ລິ້ງ ສຳຫລັບເຂົ້າຫາ

ວັນພຸດ, 17 ສິງຫາ 2022

ພວກປະທ້ວງ ເພື່ອປະຊາທິປະໄຕ 12 ຄົນ ຖືກຕຳຫລວດຮົງກົງ ຈັບກຸມໄວ້


ພວກເຈົ້າໜ້າທີ່ຕຳຫລວດ ພະຍາຍາມ ຈະຢຸດຢັ້ງ ພວກປະທ້ວງຕໍ່ຕ້ານປັກກິ່ງ ທີ່ແກວ່ງລູກປຸມເປົ້າທີ່ມີຮູບພາບ ຂອງນັກເຄື່ອນໄຫວເພື່ອສິດທິມະນຸດ ທ່ານ Liu Xiaoboຜູ້ທີ່ຖືກທາງການຈີນຈັບຂັງຄຸກ ໃນລະຫວ່າງ ການເຕົ້າໂຮມ ຊຸມນຸມປະທ້ວງ ນອກຫ້ອງການ ປະສານງານຂອງຈີນ ໃນຮົງກົງ ເມື່ອວັນພະຫັດ ທີ 25 ທັນວາ 2014.

ເຈົ້າໜ້າ​ທີ່ຕຳຫລວດຮົງ​ກົງ ​ໄດ້​ຈັບ​ກຸມ ພວກ​ປະ​ທ້ວງ​ຈຳນວນ
12 ຄົນ ​ໃນ​ຂະນະ​ທີ່​ການ​ເດີນ​ຂະ​ບວນປະ​ທ້ວງ ​ເພື່ອ​ປະຊາ
ທິປະໄຕ ​ໄດ້​ກັບ​ຄືນ​ມາ​ອີກ ​ໃນ​ບໍລິ​ເວນຄຸ້ມ Mong Kok ທີ່
ເຄີຍຖືກ​ຍຶດຄອງ​ມາ​ແລ້ວ​ ຫຼາຍ ກວ່າ​ສອງ​ເດືອນ​ນັ້ນ.

ຕຳຫລວດກ່າວ​ໃນ​ວັນ​ພະຫັດ​ມື້​ນີ້ ວ່າ ພວກ​ເຂົາ​ເຈົ້າ ​ໄດ້​ໃຊ້​
ສະ​ເປໝາກເພັດ ​ແລະ ​ໄມ້ຄ້ອນ ​ໃນ​ການ​ປະກັນ​ຂ້າມ​ຄືນ ​
ແລະ​ໄດ້​ຈັບ​ກຸມ ​ພວກ​ເດີນ​ຂະ​ບວນປະ​ທ້ວງຈຳນວນ​ໜຶ່ງ ​ໃນ​
ຂໍ້​ກ່າວຫາຕ່າງໆ ທີ່ມີທັງຈາກການ​ທຳຮ້າຍ​ຮ່າງກາຍ ​ເຈົ້າໜ້າ​ທີ່
​ຕຳຫລວດ ຫາ ການ​ທີ່​ບໍ່​ມີ​ບັດປະຈຳ​ໂຕ​ມາຢັ້ງຢື້​ນຕົນ​ເອງ.

​ມັນ​ເປັນຄັ້ງທຳ​ອິດ​ທີ່​ມີ​ການ​ເຕົ້າ​ໂຮ​ມຊຸມນຸມ​ກັນ​ທີ່​ໃຫຍ່​ພໍ​ສົມຄວນ ນັບ​ຕັ້ງ​ແຕ່ ຄ້າຍ​ປະທ້ວງ ​ໄດ້​ຖືກ​ຍົກຍ້າຍ​ອອກ​ໄປ​ເທື່ອ​ສຸດ​ທ້າຍ ​ເມື່ອ​ວັນ​ທີ 15 ທັນວາ​ນັ້ນ.

ຢູ່​ຈຸດ​ສຸດ​ຍອດ​ຂອງ​ການ​ປະ​ທ້ວງ ທີ່​ເອີ້ນ​ກັນ​ວ່າ ​ຂະບວນການ​ເຄື່ອນ​ໄຫວ​ປະ​ທ້ວງເພື່ອ
ເຂົ້າຍຶດຄອງ ​ໄດ້​ດຶງ​ດູດ​ເອົາ​ພວກເດີນ​ຂະ​ບວນປະ​ທ້ວງຫຼາຍ ພັນ​ຄົນ ຊຶ່ງ​ກາຍ​ເປັນຄວາມ​
ທ້າ​ທາຍ ​ຕໍ່ ການ​ປົກຄອງ​ ຂອງ​ປັກ​ກິ່ງ ​ໃນ​ຮົງ​ກົງ​ທີ່​ບໍ່​ເຄີຍ​ມີ​ມາກ່ອນ.

ພວກ​ປະ​ທ້ວງ​ຢາກ​ໃຫ້​ປັກ​ກິ່ງ ອະນຸຍາດ​ໃຫ້​ມີ​ການ​ເລືອກ​ຕັ້ງ ​ເອົາ​ຜູ້ນຳ​ຮົງ​ກົງ ​ຢ່າງ​ເປັນ​
ປະຊາທິປະ​ໄຕທີ່​ຄົບ​ຖ້ວນ​ ໃນ​ປີ 2017. ຈີນ ​ໄດ້​ກ່າວ​ວ່າ ບັນດາ​ຜູ້​ສະມັກ​ເປັນ​ຜູ້​ບໍລິຫານ
​ຮົງ​ກົງ​ນັ້ນ ຕ້ອງ​ໄດ້​ຜ່ານຂະ​ບວນ​ການກວດ​ສອບ​ເສຍ​ກ່ອນ.

ຮົງ​ກົງ​ເຄີຍ​ເປັນ​ອານາ​ນິຄົມ​ຂອງ​ອັງກິດ​ໃນ​ເມື່ອ​ກ່ອນ ​ໄດ້​ຖືກ​ສົ່ງ​ຄືນ​ໃຫ້​ຈີນ ​ໃນ​ປີ 1997.
ໃນຖານະທີ່ເປັນເຂດເຄິ່ງປົກຄອງຕົນເອງ​ຂອງ​ຈີນ ນັ້ນ ​ພົນລະ​ເມືອງ​ຂອງ​ຮົງ​ກົງ ຍັງ​ຄົງ​ມີ​
ສິດເສລີພາບຫຼາຍໆ​ຢ່າງ ທີ່​ບໍ່​ອະນຸຍາດ​ໃຫ້​ ຢູ່​ຈີນ​ແຜ່ນ​ດິນ​ໃຫຍ່.

ທ່ານອາດຈະມັກເລື້ອງນີ້ຄືກັນ

XS
SM
MD
LG