ລິ້ງ ສຳຫລັບເຂົ້າຫາ

ສະພາກາແດງສາກົນ ຮ້ອງຂໍເງິນຕື່ມ ສໍາລັບ ຊ່ວຍເຫລືອໂຊມາເລຍ

  • ທອງປານ ເທບວົງສາ

ປະຊາຊົນໂຊມາເລຍ ທີ່ຂາດແຄນອາຫານ

ຫົວໜ້າໂຄງການອາຫານໂລກ ຫລື WFP ໃນປະເທດອີທິໂອເປຍ ກ່າວວ່າ ປະລິມານ ສະບຽງອາຫານສຸກເສີນທີ່ສະສົມ​ໄວ້ ຂອງປະເທດດັ່ງ​ກ່າວ ເກືອບໝົດໄປແລ້ວ ຊຶ່ງຄວາມ
ເດືອດຮ້ອນຄັ້ງລ່າສຸດນີ້ ແມ່ນເປັນຍ້ອນໄພແຫ້ງແລ້ງໃນແຫລມອາຟຣິກາ ຫລື Horn of Africa.

ທ່ານ Abdou Dieng ໄດ້ບອກພວກນັກຂ່າວເມື່ອວັນພະຫັດວານນີ້ວ່າ ເຖິງແມ່ນມີການ
ຊ່ວຍເຫລືອເຂົ້າມາຈາກ​ຕ່າງປະເທດກໍຕາມ ເວລານີ້ ອີທິໂອເປຍແມ່ນປະເຊີນກັບການຂາດ ແຄນສະບຽງອາຫານສຸກເສີນຢ່າງໜັກ ຊຶ່ງທ່ານກ່າວຕື່ມວ່າ ຄັງອາຫານສໍາຮອງທີ່ລັດຖະ ບານຕັ້ງ​ຂຶ້ນ​ນັ້ນ ກໍເກືອບວ່າຈະໝົດສ້ຽງໄປແລ້ວ.

ທ່ານ ດຽງ ກ່າວວ່າ ໂຄງການອາຫານໂລກ ຫລື WFP ກໍາລັງຕິດຕາມເບິ່ງລາຍງານ
ຫລາຍກະແສ ທີ່​ອອກ​ມາຈາກ ເອຣິເຕຣຍ ປະເທດເພື່ອນ ບ້ານຂອງ​ອີ​ທິ​ໂອ​ເປຍນັ້ນ
ທີ່​ສະ​ເໜີ​ແນະວ່າ ມີການຂາດແຄນສະບຽງອາ ຫານຢູ່​ທີ່​ນັ້ນເຊັ່ນກັນ. ລາຍງານຕ່າງໆ
ກ່ຽວກັບເລຶ່ອງນີ້ ແມ່ນຢືນຢັນໄດ້ຍາກ ແລະລັດຖະບານຜະເດັດການຂອງ ເອຣິເຕຣຍ
ກໍໄດ້ປະຕິເສດວ່າ ສະພາວະແຫ້ງແລ້ງບໍ່ໄດ້ກະທົບກະເທືອນສະບຽງອາຫານຂອງຕົນ
ແຕ່ຢ່າງໃດ.

ນອກນີ້ແລ້ວ ໃນວັນພະຫັດວານນີ້ ກໍາມະການສະພາກາແດງສາກົນ ກ່າວວ່າ ຕົນຫວັງວ່າ ຈະສາມາດເພີ່ມງົບປະມານຂອງຕົນສໍາລັບໂຊມາເລຍນັ້ນ ຂຶ້ນເປັນສອງເທົ່າຕົວ ເພື່ອວ່າໂຊມາ ເລຍຈະສາມາດລ້ຽງດູປະຊາຊົນ ຫລາຍກວ່ານຶ່ງລ້ານຄົນຂອງຕົນ ທີ່​ກໍາລັງ​ອຶດຫິວຢູ່ໃນ
ຫລາຍໆເຂດທີ່ຢູ່ໃຕ້​ ການ​ຄວບ​ຄຸມຂອງກຸ່ມຫົວຮຸນແຮງ al- Shabab ນັ້ນ.

ກໍາມະການສະພາກາແດງສາກົນ ຫລື ICRC ກ່າວວ່າ ປະທານ Jakob Kellenberger
ໄດ້ຮອງຂໍເງິນເພີ່ມອີກ 86 ລ້ານໂດລາ ຊຶ່ງທ່ານກ່າວວ່າ ຈະ​ເຮັດ​ໃຫ້ງົບປະມານຂອງສະພາ ກາແດງສໍາລັບໂຊມາເລຍທັງໝົດ ​ເພີ່ມຂຶ້ນເປັນ 155 ລ້ານໂດລາ ແລະ​ເຮັດ​ໃຫ້ເປັນການ
ປະຕິບັດການ ດ້ານມະນຸດສະທໍາ ທີ່ໃຫຍ່ທີ່ສຸດຂອງສະພາກາແດງທີ່ກໍາລັງດໍາເນີນໄປ
ຢູ່ໃນຂະນະນີ້.

ນອກນີ້ແລ້ວ ປະເທດ ນາມີເບຍ ກໍຕ້ອງໄດ້ຮັບການຊ່ວຍເຫລືອພວກເຄາະຮ້າຍເປັນໂຣກ
ຂາດອາຫານກັບເງິນບໍລິຈາກ 500,000 ໂດລາ ແກ່ການບັນເທົານີ້.

ທ່ານ Joel Kapaanda ລັດຖະມົນຕີກະຊວງຖະແຫລງຂ່າວ ບອກວີໂອເອ ພະແນກພາ
ສາອັງກິດ ໄປຍັງອາຟຣິກາວ່າ ການບໍລິຈາກຂອງລັດຖະບານນັ້ນ ເປັນວິທີການຂອງ
ນາມີເບຍ ເພື່ອສະແດງເຖິງຄວາມປຸ້ມລຸມ ສາມະຄີ ແລະຄວາມເຫົນອົກເຫັນໃຈກັນສໍາລັບ ພວກເຄາະຮ້າຍທັງຫລາຍ ທີ່ເປັນໂຣກຂາດອາຫານນັ້ນ.

XS
SM
MD
LG