ປະເທດໄທໄດ້ຂະຫຍາຍອຳນາດ ຂອງພວກທະຫານໃຫ້ກວ້າງຂວາງຂຶ້ນຕື່ມ ຮວມທັງ ຄວບຄຸມອາຊະຍາກຳນຳດ້ວຍ. ການຂະຫຍາຍອຳນາດດັ່ງກ່າວ ມີຂຶ້ນໃນຂະນະທີ່ລັດ ຖະບານລິເລີ້ມການປາມປາບ ກຸ່ມຈັດຕັ້ງອາຊະຍາກຳທ້ອງຖິ່ນແລະ ກຸ່ມອາຊະຍາກຳ ອື່ນໆຢູ່ໃນທົ່ວປະເທດ.
ແຕ່ວ່າບັນດານັກເຄື່ອນໄຫວສິດທິມະນຸດໄດ້ສະແດງຄວາມເປັນຫ່ວງ ກ່ຽວກັບການກະ ທຳ ຜິດພາຍໃຕ້ກົດໝາຍດັ່ງກ່າວ.
ລະບຽບການໃໝ່ ໄດ້ອອກໃນອາທິດນີ້ ໂດຍອະນຸຍາດໃຫ້ພວກທະຫານ ເປັນເຈົ້າໜ້າທີ່ ປາບປາມອາຊະຍາກຳ ທຳການກວດຄົ້ນ ຍຶດຊັບສົມສິນ ຢຸຸດການໂອນເງິນແລະສັ່ງໃຫ້ຜູ້ ຕ້ອງສົງໄສບໍ່ໃຫ້ເດີນທາງອອກນອກປະເທດ.
ມີກິດຈະກຳທາງອາຍາຫຼາຍກວ່າ 20 ຊະນິດ ທີ່ຄຸ້ມຄອງໂດຍລະບຽບການໃໝ່ຮວມທັງ ການ ຄ້າມະນຸດ ການສໍ້ໂກງ ການໃສ່ຮ້າຍປ້າຍສີ ການພະນັນ ຄົນເຂົ້າເມືອງ ໂສເພນີ ພາສີ ການຢືມເງິນດອກເບ້ຍສູງ ແລະຄວາມຜິດດ້ານອາວຸດ.
ຮອງນາຍົກລັດຖະມົນຕີ ທ່ານປຣະວິດ ວົງສຸວັນ ໄດ້ກ່າວປ້ອງກັນອຳນາດພິເສດ ໂດຍ ກ່າວວ່າ ລັດຖະບານຕ້ອງການທະຫານ ເພື່ອແທນກຳລັງຕຳຫຼວດທີ່ຂາດເຂີນນັ້ນ.ແຫລ່ງຂ່າວລັດຖະບານກ່າວຕໍ່ວີໂອເອ ໂດຍຂໍສະຫງວນຊື່ວ່າ ພວກທີ່ມີອິດທິພົນ ມັກຈະ ຖືກເຕືອນໂດຍເຈົ້າໜ້າທີ່ຕຳຫຼວດທ້ອງຖິ່ນ ກ່ອນທີ່ເຈົ້າໜ້າທີ່ສືບສວນສາ ມາດທຳການ ຈັບກຸມ. ເຂົາເຈົ້າໄດ້ຊີ້ໃຫ້ເຫັນເຖິງການພົວພັນລະຫວ່າງ ພວກທີ່ ມີອິດທິພົນໃນທ້ອງຖິ່ນ ແລະບັນດາໂຕການຜູ້ກະທຳຜິດ ຕຳຫລວດທ້ອງຖິ່ນ ແລະບັນດານັກການເມືອງລະດັບ ຊາດ.
