ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ການ​ລະ​ເບີດ​ທີ່​ສ້າງ​ຄວາມ​ເສຍ​ຫາຍ​ຢ່າງຫຼວງຫຼາຍ ໃນ ຈີນ ເຮັດ​ໃຫ້ 2 ຄົນ​ເສຍ​ຊີ​ວິດ ແລະ ບາດ​ເຈັບ 26 ຄົນ


ນັກ​ດັບ​ໄຟ​ເຮັດ​ວຽກ​ຢູ່​ສະ​ຖານ​ທີ່​ຂອງ​ການ​ລະ​ເບີດ​ໃນ​ເມືອງ ຊານ​ຮີ, ແຂວງ ເຮ​ເບີຍ, ຈີນ, 13 ມີ​ນາ 2024.
ນັກ​ດັບ​ໄຟ​ເຮັດ​ວຽກ​ຢູ່​ສະ​ຖານ​ທີ່​ຂອງ​ການ​ລະ​ເບີດ​ໃນ​ເມືອງ ຊານ​ຮີ, ແຂວງ ເຮ​ເບີຍ, ຈີນ, 13 ມີ​ນາ 2024.

ສິ່ງ​ທີ່​ຖືກ​ສົງ​ໄສວ່າ​ເປັນ​ກາ​ນ​ຮົ່ວ​ໄຫຼ​ຂອງ​ອາຍ​ແກັ​ສ​ໄດ້​ເປັນ​ສາ​ເຫດ​ຂອງ​ການ​ລະ​ເບີດ​ຢູ່​ຮ້ານ​ອາ​ຫານ​ແຫ່ງ​ນຶ່ງ​ໃນ​ແຂວງ ເຮີເບ ທາງ​ພາກ​ເໜືອ​ຂອງ ຈີນ ທີ່​ໄດ້ເຮັດ​ໃຫ້ດ້ານ​ໜ້າ​ຂອງ​ຕຶກ​ພັງ, ລົດ​ຫຼາຍຄັນໄດ້​ຮັບ​ຄວາມ​ເສຍ​ຫາຍ ແລະ ຊາກ​ຫັກ​ພັງ​ທີ່​ກະ​ຈາຍ​ໄປ​ທົ່ວນັ້ນ ​ໄດ້​ເຮັດ​ໃຫ້​ສອງ​ຄົນ​ເສຍ​ຊີ​ວິດ ແລະ 26 ຄົນ​ບາດ​ເຈັບ, ສື່ມວນ​ຊົນ​ລັດ​ຖະ​ບານ ແລະ ບັນ​ດາ​ເຈົ້າ​ໜ້າ​ທີ່​ໄດ້​ກ່າວ​ໃນ​ວັນ​ພຸດມື້ນີ້.

ການ​ລະ​ເບີດ​ໄດ້​ເກີດ​ຂຶ້ນ​ປະ​ມານ 8 ໂມງ​ເຊົ້າ ໃນ​ເມືອງ ຊານ​ເຮ, ປະ​ມານ 30 ກິ​ໂລ​ແມັດ​ຫ່າງ​ຈາກ​ໃຈ​ກາງ​ຂອງ​ນະ​ຄອນຫຼວງ ປັກ​ກິ່ງ, ໂທ​ລະ​ພາບ CCTV ຂອງທາງການໃນ​ທ້ອງ​ຖິ່ນ​ໄດ້​ກ່າ​ວ.

ວິ​ດີ​ໂອ​ໃນ​ສື່​ສັງ​ຄົມ Weibo ໄດ້​ສະ​ແດງ​ໃຫ້​ເຫັນກ້ອນ​ໄຟຂະ​ໜາດ​ໃຫຍ່​ຢູ່​ສະ​ຖານ​ທີ່​ດັ່ງ​ກ່າວ, ຕາມ​ມາ​ດ້ວຍ​ຄວັນ​ສີ​ຂີ້​ເຖົ່າ, ແລະ ເຫດ​ການ​ຂອງ​ໜ້າ​ຕຶກ​ຖື​ກ​ທຳ​ລາຍ, ລົດຫຼາຍຄັນ​ພັງ​ເສຍ​ຫາຍພ້ອມ​ດ້ວຍ​ເສດ​ແກ້ວ​ກະ​ຈາຍ​ທົ່ວ​ຖະ​ໜົນ, ແລະ ວັດ​ຖຸ​ບາງ​ອັນ​ຍັງ​ມີ​ໄຟ​ໄໝ້​ຢູ່.

ສິ່ງ​ທີ່​ຖືກ​ສົງ​ໄສວ່າ ​ເປັນ​ການ​ຮົ່ວ​ໄຫຼ​ຂອງ​ອາຍ​ແກັ​ສ​ໄດ້​ກໍ່​ໃຫ້​ເກີດ​ອຸ​ບັດ​ຕິ​ເຫດ​ໃນ​ຮ້າຍ​ຂາຍ​ຈືນ​ໄກ່​ໃນ​ເມືອງ ຢານ​ຈຽວ, ບັນ​ດາ​ເຈົ້າ​ໜ້າ​ທີ່​ສຸກ​ເສີນຂອງ​ເມືອງ​ໄດ້​ກ່າວ​ໃນ​ຖະ​ແຫຼງ​ການ​ສະ​ບັບ​ນຶ່ງ, ເຊິ່ງ​ໄດ້​ດຶງ​ດູດ​ເອົາ​ບັນ​ດາ​ນັກ​ກູ້​ໄພ, ນັກ​ດັບ​ໄຟ, ບັນ​ດາ​ເຈົ້າ​ໜ້າ​ທີ່​ສາ​ທາ​ລະ​ນະ​ສຸກ ແລະ ອື່ນໆ​ພາກັນໄປ​ຈຸດ​ເກີດ​ເຫດ.

ນາງ ສາວ ລີ, ແມ່​ຍິງຜູ້ທີ່​ອາ​ໄສ​ຢູ່​ປະ​ມານ​ນຶ່ງ​ກິ​ໂລ​ແມັດ​ຈາກ​ສະ​ຖ​ານ​ທີ່​ເກີດ​ເຫດ​ລະ​ເບີດ ​ກ່າວ​ວ່າ “ຂ້ອຍ​ຢູ່​ບ້ານ​ເວ​ລາ​ທີ່​ຂ້ອຍ​ໄດ້​ຍິນ​ສຽງ​ລະ​ເບີດ​ດັງ, ທຳ​ອິດ​ຂ້ອຍ​ຄິດ​ວ່າ ​ມັນ​ອາດ​ເປັນ​ສຽງ​ປືນ.”

ນາງ ສາວ ລີ ເວົ້າ​ວ່າ “ສຽງ​ລະ​ເບີດ​ທີ່​ດັງ​ແມ່ນ​ມາ​ພ້ອມ​ກັບ​ສຽງ​ແກ້ວ​ແຕກ ແລະ ຄວັນ​ດຳ, ນາງໄດ້​ກ່າວ​ຕື່ມ​ວ່າ ຕຳຫຼວດ​ໄດ້​ປິດ​ຖະ​ໜົນ​ຢູ່​ສະ​ຖານ​ທີ່​ເກີດ​ເຫດ.

ໄຟ​ແມ່ນ​ຖືກ​ຄວບ​ຄຸມ​ໄດ້, ບັນ​ດາ​ເຈົ້າ​ໜ້າ​ທີ່​ດັບ​ໄຟ​ໄດ້​ກ່າວ​ໃນ​ຖະ​ແຫຼງ​ການ​ກ່ອນ​ໜ້ານີ້, ໂດຍ​ກ່າວ​ຕື່ມ​ວ່າ​ລົດ 36 ຄັນ ແລະ ປະ​ຊາ​ຊົນ 154 ຄົນ​ໄດ້​ຖືກ​ສົ່ງ​ໄປ​ສະ​ຖານ​ທີ່​ນັ້ນ ແລະ ໄດ້​ດຳ​ເນີນ​ວຽກ​ງານ​ກູ້​ໄພ.

ການ​ລະ​ເບີດ​ຈາກ​ອາຍ​ແກັ​ສ​ທີ່​ຮ້າຍ​ແຮງ​ຄັ້ງຫຼ້າ​ສຸດຢູ່​ຮ້ານ​ອາ​ຫານ​ຂອງ​ຈີນ ນັ້ນ​ໄດ້​ເກີດ​ຂຶ້ນຫຼັງ​ຈາກ​ລັດ​ຖະ​ບານ​ໄດ້​ອອກ​ແນວ​ທາງ​ທີ່​ມີ​ລາຍ​ລະ​ອຽດ​ເມື່ອ​ປີ​ທີ່​ຜ່ານ​ມາ ກ່ຽວ​ກັບການ​ໃຊ້​ອຸ​ປະ​ກອນ​ອາຍ​ແກັ​ສ ແລະ ວັດ​ຖຸ​ຫຸງ​ຕົ້ມ​ເພື່ອຫຼີກ​ລ່ຽງ​ຄວາມ​ສ່ຽງ​ດ້ານ​ຄວາມ​ປອດ​ໄພ.

ອ່ານ​ຂ່າວນີ້​ເປັນ​ພ​າ​ສາ​ອັງ​ກິດ

ຟໍຣັມສະແດງຄວາມຄິດເຫັນ

XS
SM
MD
LG