ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ພາຍຸແຊນດີ ລົບກວນ ການຫາສຽງ ຜູ້ສະມັກ ປ. ສະຫະລັດ (ສະໄລດ໌ກັບວີດີໂອ)


ພາຍຸ Sandy ທີ່ຮ້າຍແຮງ ເຮັດໃຫ້ທ່ານ Obama ແລະ Romney
ປັບປ່ຽນ ແຜນການໂຄສະນາຫາສຽງໃໝ່.
ພາຍຸ Sandy ທີ່ຮ້າຍແຮງ ເຮັດໃຫ້ທ່ານ Obama ແລະ Romney ປັບປ່ຽນ ແຜນການໂຄສະນາຫາສຽງໃໝ່.
ຍັງ​ເຫລືອ​ເວລາ​ ພຽງອີກ​ນຶ່ງ​ອາທິດ ກໍຈະ​ເຖິງ​ມື້​ປ່ອນ​ບັດ​ແລ້ວ
ປະ​ທາ​ນາ​ທິບໍດີສະຫະລັດ ທ່ານ Barack Obama ​ແລະ​ຄູ່​
ແຂ່ງຈາກພັກຣິພັບ​ບລິກັນທ່ານ Mitt Romney ກຳລັງ​ຊອກ
​ຫາ​ຊ່ອງ​ທາງ​ເພື່ອ​ສ້າງ​ຄວາມ​ກໍ້າ​ເກິ່ງ​ໃນ​ການ​ໂຄສະ​ນາ​ຫາ​ສຽງ
​ຂັ້ນສຸດ​ທ້າຍ​ຕໍ່​ບັນດາ​ຜູ້​ມີ​ສິດປ່ອນ​ບັດ​ໃນ​ຂະນະ​ທີ່ຊາວ​ອາ​ເມຣິ
ກັນຫຼາຍ​ສິບ​ລ້ານ​ຄົນ ທີ່ຢູ່​ເລາ​ະຕາມຝັ່ງ​ທະ​ເລ​ກໍ້າຕາ​ເວັນ​ອອກ
ຂອງ​ປະ​ເທດ ພວມ​ປະ​ເຊີນ​ໜ້າ​ ກັບລົມພາຍຸຂະໜາດແຮງ.

ຜູ້ສະມັກ​ປະທານາທິບໍດີທັງ​ສອງ​ທ່ານ​ຕ່າງ​ກໍ​ໄດ້​ຍົກ​ເລີກແຜນ
​ໄປປະກົດໂຕໂຄສະນາ​ຫາ​ສຽງ ​ໃນວັນ​ອັງຄານມື້ນີ້ ​ແລະ​ໄດ້​
ເນັ້ນ​ໜັກ​ໃ​ສ່ການ​ສົ່ງ​ສານ ໄປ​ຍັງບັນດາ​ຜູ້ໄດ້​ຮັບເຄາະຮ້າຍ
ຈາກ​ລົມພາຍຸ​ແລະ​ຮຽກຮ້ອງໃຫ້​ບໍລິຈາກ​ເງິນແກ່​ອົງການຊ່ວຍ​
ເຫລືອ​ຕ່າງໆ.

ຜົນ​ກະທົບ​ຂອງລົມ​ພາຍຸ ​ແມ່ນຮວມ​ທັງຫຼາຍໆລັດ ທີ່ຍັງ​ບໍ່ທັນ​ມີ​ຝ່າຍ​ໃດ ກຳ​ຄະ​ແນນ​ສຽງ​ໄດ້​ຢ່າງ​ເດັດຂາດ ​ຊຶ່ງ​ພວກນັກວິ​ເຄາະກ່າວ​ວ່າ ​ເປັນ​ກະ ​ແຈສໍາ​ຄັນ​ສຳລັບຜົນການປ່ອນ​ບັດເລືອກ​ຕັ້ງ ໃນ​ວັນ​ທີ 6 ເດືອນ​ພະ​ຈິກ ຮວມ​ມີລັດ Virginia, North Carolina, Pennsylvania, New Hampshire ​ແລະ Ohio.



ຢູ່ໃນບາງເຂດຂອງ​ລັດ Virginia ​ແລະ North Carolina ໜ່ວຍ​ປ່ອນ​ບັດ​ລ່ວງ​ໜ້າ ​ໄດ້​ປິດ​ລົງ​ໃນ​ຂະນະ​ທີ່ລົມພາຍຸ​ພັດ​ຜ່ານ ​ແລະ​ບັນດາ​ໜ່ວຍ​ປ່ອນບັດ​ທີ່​ Washington ຍັງ​ປິດ​ຢູ່ ​ໃນວັນອັງ​ຄານ ມື້​ນີ້.

ທ່ານ Obama ​ໄດ້​ກັບ​ຄືນ​ມາທໍານຽບຂາວ ​ໃນ​ວັນ​ຈັນວານ​ນີ້ ​ເພື່ອ​ກໍາ ກັບການ​ຮັບ​ມື​ກັບ​ລົມພາຍຸ ຂອງລັດຖະບານ​. ບັນດາ​ຜູ້​ຊ່ວຍຂອງທ່ານ Romney ກ່າວ​ວ່າ ທ່ານອາດ​ຈະໄປຢ້ຽ​ມຢາມ​ຂົງ​ເຂດທີ່ໄດ້​ຮັບ​ຜົນກະ ທົບ​ຈາກລົມພາຍຸ ​ໃນ​ທ້າຍ​ອາທິດ​ນີ້.

XS
SM
MD
LG