ກຸ່ມປົກປ້ອງສິດທິມະນຸດ Human Rights Watch ຫຼື HRW
ກ່າວຢູ່ໃນລາຍງານສະບັບໃໝ່ ໃນວັນພຸດມື້ນີ້ວ່າ ທະຫານອີຣັກ
ແລະທະຫານບ້ານທີ່ໄດ້ຂັບໄລ່ ພວກນັກລົບລັດອິສລາມ ອອກ
ຈາກເມືອງ Amerli ໃນພາກເໜືອຂອງປະເທດ ເມື່ອເດືອນກັນ
ຍາແລ້ວນີ້ ໄດ້ທຳການປຸ້ນສະດົມ ພ້ອມທັງຈູດເຜົາບ້ານເຮືອນ
ແລະທຸລະກິດຕ່າງໆ.
ອີງຕາມການສຳພາດບັນດາຜູ້ເຄາະຮ້າຍ ແລະຜູ້ເຫັນເຫດການ
ພ້ອມດ້ວຍຮູບພາບຈາກດາວທຽມ ລາຍງານກ່າວວ່າ ພວກທະ
ຫານບ້ານໄດ້ຂົນເອົາສິ່ງຂອງຕ່າງໆ ເຊັນວ່າ ໂທລະພາບ ເຄຶ່ອ
ນຸ່ງຫົ່ມ ແລະສາຍໄຟ ກ່ອນຈູດເຜົາຕຶກອາ ຄານຕ່າງໆ. ການ
ປຸ້ນສະດົມແລະທຳລາຍແມ່ນກວມເອົາ 47 ໝູ່ບ້ານທີ່ຢູ່ອ້ອມແອ້ມເມືອງ Amerli.
ກຸ່ມປົກປ້ອງສິດທິມະນຸດ HRW ກ່າວວ່າ ພະນັກງານຂອງຕົນບໍ່ໄດ້ບັນທຶກການສັງຫານ
ໃດໆ ແຕ່ມີຜູ້ຊາຍ 11 ຄົນໄດ້ຖືກລັກພາໂຕໃນລະຫວ່າງການປະຕິບັດງານດັ່ງກ່າວ.
ທ່ານ Jose Stork ຮອງຜູ້ອຳນວຍການຮັບຜິດຊອບກ່ຽວກັບພາກຕາເວັນອອກກາງ ແລະ
ອາຟຣິກາເໜືອ ຂອງກຸ່ມປົກປ້ອງສິດທິມະນຸດ HRW ກ່າວໂດຍການ ໃຊ້ຊື່ຫຍໍ້ຂອງກຸ່ມ
ລັດອິສລາມວ່າ “ອີຣັກ ບໍ່ສາມາດເອົາຊະນະ ໃນການຕໍ່ສູ້ຕ້ານ ການກໍ່ໂທດກຳຂອງກຸ່ມ
ISIS ດ້ວຍການໂຈມຕີພົນລະເຮືອນ ຊຶ່ງເປັນການລະ ເມີດຕໍ່ກົດການເຮັດສົງຄາມ ແລະ
ເປັນການທ້າທາຍຕໍ່ສົມບັດຜູ້ດີຂອງມະນຸດ.
