ລິ້ງ ສຳຫລັບເຂົ້າຫາ

ວັນອັງຄານ, ໒໑ ພຶດສະພາ ໒໐໒໔

ແກນນຳພວກປະທ້ວງ ຢູ່ຮົງກົງ ຍົກເລີກ ການ​ລົງປະຊາມະຕິ


ຕູບຜ້າໃບ ຖືກຕັ້ງຂຶ້ນ ຢ່າງຫລວງຫຼາຍ ໂດຍພວກປະທ້ວງ ເພື່ອປະຊາທິປະໄຕ ຢູ່ໃນບໍລິເວນທີ່ເຂົາເຈົ້າເຂົ້າຄອບຄອງ ນອກ ສຳນັກງານໃຫຍ່ ຂອງລັດຖະບານຮົງກົງ ໃນຄຸ້ມ Admiralty ຂອງຮົງກົງ, ວັນທີ 26 ຕຸລາ 2014.
ຕູບຜ້າໃບ ຖືກຕັ້ງຂຶ້ນ ຢ່າງຫລວງຫຼາຍ ໂດຍພວກປະທ້ວງ ເພື່ອປະຊາທິປະໄຕ ຢູ່ໃນບໍລິເວນທີ່ເຂົາເຈົ້າເຂົ້າຄອບຄອງ ນອກ ສຳນັກງານໃຫຍ່ ຂອງລັດຖະບານຮົງກົງ ໃນຄຸ້ມ Admiralty ຂອງຮົງກົງ, ວັນທີ 26 ຕຸລາ 2014.

ພວກ​ຈັດ​ແຈງ​ການ​ປະ​ທ້ວງ​ເພື່ອ​ປະຊາທິປະ​ໄຕ​ຂອງ​ຮົງ​ກົງ ​ໄດ້
​ຍົກ​ເລີກ​ການ​ອອກສຽງ​ກ່ຽວ​ກັບວ່າ ຄວນ​ຈະເອົາບາດກ້າວ​ແນວ​
ໃດ​ຕໍ່​ໄປ ​ໃນການ​ເຂົ້າຄອບ​ຄອງ​ຖະໜົນ ເປັນ​ເວລາ​ໜຶ່ງ​ເດືອນ
​ຂອງ​ເຂົາ​ເຈົ້ານັ້ນ. ​ແຜນການ​ອອກສຽງ ໄດ້ຖືກ​ຍົກ​ເລີກ​ພຽງບໍ່
​ເທົ່າ​ໃດ​ຊົ່ວ​ໂມງ​ ກ່ອນກຳນົດ​ ຈະ​ເລີ້ມ​ຂຶ້ນ.

ຫຼັງຈາກ​ການ​ເຈລະຈາ​ກັນ ອັນ​ເປັນ​ຂີດ​ໝາຍຄວາມ​ກ້າວໜ້າ​ທີ່​ໄດ້
​ມີ​ຂຶ້ນ​ໃນ​ວັນ​ອັງຄານ​ຜ່ານ​ມາ ​ບັນດາເຈົ້າໜ້າ​ທີ່​ຮົງກົງ ​ໄດ້​ສະ​ເໜີ​
ຈະ​ສົ່ງ​ສານ​ ​ໄປ​ຍັງ​ຄະນະ​ລັດຖະບານ​ຈີນ ເພື່ອ​ຖ່າຍ​ທອດ​ຄວາມບໍ່
ພໍ​ໃຈຂອງ​ພວກ​ປະ​ທ້ວງ ນຳ​ການ​ຕັດສິນ​ໃຈ​ຂອງ​ປັກ​ກິ່ງ ​ທີ່ວ່າ ​ຜູ້​ສະມັກ​ເປັນຫົວໜ້າ​ບໍລິຫານຮົງ​ກົງ ສຳ​ຫລັບການ​ເລືອກ​ຕັ້ງ​ໃນປີ 2017 ຈະ​ຕ້ອງ​ໄດ້​ຮັບ​ການ​ຮັບຮອງ​ເອົາ​ລ່ວງ​ໜ້າ​ ຈາກ​ປັກ​ກິ່ງ​ເສຍ​ກ່ອນນັ້ນ.

ລັດຖະບານ​ຍັງໄດ້ສະ​ເໜີ ທີ່​ຈະເຈລະຈາ​ກັບ​ພວກ​ປະ​ທ້ວງເປັນ​ປະຈຳ ກ່ຽວ​ກັບ​ການ​ປະຕິ​ຮູບ ໃຫ້​ເປັນ​ປະຊາທິປະ​ໄຕ ​ແຕ່ມີເງື່ອນໄຂວ່າ​ພວກ​ເຂົາ​ເຈົ້າ ​ຕ້ອງ​ຢຸດຕິ​ການ​ປະ​ທ້ວງ ​ທີ່ໄດ້
ຕັນການ​ສັນຈອນອັນ​ໜາ​ແໜ້ນ​ ຕາມ​ຖະໜົນ​ຫົນທາງຫລາຍສາຍ​ນັ້ນ.

​ແກນນຳພວກ​ປະ​ທ້ວງ ​ໄດ້ປະຕິ​ເສດ​ຂໍ້​ສະ​ເໜີເຫລົ່າ​ນັ້ນ ວ່າບໍ່ເປັນ​ການ ພຽງພໍ ​ແຕ່​ຜູ້​ອືນໆ​ກ່າວ​ວ່າ ການລົງ​ປະຊາ​ມະຕິ ​ແມ່ນ​ມີ​ຄວາມ​ສຳຄັນ ​ທີ່​ຈະ​ໄດ້​ຮັບ​ການ​ເຫັນ​ດີ​ເຫັນ​ພ້ອມຫລາຍຂຶ້ນ ຈາກ​ພົນລະ​ເມືອງ.

ບໍ່ເປັນ​ທີ່ຈະແຈ້ງວ່າ ຈະ​ມີ​ການວາງກຳນົດ ສຳ​ຫລັບການ​ອອກສຽງຄັ້ງ​ໃໝ່ ເມື່ອ​ໃດ.

ວີດີໂອ: ພວກປະທ້ວງຍັງສືບຕໍ່ ຄອບຄອງເຂດ Mong Kok

Hong Kong Protesters Focused on Holding Ground in Volatile Mong Kok
please wait

No media source currently available

0:00 0:02:33 0:00

ລຳດັບເຫດການ ກ່ຽວກັບຮົງກົງ:

XS
SM
MD
LG