ກຸ່ມປົກປ້ອງສິດທິມະນຸດ Human Rights Watch ຫຼື HRW
ກ່າວໃນວັນພຸດມື້ນີ້ວ່າ ພວກຫົວຮຸນແຮງລັດອິສລາມ ກຳລັງ
ທຳການຂົ່ມຂືນສຳເລົາແລະໃຊ້ຄວາມຮຸນແຮງທາງເພດຢ່າງ
ເປັນລະບົບຕໍ່ພວກຊົນກຸ່ມນ້ອຍ Yazidi ຂອງອີຣັກຢູ່ໃນລາຍ
ງານຫລ້າສຸດທີ່ໃຫ້ລາຍລະອຽດກ່ຽວກັບການກ່າວຫາໃນການ
ກໍ່ອາຊະຍາກຳສົງຄາມຂອງພວກນັກລົບລັດອິສລາມໃນຮອບ
10 ເດືອນຜ່ານມາ ຫລັງງຈາກເຂົາເຈົ້າໄດ້ບຸກເຂົ້າຍຶດເອົາຂົງ
ເຂດອັນກວ້າງໃຫຍ່ຂອງປະເທດດັ່ງກ່າວ.
ການບຸກໂຈມຕີຂອງກຸ່ມລັດອິສລາມ ແມ່ນຮວມທັງການປິດ
ລ້ອມເຂດພູ Sinjar ທີ່ບັງຄັບໃຫ້ຊາວ Yazidis ຫຼາຍພັນຄົນ
ຕ້ອງພາກັນຫລົບໜີ ໃນຂະນະທີ່ພວກ ຫົວຮຸນແຮງ ລັກພາໂຕຫລາຍພັນຄົນ ແລະສັງ
ຫານອີກຈຳນວນນຶ່ງ. ກົນລະຍຸດຂອງພວກເຂົາແມ່ນຮວມທັງແບ່ງແຍກພວກຜູ້ຍິງ ແລະ
ເດັກນ້ອຍອອກຈາກຄອບ ຄົວເຂົາເຈົ້າ ແລະຍົກຍ້າຍເຂົາເຈົ້າໄປຢູ່ເຂດອື່ນໆຂອງອີຣັກ
ແລະເຂົ້າໄປສູ່ຊີເຣຍ ເພື່ອຂາຍ ຫລືໃຫ້ແຕ່ງງານກັບພວກຫົວຮຸນແຮງ.
ກຸ່ມປົກປ້ອງສິດທິມະນຸດ Human Rights Watch ໄດ້ສຳພາດຜູ້ຍິງແລະເດັກ ນ້ອຍແມ່
ຍິງ 20 ຄົນ ຈາກຊາວ Yazidis ປະມານ 1,000 ຄົນ ທີ່ບັນດາເຈົ້າ ໜ້າທີ່ Kurd ກ່າວວ່າ
ໄດ້ພາກັນເອົາໂຕຫລົບໜີມາໄດ້ນັ້ນ. ເຂົາເຈົ້າອະທິບາຍວ່າ “ມີການຈັດຕັ້ງເປັນລະບົບໃນ
ການຂົ່ມຂືນສຳເລົາ ແລະການລວນລາມທາງເພດ” ດ້ວຍການຂົ່ມຂູ່ທີ່ຈະທຸບຕີບັນດາຜູ້
ທີ່ຂັດຂືນ. ພວກທີ່ບໍ່ໄດ້ຖືກຂົ່ມຂືນບາງ ຄົນ ໄດ້ກ່າວຕໍ່ກຸ່ມປົກປ້ອງສິດທິມະນຸດວ່າ ໄດ້
ເຫັນການລ່ວງລະເມີດຕໍ່ຄົນອຶ່ນໆ ແລະຄິດວ່າເຂົາເຈົ້າອາດຈະເປັນຄົນຕໍ່ໄປ ທີ່ໄດ້ນຳມາ
ສູ່ “ຄວາມຢ້ານກົວ ແລະຄວາມກັງວົນຢູ່ຕະຫລອດເວລາ.”
ກຸ່ມປົກປ້ອງສິດທິມະນຸດ Human Rights Watch ກ່າວວ່າ ບັນດາຜູ້ຍິງແລະ ພວກຜູ້
ສາວ ໄດ້ກ່າວເຖິງການພະຍາຍາມທີ່ຈະແຂວນຄໍຕົນເອງຫລືຕັດຂໍ້ມືດ້ວຍ ມີດແຖ ໃນຄວາມພະຍາຍາມທີ່ຈະຂ້າໂຕຕາຍ ເພື່ອຫລົບໜີ ຈາກການລ່ວງລະ ເມີດດັ່ງກ່າວ.
ກຸ່ມປົກປ້ອງສິດທິມະນຸດດັ່ງກ່າວ ໄດ້ຮຽກຮ້ອງໃຫ້ພວກນັກລົບລັດອິສລາມປ່ອຍໂຕບັນ
ດາພົນລະເຮືອນ ທີ່ເຂົາເຈົ້າຍັງຖືກກັກຂັງ ແລະໃຫ້ຍຸດຕິການບັງຄັບແຕ່ງ ງານ ການຂົ່ມ
ຂືນ ແລະການລວນລາມທາງເພດ. ນອກນັ້ນ ຍັງໄດ້ຮຽກຮ້ອງໃຫ້ສະໜອງການປິ່ນປົວ
ທີ່ດີຂຶ້ນ ສຳຫລັບບັນດາຜູ້ຍິງ ແລະຍິງສາວຜູ້ທີ່ໄດ້ຫລົບໜີ ໂດຍສະເພາະຢ່າງຍິ່ງໃຫ້ການ
ຊຸກຍູ້ທາງດ້ານຈິດໃຈ ແລະການດຳເນີນຄວາມພະຍາຍາມໃຫ້ການສຶກສາແກ່ຜູ້ຄົນ ກ່ຽວ
ກັບວ່າ ການໃຫ້ຄຳແນະນຳນັ້ນ ສາມາດຊ່ວຍໄດ້ແນວໃດ.
