ບັນດາຜູ້ປົກຄອງລັດຢ່າງໜ້ອຍ 6 ລັດໄດ້ອະນຸຍາດໃຫ້ເຈົ້າໜ້າທີ່ ຢູ່ສະຖານຍາມຊາຍແດນແຫ່ງຊາດ ປະກອບອາວຸດ ຫຼັງຈາກການໂຈມຕີຮ້າຍແຮງເຖິງຊີວິດໃນວັນພະຫັດທີ່ຜ່ານມາ ທີ່ເມືອງ Chattanooga ລັດ Tennessee.
ເຈົ້າຄອງລັດ Arkansas, Florida, Indiana, Louisiana, Oklahoma ແລະລັດ Texas, ໄດ້ອອກຄຳສັ່ງໃນຂະນະທີ່ຄວາມປອດໄພ ທີ່ສູນເກນທະຫານໃໝ່ ກຳລັງຕົກຢູ່ພາຍໃຕ້ອັນຕະລາຍຫຼາຍຂຶ້ນ ເຊິ່ງຕາມມາຍ້ອນການຍິງໂຈມຕີດັ່ງກ່າວ.
ນອກນັ້ນເຈົ້າຄອງລັດ Florida ທ່ານ Rick Scott ຍັງໄດ້ຍົກຍ້າຍເຈົ້າໜ້າທີ່ເກນທະຫານຈາກປ້ອມແນວໜ້າ ໄປຍັງທີ່ສະຖານເກັບອາວຸດອຶ່ນໆໃນລັດຂອງທ່ານນຳ.
ໃນວັນສຸກຜ່ານມາ, ນາຍພົນ Ray Odierno, ເສນາທິການກອງທັບບົກໄດ້ກ່າວວ່າ ກອງທັບແມ່ນກຳລັງກວດສອບຄືນ ຄວາມປອດໄພທີ່ສູນສະມັກທະຫານແຫ່ງຕ່າງໆ.
ໃນວັນເສົາວານ ນີ້, ທະຫານເຮືອຄົນໜຶ່ງທີ່ໄດ້ຮັບບາດເຈັບທີ່ສູນສະໜັບສະໜູນທະຫານໃນ ເມືອງ Chattanooga, ໄດ້ເສຍ
ຊີວິດ, ເຊິ່ງເຮັດໃຫ້ຈຳນວນຜູ້ເສຍຊີວິດຈາກການໂຈມຕີເພີ່ມຂຶ້ນເປັນ 5 ຄົນ.
ຈ່າຕີທະຫານເຮືອ Randall Smith ອາຍຸ 26 ປີ, ຜູ້ຊ່ຽວຊານດ້ານການຄຳນວນ ແຕ່ງານແລ້ວ ແລະ ມີລູກສາວນ້ອຍ 3 ຄົນ.
ທະຫານເຮືອ 4 ຄົນທີ່ຖືກຂ້າຕາຍໃນການຍິງທີ່ເມືອງ Chattanooga ແມ່ນຜູ້ໄດ້ຮັບ
ຫຼຽນກາ ແລະ ທະຫານຜ່ານເສິກໃນ ອີຣັກ ແລະ
ອັຟການິສຖານ, ຊຶ່ງກອງທັບນາວິກະໂຍທິນໄດ້ກ່າວໃນວັນສຸກຜ່ານມາ.
ຄອບຄົວຂອງຜູ້ທີ່ຖືກກ່າວຫາວ່າແມ່ນມືປືນ ຄືທ້າວ Muhammad Youssef Abdulazeez ໄດ້ຖະແຫຼງອອກມາໃນແລງວັນເສົາວານນີ້ ເພື່ອສະແດງຄວາມເສຍໃຈຕໍ່ການກະທຳຂອງລາວ.
