ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ຮົງ​ກົງ ຍົກ​ເລີກ​ໜັງ​ສື​ເດີນ​ທາງ​ຂອງ​ນັກ​ເຄື່ອນ​ໄຫວ ເພື່ອປະ​ຊາ​ທິ​ປະ​ໄຕ ທີ່​ອາ​ໄສ​ພັດ​ຖິ່ນ​ໃນ ອັງ​ກິດ


ນັກ​ເຄື່ອ​ນ​ໄຫວ ຮົງ​ກົງ ທ່ານ ເນ​ຕັນ ລໍ ເຂົ້າ​ຮ່ວມ​ພິ​ທີໄຕ້​ທຽນ​ຢູ່ນອກ​ສະ​ຖານ​ທູດ ຈີນ ໃນ​ນະ​ຄອນຫຼວງ ລອນດອນ, ອັງ​ກິດ, 4 ມິ​ຖຸ​ນາ 2024.
ນັກ​ເຄື່ອ​ນ​ໄຫວ ຮົງ​ກົງ ທ່ານ ເນ​ຕັນ ລໍ ເຂົ້າ​ຮ່ວມ​ພິ​ທີໄຕ້​ທຽນ​ຢູ່ນອກ​ສະ​ຖານ​ທູດ ຈີນ ໃນ​ນະ​ຄອນຫຼວງ ລອນດອນ, ອັງ​ກິດ, 4 ມິ​ຖຸ​ນາ 2024.

​ບັນ​ດາ​ເຈົ້າ​ໜ້າ​ທີ່ ຮົງ​ກົງ ໄດ້​ຍົກ​ເລີກ​ໜັງ​ສື​ເດີນ​ທາງ​ຂອງ​ນັກ​ເຄື່ອນ​ໄຫວ​ສະ​ໜັບ​ສະ​ໜູນ​ປະ​ຊາ​ທິ​ປະ​ໄຕ 6 ຄົນ ​ທີ່​ອາ​ໄສ​ພັດ​ຖິ່ນ​ຢູ່ໃນ​ປະ​ເທດ ອັງ​ກິດ.

ຖະ​ແຫຼງ​ການ​ສະ​ບັບ​ນຶ່ງ ​ທີ່​ຖືກ​ປະ​ກາດ​ໃນ​ວັນ​ພຸດມື້ນີ້ ​ໄດ້​ລະ​ບຸ ​ທ່ານ ເນ​ຕັນ ລໍ, ທ່ານ ຄ​ຣິ​ສ​ໂຕ​ເຟີ ມັງ ຊິວ-ທັດ, ທ່ານ ໄຊ​ມອນ ເຈັງ, ທ່ານ ຈອນນີ້ ຟັອກ ຄາ-ຈີ ແລະ ທ່ານ ໂທ​ນີ ຈອຍ ມິງ-ດາ ເປັນ “ອາ​ຊະ​ຍາ​ກອນນອກ​ກົດ​ໝາຍ​ທີ່​ຕ້ອງ​ການ​ຕົວ ​ຫລົບລີ້ຢູ່​ໃນ​ຣາ​ຊະ​ອາ​ນາ​ຈັກ​ອັງ​ກິດ.” ຖະ​ແຫຼງ​ການ​ນັ້ນ​ ໄດ້​ກ່າວ​ວ່າ 6 ຄົນ​ນັ້ນ “ໄດ້​ສືບ​ຕໍ່​ພົ​ວ​ພັນ​ໃນ​ກິດ​ຈະ​ກຳ​ຕ່າງໆ​ທີ່​ເປັນໄພ​ອັນ​ຕະ​ລາຍ​ຕໍ່​ຄວາມ​ໝັ້ນ​ຄົງ​ແຫ່ງ​ຊາດ​ຢ່າງ​ເປີດ​ເຜີຍ,” ລວມ​ທັງ​ໃຫ້​ຄຳ​ເຫັນ​ທີ່​ໃສ່​ຮ້າຍ ຮົງ​ກົງ.

ລັດ​ຖະ​ບານ​ຍັງ​ໄດ້​ເຕືອນ​ວ່າ ​ຜູ້​ໃດ​ກໍ​ຕາມ​ທີ່​ສະ​ໜອງ​ເງິນ, ໃຫ້ເຊົ່າ​ເຮືອນ ຫຼື ເປັນ​ເຈົ້າ​ຂອງ​ທຸ​ລະ​ກິດ​ຮ່ວມ​ກັບ​ນັກ​ເຄື່ອນ​ໄຫວ 6 ຄົນ​ນັ້ນ ​ກໍ​ອາດ​ປະ​ເຊີນ​ກັບ​ການ​ຖືກ​ຂັງ​ຄຸກດົນ​ເຖິງ 7 ປີ.

ທ່ານ ເນ​ຕັນ ລໍ ໄດ້​ຂຽນ​ຂໍ້​ຄວາມ​ໃນ​ໜ້າ​ເຟ​ສ​ບຸກ​ຂອງ​ລາວ​ວ່າ ການ​ເຄື່ອນ​ໄຫວ​ຂອງ​ລັດ​ຖະ​ບານ ​ແມ່ນບໍ່​ມີ​ຄວາມ​ຈຳ​ເປັນ ໃນ​ເມື່ອ​ລາວ​ໄດ້​ຮັບ​ອະ​ນຸ​ຍາດ​ໃຫ້​ລີ້​ໄພ​ຢູ່​ໃນ ອັງ​ກິດ ໃນ​ປີ 2021.

ໜັງ​ສື​ເດີນ​ທາງ​ແມ່ນ​ຖືກ​ຍົກ​ເລີກ​ພາຍ​ໃຕ້​ກົດ​ໝາຍ​ຄວາມ​ໝັ້ນ​ຄົງ​ແຫ່ງ​ຊາດ​ຊຸດ​ນຶ່ງ​ທີ່​ຖືກ​ຮັບ​ຜ່ານ​ໂດຍ​ສະ​ພາ​ນິ​ຕິ​ບັນ​ຍັດ​ຂ​ອງ​ເມືອງ ​ໃນ​ເດືອນ​ມີ​ນາ​ທີ່​ຜ່ານ​ມາ ພາຍ​ໃຕ້​ກົດ​ໝາຍ​ພື້ນ​ຖານ​ມາດ​ຕາ​ທີ 23 ຂອງ​ຮົງ​ກົງ, ເຊິ່ງ​ແມ່ນ​ລັດ​ຖະ​ທຳ​ມະ​ນູນແບບ​ນ້ອຍໆ ​ທີ່​ໄດ້​ມີ​ຜົນ​ບັງ​ຄັບ​ໃຊ້​ເວ​ລາ​ທີ່ ອັງ​ກິດ ໄດ້​ມອບ​ເມືອງ​ດັ່ງ​ກ່າວ ຄືນ​ໃຫ້ ຈີນ ໃນ​ປີ 1997.

ກົດ​ໝາຍ​ໃໝ່​ນັ້ນ​ ຄວບ​ຄຸມ​ການ​ທໍ​ລະ​ຍົດ, ການ​ກໍ່​ຈະ​ລາ​ຈົນ, ການ​ສອດ​ແນມ, ລັກ​ຂະ​ໂມຍ​ຄວາມ​ລັບ​ຂອງ​ລັດ, ອິດ​ທິ​ພົນ​ຕ່າງ​ປະ​ເທດ ແລະ ການ​ແຊກ​ແຊງ, ແລະ ການ​ລອບ​ທຳ​ລາຍ, ລວມ​ທັງ​ການ​ໃຊ້​ຄອມ​ພິວ​ເຕີ ແລະ ລະ​ບົບ​ອິ​ເລັກ​ ໂທ​ຣ​ນິກ​ເພື່ອ​ດຳ​ເນີນ​ການ​ກະ​ທຳ​ທີ່​ເປັນ​ອັນ​ຕະ​ລາຍ​ຕໍ່​ຄວາມ​ໝັ້ນ​ຄົງ​ແຫ່ງ​ຊາດ.

​ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ຟໍຣັມສະແດງຄວາມຄິດເຫັນ

XS
SM
MD
LG