ລິ້ງ ສຳຫລັບເຂົ້າຫາ

ສະຫະປະຊາຊາດຮ້ອງຂໍ ການຊ່ອຍເຫຼືອເພີ່ມຕື່ມ ສຳລັບແຫຼມອາຟຣິກາ (ເບິ່ງວີດີໂອ)

  • ໄພສານ ວໍຣະຈັກ

ນາງ Olivia Yambi (ຊ້າຍ) ຜູ້ຕາງໜ້າອົງການເດັກຂອງສະຫະປະຊາຊາດ ທີ່ປະເທດເຄັນຢາ ກຳລັງໂອ້ລົມ ກັບແມ່ລູກອ່ອນຄົນນຶ່ງ ທີ່ເມືອງ Dadaab ປະເທດເຄັນຢາ (29 ກໍລະກົດ 2011)

ອົງການສະຫະປະຊາຊາດໄດ້ຮ້ອງຂໍເງິນເພີ່ມຕື່ມຈຳນວນ 1 ພັນ 400 ລ້ານໂດລາເພື່ອນຳ
ໄປໃຫ້ຄວາມຊ່ອຍເຫຼືອທາງດ້ານມະນຸດສະທຳແກ່ປະຊາຊົນຈຳນວນ 12 ລ້ານຄົນທີ່ອາໄສ
ຢູ່ໃນບັນດາປະເທດໃນເຂດແຫຼມອາຟຣິກາທີ່ໄດ້ປະສົບກັບໄພແຫ້ງແລ້ງນັ້ນ.

ອົງການໃຫ້ຄວາມຊ່ອຍເຫຼືອທາງດ້ານມະນຸດສະທຳຂອງສະຫະປະຊາຊາດກ່າວ ໃນມື້ວັນ
ສຸກວານນີ້ວ່າ ຖ້າການສະໜອງຕອບທາງດ້ານການຊ່ອຍເຫຼືອ ບໍ່ໄດ້ເພີ່ມຂຶ້ນຕາມຄວາມ
ຮຽກຮ້ອງຕ້ອງການທີ່ເພີ່ມທະວີຂຶ້ນແລ້ວນັ້ນ ຄວາມອຶດຢາກຢູ່ໃນ 2 ເຂດຂອງໂຊມາເລຍ ອາດຈະແຜ່ລາມໄປທົ່ວພາກໃຕ້ຂອງໂຊມາເລຍພາຍໃນໄລຍະນຶ່ງຫາສອງເດືອນ.

ໃນຖະແຫຼງການທີ່ນຳອອກເຜີຍແຜ່ສະບັບນຶ່ງນັ້ນ ອົງການສະຫະປະຊາຊາດກ່າວວ່າ ໃນ
ແຕ່ລະມື້ມີຊາວໂຊມາເລຍຫຼາຍພັນຄົນ ໄດ້ພາກັນຫຼົບໜີຄວາມຮຸນແຮງແລະລາຄາອາຫານ
ທີ່ແພງຂຶ້ນເຂົ້າໄປໃນປະເທດເອທິໂອເປຍ ແລະເຄັນຢາ ອັນເປັນຜົນມາຈາກໄພແຫ້ງແລ້ງທີ່
ຮ້າຍແຮງສຸດໃນຮອບ 60 ປີ.

ການປະທະກັນໄດ້ລະເບີດຂຶ້ນ ລະຫວ່າງພວກຫົວຮຸນແຮງ al-Shabab ກັບທະຫານລັດ
ຖະບານໂຊມາເລຍແລະສະຫະພາບອາຟຣິກາ ຂະນະທີ່ພວກຫົວຮຸນແຮງ ພະຍາຍາມຂັດ
ຂວາງການແຈກຢາຍການຊ່ອຍເຫຼືອ.

ອົງການສະຫະປະຊາຊາດກ່າວວ່າ ວິກິດການທີ່ວ່ານີ້ຄາດວ່າຈະມີຄວາມຮ້າຍແຮງສຸດໃນ
ລະຫວ່າງເດືອນສິງຫາຫາເດືອນກັນຍາ ແລະຈຳນວນປະຊາຊົນທີ່ຕ້ອງການຄວາມຊ່ອຍ
ເຫຼືອອາດຈະເພີ່ມຂຶ້ນຫຼາຍເຖິງ 25%.

XS
SM
MD
LG