ລິ້ງ ສຳຫລັບເຂົ້າຫາ

ວັນເສົາ, ໒໐ ເມສາ ໒໐໒໔

ສຫລ ວ່າ 17 ປະເທດ ບໍ່ໄດ້ດຳເນີນການຫຍັງ ເພື່ອປາບປາມ ການລັກລອບຄ້າມະນຸດ


ທ່ານນາງ ຮິລແລຣີ ຄລິນຕັນ ລັດຖະມົນຕີຕ່າງປະເທດສະຫະລັດ ກັບລາຍງານປະຈໍາປີ 2012 ຂອງປະຊວງຕ່າງ ປະເທດສະຫະລັດ ຂອງບັນດາປະເທດທີ່ຍັງສົມຮູ້ຮ່ວມຄິດກັນລັກລອບຄ້າມະ ນຸດ
ທ່ານນາງ ຮິລແລຣີ ຄລິນຕັນ ລັດຖະມົນຕີຕ່າງປະເທດສະຫະລັດ ກັບລາຍງານປະຈໍາປີ 2012 ຂອງປະຊວງຕ່າງ ປະເທດສະຫະລັດ ຂອງບັນດາປະເທດທີ່ຍັງສົມຮູ້ຮ່ວມຄິດກັນລັກລອບຄ້າມະ ນຸດ

ກະຊວງ​ຕ່າງປະ​ເທ​ດສະຫະລັດ ​ເວົ້າວ່າ ມີ​ 17 ປະ​ເທດ​ທີ່ເກືອບ​ວ່າ​ບໍ່​ໄດ້​ພາກັນ​ປະຕິບັດ​ຫຍັງ​ເລີຍ ​ເພື່ອ​ປາບ​ປາມ​ການ​ລັກລອບ​ຄ້າ​ມະນຸດ ​ແລະ​ອາດ​ມີ​ການ​ສົມຮູ້ຮ່ວມຄິດ​ກັນ ​ກໍ່​ອາດ​ຊະ​ຍາ​ກໍາ​ແບບ​ນັ້ນ.

​ໃນ​ລາຍ​ງານ​ປະ​ຈໍາປີ​ຂອງ​ຕົນວ່າ​ດ້ວຍການ​ລັກລອບ​ຄ້າ​ມະນຸດ​ນັ້ນ ກະຊວງຕ່າງປະ​ເທດ
​ສະຫະລັດ​ໄດ້​ເອີ້ນ 17 ປະ​ເທດ​ນັ້ນວ່າ ​ເປັນແ​ຫຼ່ງທີ່​ມາ ເປັນທາງຜ່ານ ຫຼືປາຍທາງ​ຂອງ
​ອາຊະຍາ​ກໍາ​ນັ້ນ ​ເຊັ່ນ ຂ້າ​ທາດ ​ຄ້າປະ​ເວ​ນີ ບັງຄັບ​ໃຊ້​ແຮງ​ງານ ​ແລະເກນ​ເອົາ​ເດັກ​ໄປ
​ເປັນ​ທະຫານ ​ເປັນ​ຕົ້ນ.

​ໃນ​ພິທີ​ນຳ​ລາຍ​ງານ​ສະບັບ​ນີ້​ອອກ​ເຜີຍ​ແຜ່ນັ້ນ ທ່ານ​ນາງ ຮິ​ລ​ແລ​ຣີ ຄລິນ​ຕັນ ລັດຖະມົນຕີ
​ຕ່າງປະເທດ​ສະຫະລັດ ກ່າວ​ວ່າ ທ່ານ​ນາງ​ຢາກ​ຈະເອີ້ນ​ການກໍ່​ອາດຊະຍາ​ກໍາ​ແບບ​ນີ້ ວ່າ
ຂ້າ​ທາດ​ສະ​ໄໝໃໝ່ ​ແທນ​ທີ່​ຈະ​ເອີ້ນວ່າ ການ​ລັກລອບ​ຄ້າ​ມະນຸດ.

ທ່ານ​ນາງຄລິນ​ຕັນ ກ່າວ​ວ່າ 27 ລ້ານ​ຄົນ​ໃນ​ທົ່ວ​ໂລກ ຕົກ​ເປັນ​ເຫຍື່ອ​ຂອງຂ້າ​ທາດ​ສະ​ໄໝ​ໃໝ່.

ພາຍ​ໃຕ້​ກົດໝາຍ​ສະຫະລັດ​ແລ້ວ ປະ​ເທດ​ໃດ​ທີ່​ບໍ່​ປະຕິບັດ​ການ​ປາບປາມ​ການ​ລັກ​ລອບ​ຄ້າ​ມະນຸດຢ່າງ​ມີ​ປະສິດທິ​ຜົນ​ແລ້ວ ຈະ​ຖືກ​ລົງ​ໂທດຫຼາຍປະ ການ ​ໂຮມ​ທັງ​ການ​ຖືກ​ຕັດ​ການ​ຊ່ວຍ​ເຫຼືອທັງ​ໝົດ​ທີ່​ບໍ່​ແມ່ນດ້ານ​ມະນຸດສະ​ທໍາ. ນອກ​ນີ້​ແລ້ວ ​ສະຫະລັດ​ກໍ​ຈະ​ຄັດຄ້ານ ​ການຊ່ວຍ​ເຫຼືອທາງການ​ເງິນ​ຈາກ​ທະນາຄານ​ໂລກ ​ແລະ​ກອງ​ທຶນ​ສາກົນ ຫຼື IMF ນັ້ນນໍາ.

17 ປະ​ເທດ ​ທີ່ກະຊວງ​ການ​ຕ່າງປະ​ເທດ​ສະຫະລັດ​ເອີ້ນ​ວ່າ ​ເປັນ​ພວກ​ປະ​ເທດ ທີ່​ມີ​ການ​ລັກລອບ​ຄ້າມະນຸດ​ຮ້າຍ​ແຮງທີ່​ສຸດ ແມ່ນ​ປະກອບ​ດ້ວຍ Algeria, ສາທາລະນະ​ລັດ​ອາ​ຟຣິກາກ​າງ ສາທາລະນະ​ລັດ​ປະຊາທິປະ​ໄຕ​ຄອງ​ໂກ ຄິວ​ບາ, Equatorial Guinea, Eritrea, Iran, ​ເກົາຫຼີ​ເໜືອ, ຄູ​ເວດ ລີ​ເບຍ​, ມາດາ​ກັສກາ, ປາ​ປົວ​ ນີວກີ​ນີ, ຊາ​ອູ​ດິອາ​ເຣ​ເບຍ, ສຸຣິນາມ ຊີ​ເຣຍ ​ເຢ​ເມນ ​ແລະ​ຊິ​ມບັບ​ເວ.

XS
SM
MD
LG