ລິ້ງ ສຳຫລັບເຂົ້າຫາ

ຫຼາຍຮ້ອຍຄົນ ພາກັນຫລົບໜີເຂົ້າສູ່ປະເທດໄທ ຂະນະທີ່ທະຫານມຽນນມາ ປະທະກັບກຸ່ມກະບົດ


ຮູບພາບນີ້ຖ່າຍໃນວັນທີ 16 ທັນວາ 2021 ໂດຍອົງການກຸສົນ ເມດຕາ (Metta Charity) ສະແດງໃຫ້ເຫັນຜູ້ຄົນຈາກມຽນມາ ທີ່ຫລົບໜີຈາກຄວາມຮຸນແຮງທີ່​ເພີ້ມ​ທະ​ວີ​ຂຶ້ນ.

ພວກຊາວບ້ານມຽນມາຫຼາຍ​ຮ້ອຍ​ຄົນ ພາ​ກັນຫລົບໜີໄປສູ່ປະເທດໄທ ຫຼັງຈາກກອງທະ
ຫານລັດຖະບານ ປະທະກັບພວກກະບົດຊົນເຜົ່າ ອີງຕາມຄຳເວົ້າຂອງພວກເຈົ້າໜ້າທີ່
ທີ່ກ່າວຕໍ່ອົງການຂ່າວຝຣັ່ງ (AFP) ໃນວັນພະຫັດວານນີ້່.

ການສູ້ລົບລະຫວ່າງ ສະຫະພັນກະຫລ່ຽງແຫ່ງຊາດ (KNU) ແລະທະຫານໄດ້ ລະ​ເບີດ
ຂຶ້ນ ໃນວັນພຸດທີ່ຜ່ານມາຢູ່ໃນເມືອງເລ ເກ ກໍ (Lay Kay Kaw) ໃກ້ກັບຊາຍແດນໄທ
ຊຶ່ງເປັນການປະທະກັນເທື່ອທຳອິດໃນຮອບຫຼາຍເດືອນ.

ໃນວັນພະຫັດວານນີ້ ຮູບພາບ​ຂອງສື່ມວນ​ຊົນ​ໃນທ້ອງຖິ່ນ ສະແດງໃຫ້ເ​ຫັນ ມີຫຼາຍສິບ​
ຄົນພາກັນລຽນແຖວເພື່ອຂ້າມແມ່ນໍ້າທີ່ເປັນສ່ວນນຶ່ງຂອງຊາຍແດນນັ້ນ.

ເຈົ້າໜ້າທີ່ລັດຖະບານໄທຄົນນຶ່ງ ໃນຈັງ​ຫວັດຕາກ ທີ່ໄດ້ກ່າວ​ໂດຍບໍ່ປະສົງບອກຊື່ ຕໍ່
ອົງການຂ່າວ AFP ວ່າ ມີ 700 ຄົນ ໄດ້ຂ້າມຊາຍແດນໄປແລ້ວ ແລະຈະໄດ້ຮັບອາຫານ
ແລະບ່ອນພັກພາອາໄສ.

ທ່່ານນາງນໍ ກຢໍ ປໍ (Naw K’nyaw Paw) ເລຂາທິການຂອງອົງການແມ່ຍິງ ກະຫລ່ຽງ
ກ່າວຕໍ່ອົງການຂ່າວຝຣັ່ງວ່າ ຫຼາຍກວ່າ 1,000 ຄົນ ໄດ້ຮັບອະນຸຍາດໃຫ້ຂ້າມ ຫຼັງຈາກ
ບັນດາຜູ້ນຳປະຊາຄົມ ໄດ້ເຈລະຈາກັບພວກເຈົ້າໜ້າທີ່ໄທ.

ອ່ານຂ່າວນີ້ເພີ້ມເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG