ຕຳຫຼວດຮົງກົງໄດ້ທຳການຈັບກຸມພວກປະທ້ວງທີ່ຂັດຂືນ ບໍ່
ຍອມໜີອອກຈາກບໍລິເວນທີ່ເປັນຈຸດປະທ້ວງຫລັກ ຂອງພວກ
ນິຍົມປະຊາທິປະໄຕ ທີ່ຕຳຫລວດກຳລັງເຂົ້າໄປທັບມ້າງ ໃຫ້
ຄົນອອກຈາກພື້ນທີ່ດັ່ງກ່າວໃນວັນພະຫັດມື້ນີ້.
ປະຊາຊົນຫຼາຍສິບຄົນໄດ້ພາກັນທ້າທາຍຕໍ່ຄຳສັ່ງຂອງຕຳຫຼວດ
ໃຫ້ອອກໄປຈາກຄ້າຍປະທ້ວງ ໃນຄຸ້ມ Admiralty ໃກ້ໆກັບ
ສຳນັກງານ ລັດຖະບານ ບ່ອນທີ່ພວກປະທ້ວງໄດ້ພາກັນຊຸມ
ນຸມປະທ້ວງມາເປັນເວລາ 75 ມື້ນັ້ນ.
ພາຍຫຼັງການອອກຄຳເຕືອນມາເປັນເວລາຫຼາຍຊົ່ວໂມງ ພວກ
ຕຳຫຼວດໄດ້ເລີ້ມແກ່ລາກພວກປະທ້ວງອອກໄປເທື່ອລະຄົນ ໃນຂະນະທີ່ພວກເພື່ອນປະທ້ວງດ້ວຍກັນມອງເບິ່ງ ແລະພາກັນຮ້ອງເຊຍໃຫ້ກຳລັງໃຈຢູ່ນັ້ນ.
ພວກສະມາຊິກສະພານິຕິບັນຍັດຝ່າຍຄ້ານຫຼາຍຄົນ ແລະພວກນັກສຶກ ສາທີ່ຈັດແຈງການປະທ້ວງ ຫຼາຍຄົນກໍຮວມຢູ່ໃນພວກທີ່ຖືກຈັບກຸມນັ້ນ. ແຕ່ຈຳນວນທີ່ແນ່ນອນຂອງພວກທີ່ຖືກຈັບກຸມນັ້ນ ຍັງບໍ່ເປັນທີ່ຈະແຈ້ງເທື່ອໃນເວລານີ້.
ພໍຮອດເວລາຄໍ່າມາ ເຈົ້າໜ້າທີ່ກໍໄດ້ມ້າງພວກຕູບຜ້າຕັ້ງ ແລະສິ່ງກີດກັນຖະໜົນຫົນທາງສ່ວນຫຼາຍ ອອກຈາກຄ້າຍຂອງພວກປະທ້ວງທີ່ໄດ້ເນັ່ງຍາວຢຽດ ກວມພື້ນທີ່ອັນກວ້າງໃຫຍ່ຂອງຖະໜົນຫຼວງສາຍນຶ່ງ ທີ່ມີ 8 lanes ນັ້ນ.
ຕຳຫລວດແລະພວກພະນັກງານສົ່ງໝາຍຈັບ ພາກັນປະຕິບັດຕາມຄຳສັ່ງຂອງສານສູງ ທີ່ອະນຸມັດໃຫ້ພວກເຈົ້າໜ້າທີ່ໄຂການຈະລາຈອນໄປມາໃນຄຸ້ມ Admiralty ນັ້ນຄືນ. ການເຄື່ອນໄຫວໃນທຳນອງດຽວກັນ ຄາດວ່າຈະມີຂຶ້ນໃນໄວໆນີ້ ໃນເຂດປະທ້ວງທີ່ນ້ອຍກວ່າ
ຢູ່ຄຸ້ມ Causeway Bay.
ພວກປະທ້ວງບາງຄົນ ທີ່ໄດ້ທຳການຈັດຕັ້ງຄ້າຍປະທ້ວງ ໃນລະຍະເວລາ 2 ເດືອນປາຍຜ່ານມານີ້ ໄດ້ພາກັນຫລັ່ງນ້ຳຕາ. ບາງຄົນພາກັນຖືປ້າຍທີ່ເວົ້າວ່າ “ພວກເຮົາຈະກັບຄືນມາອີກ.”
