ. ບັນດາເຈົ້າໜ້າທີ່ກອງທັບເຮືອອີຕາລີ ໄດ້ຕຽມ
ແກ່ເອົາເຮືອຂ້າມຟາກລຳນີ້ເຂົ້າໄປສູ່ທ່າເຮືອ.
ນາຍົກລັດຖະມົນຕີ ອີຕາລີ ທ່ານ Matteo Renzi ໄດ້ຍ້ອງຍໍສັນລະເສີນການ ດຳເນີນ
ຄວາມພະຍາຍາມຂອງພວກພວກກູ້ໄພ ໂດຍກ່າວວ່າ ເຂົາເຈົ້າໄດ້ປ້ອງກັນ “ການສັງຫານ
ໝູ່ຢູ່ໃນທະເລ.”
ບັນດາພວກກູ້ໄພເທິງເຮືອບິນເຮລິຄອບເຕີ້ ໄດ້ດຶງເອົາພວກທີ່ລອດຊີວິດຂື້ນມາຈາກຊັ້ນ
ເທິງຂອງເຮືອຂ້າມຟາກແລະຍົກຍ້າຍເຂົາເຈົ້າໄປສູ່ທີ່ປອດໄພ. ລົມແຮງ ອາກາດໜາວ
ເຢັນ ແລະທະເລທີ່ປັ່ນປ່ວນ ໄດ້ລົບກວນການປະຕິບັດງານກູ້ໄພເປັນເວລາ 24 ຊົ່ວໂມງດັ່ງກ່າວ.
