ລິ້ງ ສຳຫລັບເຂົ້າຫາ

logo-print

ການປະທ້ວງຢູ່ຮົງກົງ ເນ້ນໜັກ ຊ່ອງຫວ່າງ ລະຫວ່າງລຸ້ນຄົນ


Generational Differences in Hong Kong’s Protests
please wait

No media source currently available

0:00 0:02:14 0:00

ເບິ່ງວີດີໂອ ພາສາອັງກິດ ຂອງ Daniel Schearfກ່ຽວກັບລາຍງານນີ້.

ການ​ປະ​ທ້ວງ​ເພື່ອ​ປະຊາທິປະ​ໄຕ ທີ່ນຳພາ​ໂດຍ​ພວກ​ນັກ​ສຶກສາ​
ຢູ່​ໃນ​ຮົງ​ກົງ ​ໄດ້​ເນ້ນ​ໃຫ້​ເຫັນ​ເຖິງ​ຊ່ອງ​ຫວ່າງ ລະຫວ່າງ​ລຸ້ນຄົນ ຄື
​ລຸ້ນພໍ່​ແມ່​ກັບ​ລຸ້ນລູກ ຢູ່​ໃນ​ດິນ​ແດນ​ແຫ່ງ​ນັ້ນ​ຂອງ​ຈີນ ​ໂດຍ​ທີ່​ພວກ
​ພໍ່​ແມ່ ​ໂດຍ​ສ່ວນ​ໃຫຍ່​ແລ້ວ ​ແມ່ນ​ສະໜັບສະໜຸນ​ສະຖຽນ​ລະ​ພາບ
ຫລາຍ​ກ່ວາ​ປະຊາທິປະ​ໄຕ. ​ແຕ່​ວ່າ​ພວກ​ຊາວ​ໜຸ່ມ ທີ່​ນິຍົມ​ອຸດົມ​
ການ​ກັບ​ເວົ້າ​ເກ່ງ​ກ່ວາ​ນັ້ນ ກ່າວ​ວ່າ ​ໃນ​ຂະນະ​ທີ່​ພວກ​ຄົນ​ລຸ້ນ​ສູງ​
ອາຍຸ​ກ່ວາ ມີ​ຄວາມ​ເປັນ​ຫ່ວງ​ກ່ຽວ​ກັບ​ສະຖານະ​ການ​ໃນ​ປັດຈຸບັນ
ພວກ​ເຂົາ​ເຈົ້າແມ່ນ​ພາກັນ​ຕໍ່ສູ້​ເພື່ອ​ອະນາຄົດ​ຂອງ​ໂຮງ​ກົງ. ​ດາຣາ
ມີ​ລາຍ​ງານ​ຂອງ​ພະ​ແນ​ກຮຽນ​ພາສາ​ອັງກິດ​ ມາສະ​ເໜີ​ທ່ານ.

ຟັງລາຍງານພາສາອັງກິດຊ້າໆ:

ນັກສຶກສາແມ່ນເປັນຜູ້ນຳພາ ການປະທ້ວງເພື່ອປະຊາທິປະໄຕ ຢູ່ໃນຮົງກົງນັ້ນ.

ການປະທ້ວງດັ່ງກ່າວໄດ້ສະແດງໃຫ້ເຫັນ ອັນທີ່ພວກສັງເກດການເອີ້ນວ່າ ຊ່ອງຫວ່າງ ລະຫວ່າງ ລຸ້ນຄົນ ກໍຄືຄວາມແຕກຕ່າງຢ່າງໃຫຍ່ຫລວງ ລະຫວ່າງພວກນັກສຶກສາປະ
ທ້ວງ ກັບພໍ່ແມ່ຂອງເຂົາເຈົ້າ. ພວກພໍ່ແມ່ຫລາຍໆຄົນ ແມ່ນຈະພາກັນສະແດງຄວາມ
ສະໜັບສະໜຸນ ສຳຫລັບ ສະຖຽນລະພາບ ຫລືວ່າ ຄວາມສະຫງົບ ຫລາຍກ່ວາປະຊາ
ທິປະໄຕ. ແຕ່ວ່າ ໃນຂະນະທີ່ພວກຄົນລຸ້ນແກ່ກ່ວາ ມີຄວາມເປັນຫ່ວງນຳສະພາບການ
ໃນປັດຈຸບັນ ພວກປະທ້ວງພາກັນກ່າວວ່າ ເຂົາເຈົ້າກຳລັງຕໍ່ສູ້ເພື່ອອະນາຄົດຂອງຮົງກົງ.

ພວກປະທ້ວງສ່ວນໃຫຍ່ ແມ່ນນັກສຶກສາທີ່ພາກັນ ຂໍ້ວາບາດ ຫ້ອງຮຽນ ໝາຍຄວາມວ່າ ບໍ່ໄປຮຽນໜັງສື. ເຂົາເຈົ້າຄັດຄ້ານຕໍ່ການຕັດສິນໃຈຂອງຈີນ ທີ່ຈະຄັດເລືອກເອົາຜູ້ທີ່ຈະ ສະມັກເຂົ້າແຂ່ງຂັນ ໃນການເລືອກຕັ້ງເອົາຄະນະນຳພາ ໂດຍກົງເທື່ອທຳອິດຂອງຮົງກົງ ຊຶ່ງກຳໜົດໃສ່ ປີ 2017.

ມີພວກທີ່ອາຍຸແກ່ກ່ວາ ຈຳນວນບໍ່ເທົ່າໃດຄົນ ເຂົ້າຮ່ວມໃນການປະທ້ວງທີ່ດຳເນີນມາໄດ້ ຫລາຍອາທິດແລ້ວ ຢູ່ໃນໃຈກາງຂອງດິນແດນແຫ່ງນັ້ນຂອງຈີນ ແຕ່ພວກຜູ້ນຳການປະ ທ້ວງແມ່ນເປັນຊາວໜຸ່ມ.

ນາງ Clara Thang ແມ່ນຜູ້ນຶ່ງໃນພວກປະທ້ວງ. ນາງເວົ້າວ່າ ພວກນັກສຶກສາບໍ່ສາມາດ ເວົ້າເລື້ອງຂະບວນການປະທ້ວງ ກັບພໍ່ແມ່ໄດ້ ເພາະວ່າພວກພໍ່ແມ່ບໍ່ສະໜັບສະໜຸນການ ເຂົ້າໄປພົວພັນ ນຳການປະທ້ວງຂອງພວກເຂົາເຈົ້າ.

ນາງ Clara Thang ເວົ້າວ່າ “ສະນັ້ນ ສິ່ງທີ່ພວກເຮົາຕ້ອງການ ກໍຄືວ່າ ພວກເຮົາ
ຕ້ອງມີ ການສື່ສານກັນ ຕ້ອງມີການໂອ້ລົມກັນລະຫວ່າງຜູ້ຄົນ ລະຫວ່າງຄວາມຄິດ
ເຫັນ ລະຫວ່າງ ຄ້າຍຫລືຝ່າຍຕ່າງໆ. ແຕ່ວ່າ ຖ້າຫາກພວກເຂົາເຈົ້າບໍ່ລົມກັນແທ້ໆ ຄືກັນກັບລັກຖະບານ ກັບພວກຜູ້ແທນນັກສຶກສານັ້ນ ຖ້າຫາກລັດຖະບານບໍ່ເຕັມ
ໃຈ ທີ່ຈະເຈລະຈາ ຄືກັນກັບທີ່ ພໍ່ຂອງຂ້ອຍບໍ່ເຕັມໃຈທີ່ຈະລົມກັບຂ້ອຍ ແລະພວກ
ເຂົາເຈົ້າມີແຕ່ພະຍາຍາມຈະກົດດັນ ໃຫ້ພວກເຮົາຮັບເອົາທຸກສິ່ງທຸກຢ່າງ ຮັບເອົາ
ຄວາມເຊື່ອຖືຂອງພວກເຂົາເຈົ້າແລ້ວ ມັນຈະມີການສື່ສານກັນຢ່າງແທ້ຈິງກັນໄດ້
ແນວໃດ? ມັນເປັນໄປບໍ່ໄດ້ແທ້ໆ.”

ມື້ນຶ່ງເມື່ອໄວໆມານີ້ ພວກນັກສຶກສາປະທ້ວງໄດ້ປະເຊີນໜ້າ ກັບແມ່ຍິງໄວກາງຄົນຜູ້ນຶ່ງ
ທີ່ໄດ້ເອົາປ້າຍປະທ້ວງຂອງພວກເຂົາເຈົ້າອອກໄປ. ແມ່ຍິງຄົນນັ້ນບໍ່ຍອມບອກຊື່ຂອງ
ນາງ ແຕ່ກໍເຕັມໃຈທີ່ຈະບອກນັກຂ່າວວີໂອເອວ່າ ເປັນຫຍັງນາງຈຶ່ງເອົາປ້າຍໜີ.

ລາວເວົ້າວ່າ “ຂ້ອຍບໍ່ມັກມັນ ເທົ່ານັ້ນແຫລະ. ບໍ່ມີປະຊາປະໄຕຢູ່ໜີ້ແລ້ວ. ພວກເຂົານັກສຶກສາ ແມ່ນເປັນນາຍ ເວລານີ້.”

ແຕ່ກໍມີຊົນຊັ້ນກຳມາຊີບອາຍຸສູງບາງຄົນ ສະໜັບສະໜຸນພວກປະທ້ວງ ແລະຄຳຮຽກຮ້ອງ ຂອງເຂົາເຈົ້າ ໃຫ້ປະຕິຮູບ ລັດຖະທຳມະນູນ ຂອງດິນແດນ. ນອກນັ້ນ ພວກເຂົາເຈົ້າຍັງ ຢາກໃຫ້ຜູ້ນຳຮົງກົງ ທີ່ໄດ້ຮັບການສະໜັບສະໜຸນຈາກຈີນນັ້ນ ລາອອກ.

ຊາຍຄົນນຶ່ງພາລູກສາວຂອງລາວ ມຮປະກອບສ່ວນໃນການປະທ້ວງ.

ລາວເວົ້າວ່າ “ມັນຄືກັນກັບເປັນການສຶກສາ ເລື້ອງໜ້າທີ່ພົນລະເມືອງຫັ້ນແຫລະ ເພື່ອໃຫ້ເຂົາເຈົ້າຮູ້ຈັກວ່າ ບາງທີໃນຢຸກຂອງຄົນລຸ້ນພວກເຮົານີ້ ເຮົາອາດບໍ່
ສາມາດຕໍ່ສູ້ເພື່ອປະຊາທິປະໄຕໄດ້ ແຕ່ວ່າພວກເຂົາເຈົ້ານັ້ນຍັງມີຄວາມຫວັງ.”

ພວກ​ອາສາ​ສະມັກ​ໄດ້ພາກັນ​ປຸກ​ຫ້ອງ​ຮຽນ​ຊົ່ວຄາວ ​ໃຫ້​ພວກ​ນັກ​ສຶກສາ​ປະ​ທ້ວງ ຊຶ່ງ​ບາງ
ຄົນ​ແມ່ນ​ໄດ້​ນອນ​ຢູ່​ໃນ​ຕູບ​ຜ້າໃບ ຢູ່​ບ່ອນ​ປະ​ທ້ວງ​ມາ​ເປັນ​ເວລາ​ຫລາຍ​ມື້​ແລ້ວ. ພວກ​ເຂົາ
ເຈົ້າ​ຈະ​ມີ​ການ​ສອບ​ເສ​ງ​ໃນ​ບໍ່​ຊ້າ​ນີ້ ​ແລະ​ບັນດາ​ພໍ່​ແມ່​ມີ​ຄວາມ​ເປັນ​ຫ່ວງ​ວ່າ ຜົນ​ການ​ສອບ
​ເສ​ງທີ່​ອອກ​ມາ​ບໍ່​ດີ​ນັ້ນ ຈະ​ສົ່ງ​ຜົນ​ກະທົບ​ຕໍ່​ອະນາຄົດ​ຂອງ​ເຂົາ​ເຈົ້າ.

ພວກປະທ້ວງເວົ້າວ່າ ເສລີພາບຕ່າງໆຂອງຮົງກົງ ກຳລັງຖືກຂົ່ມຂູ່ ແລະວ່າເຂົາເຈົ້າເຕັມໃຈ
ທີ່ຈະຕໍ່ສູ້ ເພື່ອຮັກສາອິດສະລະເສລີພາບເຫລົ່ານັ້ນ ເອົາໄວ້.

ວີດີໂອ: ພວກນັກສຶກສາປະທ້ວງ ພະຍາຍາມຮຽນໜັງສື ໄປພ້ອມ:

____________________________________

ຄຳສັບທີ່ຄວນຮູ້ ໃນລາຍງານເລື້ອງນີ້:

generation – ລຸ້ນຄົນ ກໍຄື ລຸ້ນພໍ່ແມ່ ລຸ້ນລູກ ລຸ້ນຫລານ

stability – ສະຖຽນລະພາບ ຫລືຄວາມດຸ່ນດ່ຽງ ທຸ່ນທ່ຽງ

boycott – ການຂໍ້ວາບາດ ຫລື ບໍ່ຍອມເຂົ້າຮ່ວມ ບໍ່ຍອມເຮັດ

constitution – ລັດຖະທຳມະນູນ ກໍຄື ກົດໝາຍແລະແນວຄິດຕ່າງໆ ທີ່ປະກອບເປັນ ລະບົບການປົກຄອງຂອງປະເທດ

ລຽງລຳດັບເຫດການ ກ່ຽວກັບຮົງກົງ:

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG