ຕຳຫລວດຮົງກົງ ໄດ້ໃຊ້ເລື່ອຍຈັກ ແລະຄ້ອນຕີໃຫຍ່ ໃນວັນ
ອັງຄານມື້ນີ້ ເພື່ອທັບມ້າງແລະຍົກຍ້າຍເຄຶ່ອງກີດຂວາງ ອອກ
ຈາກຖະໜົນສາຍສຳຄັນ ຢູ່ໃນເຂດທຸລະກິດການຄ້າ ບ່ອນທີ່
ພວກປະທ້ວງພາກັນຕັ້ງຄ້າຍມາເປັນເວລາກວ່າສອງອາທິດ
ເພື່ອຮຽກຮ້ອງໃຫ້ ລັດຖະບານປະຕິຮູບການເມືອງ.
ຕຳຫລວດຫລາຍຮ້ອຍຄົນ ຈຳນວນນຶ່ງນຸ່ງເຄຶ່ອງປາບຈາລະຈົນ
ໄດ້ພາກັນດືງປ້າຍພວກສະໜັບສະໜູນປະຊາທິປະໄຕລົງ ມ້າງ
ຜາມ ແລະຕູບທີ່ເຂົາເຈົ້າໄດ້ປຸກຂຶ້ນເພື່ອາໄສຢູ່ຊົ່ວຄາວ ຢູ່ຕາມ
ຖະໜົນ Queensway ໃນເຂດ Admiralty ຢູ່ໃຈກາງເມືອງຮົງກົງ.
ຕຳຫລວດມ້າງ ເຄື່ອງກິດກັ້ນຖະໜົນ ໃນຮົງກົງ
ຝູງຊົນປະທ້ວງ ຈຳນວນນຶ່ງພາກັນຮ້ອງໄຫ້ ແລກປ່ຽນການໂຕ້ຖຽງກັນກັບຕຳ ຫລວດ ແຕ່
ກໍບໍ່ໄດ້ພະຍາຍາມຢຸດການປະຕິບັດງານຂອງເຂົາເຈົ້າ ຊຶ່ງເປັນມື້ທີ່ສອງທີ່ຕຳຫລວດໄດ້
ພະຍາຍາມ ກວດລ້າງບ່ອນປະທ້ວງ ທີ່ພວກເຈົ້າໜ້າທີ່ຖືວ່າຜິດກົດໝາຍ.
ຕົກມາເຖິງຕອນທ່ຽງຂອງວັນອັງຄານ ຖະໜົນ QueeືnSway ຢ່າງໜ້ອຍໄດ້ເປີດສ່ວນນຶ່ງແລະມີການຈາລະຈອນ ເປັນຄັ້ງທຳອິດໃນສອງອາທິດ ໃນຂະນະທີ່ຕຳຫລວດຢືນລຽນ
ແຖວຍາມ ເພື່ອປ້ອງກັນບໍ່ໃຫ້ພວກປະທ້ວງ ກັບຄືນໄປຢູ່ໃນເຂດດັ່ງກ່າວນັ້ນອີກ.
