ພວກຜູ້ນຳນັກສຶກສາທີ່ພວມປະທ້ວງຢູ່ຮົງກົງ ກຳລັງພິຈາລະນາ
ທີ່ຈະໄປຮ່ວມກອງປະຊຸມພວກຜູ້ນຳຂົງເຂດທີ່ນະຄອນຫຼວງປັກ
ກິ່ງໃນເດືອນໜ້າ ເພື່ອໃຫ້ການອະທິບາຍກ່ຽວກັບການປະທ້ວງ
ແບບປະຊາທິປະໄຕ ຢູ່ຮົງກົງ ຊຶ່ງເປັນເຂດເຄິ່ງປົກຄອງຕົນເອງ
ຂອງຈີນນັ້ນ.
ທ່ານ Alex Chow ຈາກສະຫະພັນນັກສຶກສາ ກ່າວໃນລະຫວ່າງ
ການໂຮມຊຸມນຸມໃນຕອນແລງວັນພະຫັດວານນີ້ວ່າພວກຈັດການ
ໂຮມຊຸມນຸມປະທ້ວງພວມຫາລືກັນ ເພື່ອຫາທາງໄປຮ່ວມກອງປະ
ຊຸມເອເພັກ ຊຶ່ງຈະເລີ້ມຂຶ້ນທີ່ນະຄອນຫຼວງປັກກິ່ງ ໃນວັນທີ 5 ພະ
ຈິກ.
ກອງປະຊຸມຊຶ່ງຈະດຳເນີນໄປຈົນຮອດວັນທີ 12 ພະຈິກດັ່ງກ່າວນີ້ ແມ່ນຈະເຂົ້າຮ່ວມໂດຍ ພວກຜູ້ນຳຂອງໂລກ ຮວມທັງ ປະທານາທິບໍດີສະຫະລັດ ທ່ານບາຣັກ ໂອບາມາ ແລະປະ ທານປະເທດຈີນ ທ່ານສີ ຈິ້ນຜິງ.
ພວກປະທ້ວງ ຢູ່ຮົງກົງ ສະຫຼອງ ຄົບຮອບ ນຶ່ງເດືອນ
ຍັງບໍ່ທັນເປັນທີ່ຈະແຈ້ງເທື່ອວ່າພວກຜູ້ນຳນັກສຶກສາປະທ້ວງຈະໄດ້ຮັບອະນຸຍາດໃຫ້ເດີນ ທາງເຂົ້າໄປຈີນແຜ່ນດິນໃຫຍ່ຫລືບໍ່ ແຕ່ທ່ານ Chow ເວົ້າວ່າ ຖ້າພວກເຂົາເຈົ້າຫາກບໍ່ໄດ້ ຮັບອະນຸຍາດ ມັນຈະເປັນຂໍ້ພິສູດ ທີ່ສະແດງໃຫ້ເຫັນວ່າ ປັກກິ່ງ ບໍ່ໄດ້ເອົາຫົວຊາກ່ຽວກັບ ຄວາມຄິດຄວາມເຫັນຂອງຊາວຮົງກົງເລີຍ
ໃນຮອບເດືອນແລ້ວນີ້ ພວກປະທ້ວງໄດ້ພາກັນຕັ້ງຄ້າຍ ຢູ່ຕາມຖະໜົນຫົນທາງ ແລະຈັດ ຮມຊຸມນຸມຂະໜາດໃຫຍ່ເປັນລຳດັບມາ ເພື່ອປະທ້ວງຕໍ່ການຕັດສິນໃຈຂອງປັກກິ່ງ ທີ່ຈະ ຄັດເລືອກເອົາຜູ້ສະໝັກໃນການເລືອກຕັ້ງເຂົ້າແຂ່ງຂັນເອົາຕຳແໜ່ງ ຫົວໜ້າບໍລິຫານຮົງ ກົງ ໃນປີ 2017.
ປັກກິ່ງ ພ້ອມກັບລັດຖະບານຮົງກົງ ທີ່ເປັນມິດ ກັບຈີນແຜ່ນດິນໃຫຍ່ນັ້ນ ໄດ້ປະກາດວ່າ ການປະທ້ວງເຫຼົ່ານີ້ ແມ່ນຜິດກົດໝາຍ ແລະປະຕິເສດ ທີ່ຈະປະຕິບັດຕາມຄຳຮຽກຮ້ອງ ຂອງພວກປະທ້ວງ.
