ຊາວຮົງກົງ ກວ່າແສນຄົນ ເຂົ້າຮ່ວມ ປະທ້ວງ ປະຈໍາປີ (ວີດີໂອ)

ຊາວ​ຮົງ​ກົງຢ່າ​ງໜ້ອຍ 100,000 ຄົນ ​ໄດ້​ເຂົ້າ​ຮ່ວມ​ການເດີນ​ຂະ​
ບວນປະ​ທ້ວງ ປະ​ຈໍາ​ປີ ​ເພື່ອຮຽກຮ້ອງ​ໃຫ້​ມີປະຊາທິປະໄຕຢ່າງ
​ເຕັມສ່ວນ ​ໃນ​ວັນ​ຄົບ​ຮອບ 16 ປີ ທີ່​ອະດີດ​ດິນ​ແດນຂອງ​ອັງກິດ
​ແຫ່ງ​ນີ້ ໄດ້​ຖືກ​ໂອນກັບ​ຄືນໃຫ້​ໄປ​ຢູ່ພາຍ​ໃຕ້​ອະທິປະ​ໄຕ​ຂອງ​ຈີນ
ຫລາຍໆ​ຄົນ​ທີ່ເຂົ້າຮ່ວມປະ​ທ້ວງໃນ​ວັນ​ຈັນວານ​ນີ້ ​ໄດ້​ຮຽກຮ້ອງ​
ໃຫ້ຜູ້​ນໍາຂອງ​ຮົງ ກົງ ທີ່​ບໍ່ໄດ້​ຜ່ານການ​ເລືອກ​ຕັ້ງ ທ່ານ Leung
Chun-ying ນັ້ນລາ​ອອກ ​ແລະ​ໃຫ້​ລັດ​ລະ​ຖະບານຄໍ້າປະກັນ​ ​
ການ​ເລືອກ​ຕັ້ງ​ຢ່າງ​ເສຣີ ເອົາ​ຕໍາ​ແໜ່ງ ຫົວໜ້າບໍລິຫານ​ຮົງ​ກົງ
ໃນ​ປີ 2017​.

ພວກ​ປະ​ທ້ວງໄດ້​ເຮັດ​ໃຫ້​ຖະໜົນ​ຫົນທາງ ​ກາຍ​ເປັນທະ​ເລ​ທີ່​ເຕັມ​ໄປ​ດ້ວຍ​ຄັນຮົ່ມ ​ໃນ​ຂະນະ​ທີ່​ເຂົາ​ເຈົ້າ​ພາກັນ​ແຂ່ງ​ຝົນ​ທີ່​ຕົກລົງ​ມາ​ຢ່າງ​ໜັກ​ຍ້ອນ​ລົມພາຍຸ​ເຂດ​ຮ້ອນ ​ເພື່ອ​ເຂົ້າຮ່ວມ​ການ​ໂຮມ​ຊຸມນຸມເດີນຂະ​ບວນຕາມປະ​ເພນີ​ ໃນວັນ​ທີ 1 ​ເດືອນກໍ ລະກົດ ​ແຕ່ບໍລິ​ເວນສວນສາທາລະນະ Victoria ​ໃນ​ຮົງ​ກົງ​ໄປ​ຫາ​ເຂດ​ຍ່ານ​ການ​ຄ້າ.

​ທ່ານນາງ Ho ຜູ້​ເປັນແມ່ຄົນ​ນຶ່ງ ທີ່​ໄປ​ຮ່ວມ​ການ​ເດີນ​ຂະ​ບວນປະ​ທ້ວງ​ພ້ອມກັບ​ລູກ​ຊາຍ​ນ້ອຍຂອງ​ລາວ ​ໄດ້​ກ່າວ​ຕໍ່ວີ​ໂອ​ເອວ່າ ອາກາດ​ບໍ່​ດີ​ເຮັດໃຫ້​ການ​ປະທ້ວງ ​ມີ​ຄວາມ​ປະ​ທັບ​ໃຈ​ຂື້ນ​ອີກ. ທ່ານ​ນາງກ່າວ​ວ່າ.

“ໃນ​ເມື່ອ​ວ່າ ມີ​ຫລາຍ​ໆຄົນ​ພາກັນ​ອອກ​ມາ​ຕໍ່ສູ້​ກັບລົມພາຍຸຝົນ ລັດຖະບານ​ຈຶ່ງ ຄວນ​ຟັງ​ພວກ​ເຮົາ.”

ບັນດາ​ຜູ້​ຈັດການ​ໂຮມ​ຊຸມນຸມ​ອ້າງ​ວ່າ ມີ​ຜູ້​ຄົນ​ເຂົ້າຮ່ວມ 430,000 ພັນ​ຄົນ ​ເປັນຈຳ
ນວນຫລາຍ ​ລື່ນ​ທີ່​ຕໍາຫລວດໄດ້​ກະ​ປະມານວ່າ ມີ 66,000 ພັນ​ຄົນ. ບັນດານັກຄົ້ນ
ຄວ້າ​ຈາກມະຫາວິທະຍາ​ໄລຮົງ​ກົງ ຊຶ່ງ​ເປັນຜູ້ສັງ​ເກ​ດການເບິ່ງ​ການເດີນ​ຂະບວນ​ໃນ​ຄັ້ງນີ້ ກະ​ປະມານ​ວ່າ ມີຜູ້​ເຂົ້າຮ່ວມ 103,000 ຄົນ ຊຶ່ງ​ເພີ້ມຂຶ້ນປະ ມານ 20,000 ຄົນ ຈາກ​ໂຕ​ເລກ​ພວກ​ເຂົ້າຮ່ວມ​ການ​ປະ​ທ້ວງ ໃນ​ປີ​ກາຍ​ນີ້