ພວກປະທ້ວງຢູ່ຮົງກົງ ພາກັນສະຫລອງຄົບຮອບນຶ່ງເດືອນ
ໃນການໂຮມຊຸມນຸມ ປະທ້ວງເພື່ອປະຊາທິປະໄຕ ພາຍໃຕ້
ການນຳພາຂອງນັກສຶກສາ.
ຂີດໝາຍຄົບຮອບໃນວັນອັງຄານມື້ນີ້ ມີຂື້ນທ່າມກາງສະ
ພາບການບໍ່ໄປບໍ່ມາລະຫວ່າງພວກປະທ້ວງ ແລະບັນດາ
ເຈົ້າໜ້າທີ່ຮົງກົງ ຊຶ່ງເປັນເຂດເຄິ່ງປົກຄອງຕົນເອງຂອງ
ຈີນນັ້ນ.
ພວກປະທ້ວງຕ້ອງການຢາກໃຫ້ປັກກິ່ງ ຍົກເລີກການຕັດສິນ
ໃຈຂອງຕົນ ທີ່ຈະ ຄັດເລືອກເອົາບັນດາຜູ້ສະມັກເລືອກຕັ້ງ
ຂອງຮົງກົງ ໃນປີ 2017 ເພື່ອເຂົ້າເປັນຫົວໜ້າບໍລິຫານ.
ແທນທີ່ຈະດຳເນີນການດັ່ງກ່າວ ພວກເຈົ້າໜ້າທີ່ໄດ້ປະຕິເສດ ໂດຍປະກາດວ່າ ການໂຮມ
ຊຸມນຸມປະທ້ວງນັ້ນຜິດກົດໝາຍ ແລະປາບປາມພວກປະທ້ວງຫລາຍເທື່ອ.
ພວກປະທ້ວງ ຢູ່ຮົງກົງ ສະຫຼອງ ຄົບຮອບ ນຶ່ງເດືອນ
ທ້າວ George Wong ຜູ້ປະທ້ວງຄົນນຶ່ງ ໄດ້ປຸກຕູບຢູ່ໃນເຂດ Admiralty ຂອງຮົງກົງໃນ
ວັນອັງຄານມື້ນີ້ ກ່າວວ່າ ລາວຕຽມພ້ອມແລ້ວ ທີ່ຈະ “ຕໍ່ສູ້ໃນລະຍະຍາວ.”
ທ້າວ George Wong ກ່າວວ່າ :
“ທີ່ຈິງແລ້ວມັນເປັນການຕໍ່ສູ້ອັນຍາວນານແທນທີ່ຈະແມ່ນລະຍະສັ້ນ. ແລະຂ້ອຍມີຄວາມ
ຮູ້ສຶກວ່າ ຂ້ອຍບໍ່ຄິດວ່າໃນຖານະທີ່ເປັນກຸ່ມກ້ອນແລ້ວພວກເຮົາຈະບໍ່ຍິນຍອມໂຍປາດສະ
ຈາກການຕໍ່ສູ້ ແລະພວກເຮົາມາທີ່ນີ້ ເພື່ອສູ້ຕໍ່ໄປ.”
ໃນວັນອັງຄານມື້ນີ້ ພວກປະທ້ວງຈະພາກັນຢືນສະຫງົບສະຕິອາລົມ ເປັນເວລາ 87 ວິນາ
ທີ. ນີ້ເປັນການສະແດງໃຫ້ເຫັນເຖິງຈຳນວນ ທີ່ພວກເຈົ້າໜ້າທີ່ໄດ້ຍິງແກັສນໍ້າຕາເຂົ້າໃສ່
ຝຸງຊົນ ໃນມື້ທຳອິດຂອງການປະທ້ວງ.
ກຸ່ມສຳຄັນທີ່ຈັດການປະທ້ວງ ກໍຄືກຸ່ມຍຶດຄອງສູນກາງ ຫລື Central Occupyໄດ້ຮຽກ
ຮ້ອງໃຫ້ພວກທີ່ເຂົ້າຮ່ວມ ນຸ່ງເຄື່ອງປ້ອງກັນ ເຊັນວ່າ ໃສ່ໜ້າກາກ ແລະຖືຄັນຮົ່ມ ທີ່ພວກ
ປະທ້ວງ ໃຊ້ເພື່ອປ້ອງກັນແກັສນໍ້າ ຕານັ້ນ.
ພວກປະທ້ວງໄດ້ກ່າວເນັ້ນເຖິງຊ່ອງຫວ່າງລະຫວ່າງຮຸ້ນຄົນ. ພວກເຮົາຈະມີລາຍງານ
ກ່ຽວກັບເລື້ອງນີ້ ມາສະເໜີທ່ານເພີ້ມເຕີມ ຫລັງຈາກພາກຂ່າວ.
