ລິ້ງ ສຳຫລັບເຂົ້າຫາ

ກໍາປູເຈຍ ຍັງບໍ່ ດໍາເນີນຄະດີ ເຫດການແກວ່ງລະເບີດ ເມື່ອ 15 ປີກ່ອນ

  • ທອງປານ ເທບວົງສາ

ຜູ້ນໍາຝ່າຍຄ້ານພັດຖິ່ນຂອງກໍາປູເຈຍ ທ່ານ Sam Rainsy ທີ່ຖືກແນເປົ້າ ແກວ່ງລະເບີດໃສ່ເມື່ອ 15 ປີຜ່ານມາ

ກຸ່ມ​ສິ້ງຊອມ​ສິດ​ທິມະນຸດ Human Rights Watch ກ່າວ​ວ່າລັດຖະບານ​ກໍາປູ​ເຈຍ ​ແມ່ນ
ບໍ່​ໄດ້​ສ້າງ​ຄວາມ​ພະຍາຍາມ​ໃດໆ​ເລີຍ​ທີ່​ຈະ​ດໍາ​ເນີນຄະດີ​ພວກ​ຮັບຜິດຊອບ ໃນ​ການແກ​ວ່ງ
ລະ​ເບີດ​ມື ​ໃສ່ການ​ໂຮມຊຸມນຸມ​ຂອງພວກ​ຝ່າຍ​ຄ້ານ​ເມື່ອ 15 ປີຜ່ານມານັ້ນ.

ໃນ​ລາຍ​ງານ​ສະບັບ​ນຶ່ງ​ທີ່​ອອກ​ເມື່ອ​ວັນ​ພະຫັດ​ມື້​ນີ້ ກຸ່ມ​ສິ້ງຊອມ​ສິດທິ​ມະນຸດ​ທີ່​ມີ​ສໍານັກ
ງານຢູ່​ສະຫະລັດ​ດັ່ງກ່າວ​ເວົ້າ​ວ່າ ມີ​ຫຼັກ​ຖານ​ທີ່ແໜ້ນໜາກ່ຽວ​ກັບ​ການ​ພົວພັນ​ຂອງ​ລັດຖະ
ບານ ​ໃນເຫດການ​ໂຈມ​ຕີ​ເມື່ອ​ປີ 1997 ທີ່​ຍັງ​ຜົນ​ໃຫ້​ມີ​ຜູ້​ເສຍ​ຊີວິດ 16 ຄົນ ​ແລະຫລາຍ
ກວ່າ 150 ຄົນບາດ​ເຈັບ.

ການ​ໂຈມ​ຕີ​ດັ່ງກ່າວ​ ແມ່ນ​ແນ​ເປົ້າໝາຍ​ໃສ່ ທ່ານ Sam Rainsy ຜູ້​ນໍາ​ຝ່າຍ​ຄ້ານ ​ແຕ່​ກົງ
ກັນຂ້າມໄດ້​ສັງຫານ​ພວກ​ປະ​ທ້ວງ​ແລະພວກທີ່​ຜ່ານ​ໄປມາ ​ໂຮມ​ທັງ​ພວກ​ເດັກນ້ອຍ ​ແລະ​
ພວກ​ຂາຍ​ເຄຶ່ອງ​ແຄ​ມທາງ​ນັ້ນ.

ກຸ່ມ​ສິ້ງ​ຊອມ​ສິດທິ​ມະນຸດ Human Rights Watch ​ໄດ້​ຮຽກຮ້ອງ​ໃຫ້ສໍານັກງານ​ສືບສວນ
ລັດຖະບານກາງ​ສະຫະລັດ ຫລື FBI ​ໃຫ້​ເປີດ​ການ​ສືບສວນ​ສອບ​ສວນ​ເຫດການ​ດັ່ງກ່າວ​
ຄືນ​ໃໝ່ ທີ່​ໄດ້​ຍຸຕິ​ລົງ​ໄປ​ເວລາ​ເອກ​ອັກຄະ​ລັດຖະທູດ​ສະຫະລັດ​ໄດ້​ສັ່ງ​ໃຫ້​ຫົວໜ້າ​ສືບສວນ
ຂອງ​ຕົນ​ໜີ​ອອກປະ​ເທດ​ໄປ. ​ເວລາ​ນັ້ນໜ່ວຍ FBI ​ໄດ້​ສືບສວນ​ເຫດຮ້າຍ​ນີ້​ຍ້ອນ​ວ່າ​ຊາວ
ອາ​ເມຣິກັນ​ຄົນ​ນຶ່ງ​ໄດ້​ຮັບ​ບາດ​ເຈັບ ຈາກການ​ໂຈມ​ຕີ​ດ້ວຍ​ລ​ະ​ເບີດ​ດັ່ງກ່າວ​ນັ້ນ.

XS
SM
MD
LG