ລາຍການຊີວິດຊາວລາວ ມື້ນີ້ ວີໂອເອ ຈະນຳສະເໜີການສຳ
ພາດ ທ່ານນາງ ດຣ ບຸນທອນ ຈັນທະລາວົງ ວີເຊີ ປະທານ
ອົງການ ພັນທະມິດ ເພື່ອປະຊາທິປະໄຕໃນລາວ ພ້ອມດ້ວຍ
ຄະນະກຳມະການ ທີ່ໄດ້ເດີນທາງໄປ ລາຍງານຕໍ່ກອງປະຊຸມ
ຄະນະກຳມະການ ອົງການສະຫະປະຊາຊາດ ກ່ຽວກັບສິດທິ
ມະນຸດ ທີ່ ນະຄອນເຈນີວາ ປະເທດສະວິດເຊີແລນ. ກອງປະ
ຊຸມ ໄດ້ຈັດຂື້ນໃນວັນທີ່ 19ຫາ 20 ເດືອນມັງກອນ ທີ່ຜ່ານມາ
ນີ້ ກ່ຽວກັບສະພາບການດ້ານສິດທິມະນຸດ ຢູ່ໃນ ສປປ ລາວ
ຊຶ່ງ ກິ່ງສະຫວັນ ຈະນຳເອົາລາຍລະອຽດ ກ່ຽວກັບເລື້ອງນີ້ມາ
ສະເໜີທ່ານ ໃນອັນດັບຕໍ່ໄປ.
ສະບາຍດີ ທ່ານຜູ້ຟັງທີ່ເຄົາລົບ ມື້ນີ້ຂ້າພະເຈົ້າຈະນຳພາທ່ານ ຟັງການສຳພາດ ທ່ານນາງ ດຣ ບຸນທອນ ຈັນທະລາວົງ ວີເຊີ ປະທານ ອົງການພັນທະມິດ ເພື່ອປະຊາມິປະໄຕໃນລາວ ພ້ອມດ້ວຍບັນດາສະມາຊິກ ທີ່ໄດ້ເຂົ້າຮ່ວມລາຍງານຕໍ່ ຄະນະກຳມະການ ອົງການສະຫະປະຊາຊາດ ດ້ານສິດທິມະນຸດ ທີ່ ນະຄອນເຈນີວາ ປະເທດ ສະວິດເຊີແລນ ໃນວັນທີ່ 19
ຫາ 20 ເດືອນມັງກອນ ທີ່ຜ່ານມາ ກ່ຽວກັບສະພາບການດ້ານສິດທິມະນຸດ ຢູ່ໃນ ສປປ
ລາວ. ກອງປະຊຸມລາຍງານດັ່ງກ່າວນີ້ ມີບັນດາສະມາຊິກປະຊາຄົມລາວ ຢູ່ນອກປະເທດ
ເຂົ້າຮ່ວມທັງໝົດປະມານ 130 ຄົນ ທີ່ໄດ້ເດີນທາງໄປຈາກ ເຢຍລະມັນ ຝຣັ່ງ ການາດາ
ນິວຊີແລນ ສະວິດເຊີແລນ ອອສເຕຣເລຍ ຍີ່ປຸ່ນ ແລະອາເມຣິກາ.
ຜ່ານມາ ວີໂອເອ ເຄີຍໄດ້ຕິດຕາມນຳເອົາການເຄື່ອນໄຫວ
ຂອງ ອົງການພັນທະມິດ ເພື່ອປະຊາທິປະໄຕໃນລາວມາ
ສະເໜີທ່ານແລ້ວ ແລະເທື່ອນີ້ກໍເປັນອິກຄັ້ງນຶ່ງ ທີ່ອົງການ
ພປລ ໄດ້ຖືກເຊີນໄປລາຍງານ ກ່ຽວກັບສະພາບດ້ານສິດ
ທິມະນຸດ ຢູ່ໃນ ສປປ ລາວ. ອົງການພັນທະມິດ ເພື່ອປະ
ຊາທິປະໄຕໃນລາວ ຫລື ພປລ ມີຊື່ເປັນພາສາອັງກິດວ່າ
Alliance for Democracy in Laos ມີຫ້ອງການຢູ່
ປະເທດເຢຍລະມັນ ໂດຍການເປັນປະທານຂອງ ທ່ານ
ນາງ ດຣ ບຸນທອນ ຈັນທະລາວົງ ວີເຊີ ຊຶ່ງຫາກໍໄດ້ຖືກ
ເລືອກຕັ້ງໃຫ້ເປັນ ປະທານອີກເປັນສະໄໝທີ່ສາມ ລວມ
ເປັນເວລາຫ້າປີນີ້ແລ້ວ. ອົງການ ພປລ ເປັນອົງການເອກກະຊົນ ບໍ່ຂື້ນກັບລັດຖະບານ
ໃດໆ ເປັນອົງການອາສາສະມັກ ກູ້ມຕົນເອງມີສະມາຊິກ ແລະສາຂາຢູ່ເຈັດປະເທດ ເຊັນ
ວ່າ ເຢຍລະມັນ ຝຣັ່ງ ນິວຊີແລນ ອອສເຕຣເລຍການາດາ ສະຫະລັດ ແລະລາວ. ດ້ວຍ
ເຫນີ້ ຫ້ອງການຂ້າຫລວງໃຫຍ່ ສະຫະປະຊາຊາດ ດ້ານສິດທິມະສຸດ ຈຶ່ງໄດ້ໃຫ້ຄວາມ
ສຳຄັນ ຕິດຕາມການ ເຄຶ່ອນໄຫວ ແລະເຊີນບັນດາສະມາຊິກ ອົງການ ພປລ ເຂົ້າຮວມ
ລາຍງານ ໃຫ້ຄະນະກຳມະການ ອົງການສະຫະປະຊາຊາດ ໄດ້ຊາບກ່ຽວກັບສະຖານະການດ້ານສິດທິມະນຸດ ຢູ່່ໃນ ສປປ ລາວ.
ໃນຕອນເຊົ້າຂອງໃນວັນຈັນທີ 19 ມັງກອນ ອົງການ ພປລ ໄດ້ເລືອກຕັ້ງເອົາປະທານໃນ
ສົກປີການໃໝ່ ຊຶ່ງໄດ້ແກ່ ທ່ານນາງ ດຣ ບຸນທອນ ຈັນທະລາວົງ ອີກເປັນເທີມທີ່ສາມ. ໃນ
ຕອນເຊົ້າຂອງວັນດຽວກັນນັ້ນ ໄດ້ມີການໃຫ້ສຳພາດແກ່ກອງປະຊຸມນັກຂ່າວໂດຍມີ ທ່ານ
Jashua Cooper ຈາກສະຖາບັນສິດທິມະນຸດ ມະຫາວິທະຍາໄລຮາວາຍ ພ້ອມກັບນັກ
ຂ່າວຈາກ Geneva Times ແລະບັນດານັກຂ່າວ ຈາກອົງການຂ່າວອຶ່ນໆອີກເຈັດທ່ານ
ທີ່ເຂົ້າປະກອບສ່ວນ ແລະສໍ້ຖາມ ອົງການ ພປລ. ທ່ານນາງ ດຣ ບຸນທອນ ໄດ້ກ່າວຕໍ່
ວີໂອເອ ເຖິງຈຸດສຳຄັນຕອນນຶ່ງວ່າ :
ໃນວັນອັງຄານທີ່ 20 ເດືອນມັງກອນ ຄະນະຜູ້ຕາງໜ້າ ອົງການພັນທະມິດເພື່ອປະຊາທິ
ປະໄຕໃນລາວ ຫ້າທ່ານດ້ວຍກັນ ໄດ້ເຂົ້າລາຍງານຢູ່ຕໍ່ໜ້າ ຄະນະກຳມະການອົງການ
ສະຫະປະຊາຊາດ ດ້ານສິດທິມະນຸດ ກ່ຽວກັບສະພາບການຢູ່ໃນ ສປປ ລາວ ກອງປະຊຸມ
ລາຍງານດັ່ງກ່າວນີ້ ໄດ້ປິດບໍ່ໃຫ້ ສາທາລະນະຊົນເຂົ້າຮ່ວມຟັງນຳ. ບັນດາຜູ້ຕາງໜ້າ ຫ້າ
ທ່ານມີໜ້າທີ່ຮັບຜິດຊອບລາຍງານ ໃນຫົວຂໍ້ສຳຄັນທີ່ແຕກຕ່າງກັນດັ່ງ ທ່ານນາງ ດຣ ບຸນ
ທອນ ໄດ້ກ່າວຕໍ່ອີກວ່າ :
ທ່ານວັນລັງ ຄຳສຸກ ສະມາຊິກ ແລະຜູ້ຕາງໜ້າ ພປລ ຈາກເມືອງ Beaverton ລັດ
Oregon ທີ່ ສະຫະລັດ ແມ່ນຮວມຢູ່ໃນຈຳນວນຜູ້ຕາງໜ້າຫ້າທ່ານ ທີ່ໄດ້ເຂົ້າຮ່ວມ. ທ່ານ
ໄດ້ລາຍງານກ່ຽວກັບ ການຫາຍສາບສູນໄປຂອງ ທ່ານສົມບັດ ສົມພອນ ແລະການຍາດ
ເອົາດິນດອນຕ່ອນຫຍ້າຂອງຊາວລາວ ຊຶ່ງທ່ານວັນລັງ ໄດ້ກ່າວຕໍ່ ວີໂອເອ ວ່າ :
ທ່ານ Peter ເທບປະເສີດ ໂຄດສົມບັດ ສະມາຊິກ ພປລ ອີກຄົນນຶ່ງ ທີ່ເມືອງ
Mongomary ລັດ Alabama ຢູ່ທາງພາກໃຕ້ຂອງ ສະຫະລັດ ກໍໄດ້ເຂົ້າຮ່ວມ ເຊັ່ນກັນ
ທ່ານໄດ້ກ່າວຕໍ່ ວີໂອເອ ວ່າ :
ນັ້ນແມ່ນການສຳພາດ ກັບບັນດາສະມາຊິກອົງການ ພັນທະມິດ ເພື່ອປະຊາທິປະໄຕໃນ
ລາວ ຫລື Alliance for Democracy in Laos ທີ່ໄດ້ເຂົ້າຮວມລາຍງານ ຕໍ່ຄະນະກຳ
ມະການ ອົງການສະຫະປະຊາຊາດ ກ່ຽວກັບດ້ານສິດທິມະນຸດ ຢູ່ໃນ ສປປ ລາວ.
ທ່ານສາມາດຕິດຕາມເບິ່ງລາຍງານທັງໝົດ ຢູ່ໃນໝ້າເວັບໄຊທ໌ ຂ້າງລຸ່ມນີ້້ :
http://webtv.un.org/search/lao-pdr-upr-adoption-21st-session-
http://webtv.un.org/search/lao-pdr-review-21st-session-of-universal-periodic-review/4002156194001?term=laosof-universal-periodic-review/4007131388001?term=laos
