ເຈົ້າໜ້າທີ່ຮົງກົງ ໄດ້ເລີ້ມມ້ຽນມັດປັດກວາດບາງສ່ວນຂອງສະຖານ
ທີ່ ທີ່ຄວບຄຸມໂດຍພວກປະທ້ວງ ນັບຕັ້ງແຕ່ເດືອນກັນຍາແລ້ວນີ້
ເປັນຕົ້ນມາ.
ເຈົ້າໜ້າທີ່ສານ ໃນວັນອັງຄານມື້ນີ້ ໄດ້ມ້າງເຄື່ອງກີດຂວາງທີ່ຕັ້ງ
ຢູ່ຕາມຖະໜົນ ຫົນທາງໃນຄຸ້ມ Admiralty ທີ່ຕັ້ງໃກ້ໆກັບສຳນັກ
ງານໃຫຍ່ຂອງລັດຖະບານໃນ ຍ່ານສູນກາງທຸລະກິດ.
ພວກປະທ້ວງບໍ່ໄດ້ທຳການຕ້ານຢັນໃດໆ. ບາງກຸ່ມໄດ້ຍົກຍ້າຍ
ຕູບຜ້າຕັງແລະສຳພາລະເຄື່ອງຂອງ ຂອງພວກເຂົາເຈົ້າ ອອກໄປ
ຍັງອີກເຂດນຶ່ງທີ່ຢູ່ໃກ້ໆນັ້ນ ຊຶ່ງທາງຕຳຫຼວດໄດ້ປ່ອຍໄວ້ ແບບທີ່
ບໍ່ມີການລົບກວນເທື່ອ.
ຫົວໜ້ານັກສຶກສາທີ່ປະທ້ວງ ທ້າວ Josh Wong ກ່າວວ່າ ພວກປະທ້ວງທັງ ຫຼາຍແມ່ນໄດ້ຖືກບອກກ່າວວ່າ ບໍ່ໃຫ້ປະທະກັບຕຳຫຼວດ.
ທ້າວ Josh ກ່າວວ່າ: ຖ້າຫາກວ່າ ພວກເຂົາເຈົ້າຕ້ອງການທີ່ຈະມ້າງສິ່ງກີດຂວາງອອກໄປຈາກຂ້າງນອກລານຈອດລົດ Citic Tower, ພວກເຮົາກໍຈະຍອມຮັບ. ຄວາມຈິງແລ້ວ
ມັນກໍບໍ່ໄດ້ກະທົບໂດຍກົງຕໍ່ການເຂົ້າຍຶດຄອງຂອງພວກເຮົາ. ຍິ່ງໄປກວ່ານັ້ນ ມັນຍັງຄົງ
ຢືນຢູ່ບົນຫລັກການ ໃນປະທ້ວງແບບສັນຕິແລະບໍ່ຮຸນແຮງ. ແຕ່ເຖິງຢ່າງນັ້ນກໍເທາະ,
ຖ້າຫາກວ່າຕໍາຫຼວດພະຍາຍາມມ້າງສິ່ງກີດຂວາງອອກໄປຈາກຖະໜົນ ທີ່ບໍ່ຢູ່ໃກ້ໆກັບສະຖານທີ່ດັ່ງກ່າວແລ້ວ ແລະຖ້າຫາກວ່າຕໍາຫຼວດພະຍາຍາມມ້າງສິ່ງກີດຂວາງອອກໄປຈາກຖະໜົນທີ່ບໍ່ຢູ່ໃກ້ກັບບ່ອນຈອດ Citic Tower ແລ້ວ ມັນຈະເປັນຄວາມຜິດຫວັງແທ້ໆ.”
ໃນອາທິດແລ້ວນີ້ ສານຮົງກົງ ໄດ້ສັ່ງພວກປະທ້ວງໃຫ້ສະລາຍຕົວອອກຈາກພື້ນທີ່ດັ່ງກ່າວ
ແລະໃນເຂດ Mong Kok ເຊັ່ນກັນ ຊຶ່ງຢູ່ອີກຟາກນຶ່ງຂອງອ່າວກົງ ກັນຂ້າມກັບຄຸ້ມ Admiralty.
ນຶ່ງໃນພວກປະທ້ວງ ຢູ່ເຂດ Momg Kok ທີ່ບອກແຕ່ພຽງວ່າ ລາວຊຶ່ງ Mei ນັ້ນ ໄດ້ກ່າວວ່າ
ພວກປະທ້ວງຢູ່ທີ່ນັ້ນ ແມ່ນຍັງຈະສືບຕໍ່ທຳການປະທ້ວງ ຢ່າງສັນຕິ ບໍ່ຮຸນແຮງ ໄປຈົນເຖິງທີ່ສຸດ.
ພວກປະທ້ວງໄດ້ຮຽກຮ້ອງໃຫ້ການມີເລືອກຕັ້ງແບບປະຊາທິປະໄຕຢ່າງເຕັມທີ່ໃນ ປີ 2017. ພວກເຂົາເຈົ້າໄດ້ພາກັນລົງສູ່ຖະໜົນຫົນທາງຫລັງຈາກຈີນຕັດສິນໃນ ເດືອນສິງຫາຜ່ານ
ມາວ່າ ບັນດາຜູ້ສະໝັກທັງໝົດເພື່ອເຂົ້າແຂ່ງຂັນເອົາຕຳແໜ່ງ ຫົວໜ້າບໍລິຫານຮົງກົງນັ້ນ ກ່ອນອື່ນໝົດ ຈະຕ້ອງໄດ້ຮັບການອະນຸມັດຈາກຄະ ນະກຳມະການ ທີ່ເຕັມໄປດ້ວຍພວກ
ຈົງຮັກພັກດີຕໍ່ປັກກິ່ງ.
