ສອງມື້ຫຼັງຈາກການລົງຄະແນນສຽງໄດ້ສິ້ນສຸດລົງຍັງມີການນັບບັດລົງຄະແນນສຽງຢູ່
ຫຼາຍກວ່າສິບແຫ່ງທີ່ມີຄະແນນສຽງໃກ້ຄຽງກັນນັ້ນ ຢູ່ໃນສະຫະລັດ ໃນຊຶ່ງປ່ອຍໃຫ້ຮູບ
ຮ່າງທາງການເມືອງຂອງລັດຖະສະພາບໍ່ມີຄວາມແນ່ນອນເທື່ອ.
ມີການແຂ່ງຂັນທີ່ຍັງບໍ່ລົງລອຍກັນຢູ່ ຢູ່ໃນລັດອາຣີໂຊນາ ແລະຟລໍຣິດາ.
ທ່ານນາງຄຣິສຕັນ ຊິເນມາ ທີ່ສັງກັດພັກເດໂມແຄຣັດ ມີຄະແນນນຳໜ້າຢ່າງມິ່ນໆ ຢູ່ໃນ
ລັດອາຣີໂຊນາ ໃນການເລືອກຕັ້ງເອົາສະມາຊິກສະພາສູງລັດອາຣິໂຊນາແຂ່ງກັບສະມາ
ຊິກສະພາຕ່ຳ ທ່ານນາງມາຣທາ ແມັກແຊລລີ ທີ່ສັງກັດພັກຣີພັບບລິກັນນັ້ນ.
ຢູ່ໃນການແຂ່ງຂັນຊິງເອົາບ່ອນນັ່ງໃນສະພາສູງຂອງລັດຟລໍຣິດານັ້ນ ຜູ້ປົກຄອງລັດ ທ່ານ
ຣິກ ສະກັອຕໄດ້ຄະແນນ 22,000 ສຽງ ລື່ນຄະແນນຂອງທ່ານບີລ ແນລສັນ ສະມາຊິກ
ສະພາສູງສັງກັດພັກເດໂມແຄຣັດ ທີ່ຢູ່ດຳລົງຕຳແໜ່ງຢູ່ໃນເວລນີ້ທີ່ຮ້ອງໃຫ້ມີການນັບ
ຄະແນນຄືນໃໝ່.
ມີການແຂ່ງຂັນທີ່ຍັງບໍ່ເສັດສິ້ນກັນຢູ່ 12 ແຫ່ງ ທີ່ພວກພັກຣີພັບບລິກັນປະຈຳຢູ່ໃນ
ສະພາຕ່ຳ ຊຶ່ງເປັນການເປີດໃຫ້ມີການເປັນໄປໄດ້ທີ່ພັກເດໂມແຄຣັດຈະຍາດເອົາບ່ອນ
ນັ່ງຈຳນວນນຶ່ງໄດ້ ໃນເວລາການນັບບັດລົງຄະແນນສຽງເສັດສິ້ນລົງ ແລະ ເປັນການ
ເພີ້ມບ່ອນນັ່ງເຂົ້າໃສ່ 30 ບ່ອນ ທີ່ເຂົາເຈົ້າໄດ້ມາແລ້ວນັ້ນ ໃນການຍາດເອົາການຄວບ
ຄຸມສະພາຕ່ຳເປັນເທື່ອທຳອິດ ໃນຮອບແປດປີ ໃນເວລາສະພາຕ່ຳ ຊຸດໃໝ່ຈະເຂົ້າຮັບ
ຕຳແໜ່ງໃນຕົ້ນເດືອນມັງກອນ ຈະມາເຖິງນີ້.
ຍິ່ງໄປກວ່ານັ້ນ ຜົນຂອງການແຂ່ງຂັນທີ່ໃກ້ຄຽງໃນການເປັນຜູ້ປົກຄອງລັດຈໍເຈຍ ຍັງບໍ່
ແນ່ນອນຢູ່ ເຖິງແມ່ນວ່າຫົວໜ້າຫ້ອງການລັດສັງກັດພັກຣີພັບບໍລິກັນ ທ່ານ ບຣາຍອັນ
ເຄມ ໄດ້ປະກາດໄຊຊະນະໄປແລ້ວກໍຈາມ. ທ່ານນາງສະເຕຊີ ແອບຣາມສ໌ ສັງກັດພັກ
ເດໂມແຄຣັດ ໄດ້ຕັ້ງທີມທາງກົດໝາຍທີ່ອາດທຳການທ້າຍດ້ານກົດໝາຍທີ່ອາດເຮັດ
ໃຫ້ມີການແຂ່ງຂັນເລືອກຕັ້ງຮອບຕັດສິນຊີ້ຂາດ.
ທ່ານນາງ ແອບຣມສ໌ ທີ່ມີຄວາມຫວັງສູງທີ່ຈະໄດ້ເປັນຜູ້ປົກຄອງລັດໃນສະຫະລັດທີ່ເປັນ
ແມ່ຍິງຜີວດຳຄົນທຳອິດນັ້ນ ກ່າວອ້າງວ່າ ຍັງມີບັດລົງຄະແນນສຽງ ທີ່ສົ່ງສົ່ງມາທາງໄປ
ສະນີ ແລະບັດທີ່ບໍ່ມາປ່ອນດ້ວຍຕົນເອງທີ່ບໍ່ທັນໄດ້ນັບຫລາຍພັນອັນ ທີ່ອາດຈະເຮັດໃຫ້
ຄະແນນຂອງທ່ານນາງກາຍ ທ່ານເຄມທີ່ໄດ້ 63,000 ສຽງ ລື່ນທ່ານນາງຢູ່ນັ້ນອີກ ບໍ່ມີ
ຄວາມໝາຍຫຍັງ ແລະດັນຄະແນນຂອງທ່ານໃຫ້ຫລຸດລົງໄປຢູ່ຕ່ຳກວ່າ 50 ເປີເຊັນ ທີ່
ຈະເຮັດໃຫ້ຕ້ອງໃຫ້ມີການແຂ່ງຂັນກັນໃໝ່. ຈົນຮອດວັນພະຫັດວານນີ້ ທ່ານເຄມ ໄດ້
ຮັບຄະແນນ 50.3 ເປີເຊັນຄະແນນສຽງທັງໝົດລື່ນຄະແນນສຽງ ທີ່ໄດ້ 48.7 ເປີເຊັນ
ຂອງທ່ານນາງເອບຣາມສ໌ນັ້ນ ສ່ວນຄະແນນທີ່ເຫຼືອນັ້ນແມ່ນໄປຫາຜູ້ສະໝັກສຽງທີ່
ມາຈາກພັກນ້ອຍໆ.
