ອົງການສິ້ງຊອມສິດທິມະນຸດ Human Right Watch ຫຼື HRW ໄດ້ຮຽກຮ້ອງໃຫ້ລັດຖະ ບານ ໄທ ເປີດເຜີຍບ່ອນຢູ່ຂອງນັກວິຈານ ລັດຖະບານ ທີ່ບໍ່ໄດ້ຖືກພົບເຫັນນັບຕັ້ງລາວ ຖືກຈັບກຸມໃນສັບປະ ດາທີ່ຜ່ານມາ.
ອົງການ HRW ກ່າວວ່າ ທ່ານ ສະຣາວຸດ ບຳລຸງກິດຕິຄຸນ ໄດ້ຖືກ ຈັບກຸມໃນວັນທີ 9 ມີນາ ທີ່ຜ່ານມາ ໃນບ້ານຂອງທ່ານເອງ ທີ່ຈັງ ຫວັດ ສຸຣາດ ທານີ.
ກຸ່ມປົກປ້ອງສິດທິມະນຸດກຸ່ມນີ້ ໄດ້ພັນລະນາເຖິງ ທ່ານ ສະຣາວຸດ ວ່າ ເປັນ “ນັກວິຈານທີ່ ກ້າປາກກ້າເວົ້າ” ຊຶ່ງເປັນຜູ້ບໍລິຫານ Facebook ຕໍ່ຕ້ານລັດຖະບານທະຫານ.
ອົງການ HRW ກ່່າວວ່າ ລັດຖະບານທະຫານທີ່ກຳລັງປົກຄອງປະເທດຢູ່ນັ້ນ “ໄດ້ປະຕິເສດ ຢ່າງເປັນທາງການ” ວ່າ ຕົນບໍ່ຮູ້ເລື່ອງ ກ່ຽວກັບ ການຈັບກຸມທ່ານ ສະຣາວຸດ ແລະ ທີ່ຢູ່ຂອງທ່ານ, ເຊິ່ງເປັນການຍົກໃຫ້ເຫັນໃນສິ່ງທີ່ເອີ້ນວ່າ ຄວາມເປັນຫ່ວງທີ່ຮ້າຍແຮງ ກ່ຽວກັບ ການ ຫາຍຕົວໄປໂດຍຖືກບັງຄັບນັ້ນ.
ທ່ານ Brad Adams ອຳນວນການອົງການ HRW ເຂດເອເຊຍ ໄດ້ກ່າວວ່າ “ລັດຖະບານທະ ຫານຂອງ ປະເທດ ໄທ ໄດ້ໝິ່ນປະໝາດການປົກປ້ອງກົດໝາຍສາກົນຊ້ຳ ແລ້ວຊ້ຳອີກດ້ວຍ ການກັກຂັງພວກນັກວິຈານລັດຖະບານຫຼາຍຄົນ.”
ທ່ານໄດ້ກ່າວວ່າ “ລັດຖະບານຄວນເຮັດໃຫ້ຄວາມເປັນຫ່ວງທີ່ວ່າທ່ານ ສະຣາວຸດ ໄດ້ຖືກບັງ ຄັບໃຫ້ຫາຍສາບສູນໄປນັ້ນ ມີຄວາມສະຫງົບລົງໂດຍເປີດເຜີຍໃຫ້ຮູ້ສະຖານທີ່ການກັກຂັງ ລາວໂດຍທັນທີ, ອະນຸຍາດໃຫ້ຄອບຄົວຂອງລາວ ແລະ ບັນດາທະນາຍ ຄວາມສາມາດເຂົ້າໄປຫາ ແລະ ປ່ອຍຕົວລາວ ຖ້າລາວຍັງບໍ່ໄດ້ຖືກກ່າວໂທດເທື່ອ.”
ພາຍໃຕ້ກົດລະບຽບ ຂອງຄະນະຮັກສາຄວາມສະຫງົບແຫ່ງຊາດນັ້ນ, ບັນດາເຈົ້າໜ້າທີ່ສາ ມາດກັກຂັງປະຊາຊົນໄດ້ດົນສຸດ 7 ມື້ ກ່ອນທີ່ຈະຖືກກ່າວໂທດຢ່າງເປັນທາງການ.
ອົງການ HRW ກ່າວວ່າ ມິີບົດລາຍງານທີ່ວ່າ ທ່ານ ສະຣາວຸດ ໄດ້ຖືກນຳຕົວໄປ ບາງກອກ ແລະ ກັກຂັງໄວ້ຢູ່ຄຸກແຫ່ງນຶ່ງພາຍໃນຄ້າຍທະຫານ, ແຕ່ວ່າພວກເຂົາເຈົ້າຍັງບໍ່ໄດ້ຮັບການຢືນ ຢັນເທື່ອກ່ຽວກັບລາຍງານດັ່ງກ່າວ.
