ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ຜູ້ນໍາຂອງຮົງກົງ ກ່າວວ່າ ການຊື້ຂາຍຮຸ້ນໃນ ຮົງກົງ ຍັງຄົງສືບຕໍ່ຜ່ານພາຍຸຝົນທີ່ຮຸນແຮງ


ແຟ້ມຮູບ-ເມກຝົນຂະໜາດໃຫຍ່ ສາມາດມອງເຫັນໄດ້ຢູ່ເໜືອທ້ອງຟ້າຢູ່ໃນຮົງກົງ, ວັນທີ 8 ຕຸລາ 2023, ໃນຂະນະທີ່ພາຍຸໄຕ້ຝຸ່ນ ຄອຍນູ (Koinu) ເຄື່ອນຜ່ານ. ການຊື້ຂາຍຂອງຕະຫຼາດຫຼັກຊັບ ຈະຍັງຄົງສືບຕໍ່ໃນລະຫວ່າງພາຍຸຝົນຂະໜາດໃຫຍ່, ອີງຕາມການປະກາດຂອງຜູ້ປົກຄອງເມືອງ.
ແຟ້ມຮູບ-ເມກຝົນຂະໜາດໃຫຍ່ ສາມາດມອງເຫັນໄດ້ຢູ່ເໜືອທ້ອງຟ້າຢູ່ໃນຮົງກົງ, ວັນທີ 8 ຕຸລາ 2023, ໃນຂະນະທີ່ພາຍຸໄຕ້ຝຸ່ນ ຄອຍນູ (Koinu) ເຄື່ອນຜ່ານ. ການຊື້ຂາຍຂອງຕະຫຼາດຫຼັກຊັບ ຈະຍັງຄົງສືບຕໍ່ໃນລະຫວ່າງພາຍຸຝົນຂະໜາດໃຫຍ່, ອີງຕາມການປະກາດຂອງຜູ້ປົກຄອງເມືອງ.

ຕະຫຼາດຫຼັກຊັບຂອງຮົງກົງ ຈະສືບຕໍ່ທຳ​ການຊື້ຂາຍຜ່ານພາຍຸໄຕ້ຝຸ່ນ ແລະ ພາຍຸທີ່ຮຸນແຮງ ນັບຕັ້ງແຕ່ເດືອນກັນຍາເປັນ​ຕົ້ນ​ໄປ, ຜູ້ນໍາຂອງເມືອງດັ່ງກ່າວ ໄດ້ປະກາດໃນວັນອັງຄານມື້ນີ້.

ການຊື້-ຂາຍຮຸ້ນໃນ​ເຂດສູນກາງດ້ານການເງິນລະຫວ່າງປະເທດດັ່ງ​ກ່າວ, ໂດຍປົກກະຕິແລ້ວ ຈະຢຸດການຊື້ຂາຍໃນເວລາທີ່ມີສັນຍານລົມພາຍຸໄຕ້ຝຸ່ນທີ່ ຮຸນແຮງ ຫຼື “ຄໍາເຕືອນຂອງພະຍຸຝົນສີດໍາ” ຖືກປະ​ກາດມາ, ເຊິ່ງຫມາຍ ຄວາມວ່າ ຈະສູນເສຍການ​ຊື້​ຂາຍຫຼາຍມື້ໃນແຕ່ລະປີ.

ບໍລິເວນພາກໃຕ້ຂອງຈີນ ມີຄວາມລຶ້ງເຄີຍກັບການເຫັນພະຍຸໄຕ້ຝຸ່ນຕາມລະດູ ການໃນເຄິ່ງສຸດທ້າຍຂອງປີ, ແຕ່ການປ່ຽນແປງຂອງດິນຟ້າອາກາດ ໄດ້ສົ່ງ ຜົນເຮັດໃຫ້ພະຍຸເຂດຮ້ອນບໍ່ສາມາດຄາດເດົາໄດ້ ໃນຂະນະທີ່ມັນເພີ້ມຄວາມ ຮຸນແຮງຂຶ້ນ.

ໃນວັນອັງຄານມື້ນີ້, ທ່ານຈອນ ລີ (John Lee) ກ່າວວ່າ ນັບຕັ້ງແຕ່ວັນທີ 23 ເດືອນກັນຍາເປັນຕົ້ນໄປ ນັກລົງທຶນ​ຈະສາມາດທຳ​ການຊື້ຂາຍໄດ້ຕາມປົກກະຕິ “ເມື່ອສັນຍານເຕືອນໄພ​ພາ​ຍຸໄຕ້ຝຸ່ນລະດັບ 8 ຫຼື ສູງກວ່ານັ້ນຖືກປະ​ກາດຢູ່ໃນ ຮົງກົງ, ຫຼືແມ່ນແຕ່ໃນລະຫວ່າງການເຕືອນໄພກ່ຽວກັບຝົນດໍາ.”

ທ່ານກ່າວຕື່ມວ່າ ໃນປັດຈຸບັນ “ນະຄອນເສິນເຈິ້ນ (Shenzhen) ແລະ ນະຄອນຊຽງໄຮ (Shanghai) ແມ່ນຊື້ຂາຍໃນສະພາບອາກາດທີ່ບໍ່ດີ. ບໍ່ມີເຫດຜົນທີ່ວ່າເປັນຫຍັງຈຶ່ງເປັນ ຮົງກົງ ໃນຖານະທີ່ສູນກາງທາງດ້ານການ ເງິນສາກົນ ບໍ່ຄວນປະຕິບັດຕາມຄວາມເຫມາະສົມນັ້ນ.”

“ການຊື້ຂາຍທີ່ບໍ່ຢຸດຢູ່ໃນສະພາບອາກາດທີ່ຮຸນແຮງ ສາມາດເສີມສ້າງຄວາມ ສາມາດໃນການແຂ່ງຂັນການແລກປ່ຽນຂອງຮົງກົງ,” ທ່ານກ່າວຕື່ມວ່າ ໃນໄລ ຍະເດືອນກັນຍາ ຈະເປັນການໃຫ້ເວລາແກ່ອຸດສາຫະກໍາດັ່ງ​ກ່າວກະກຽມ ສິ່ງຕ່າງໆ.

ທ່ານນາງແຄັດເທີຣິນ ກູ (Katerine Kou), ປະທານສະມາຄົມຫຼັກຊັບຮົງກົງ ກ່າວວ່າ ການຫາລືກ່ຽວກັບການເຄື່ອນໄຫວດັ່ງກ່າວ ໄດ້ດໍາເນີນມາເປັນເວລາ 1 ປີແລ້ວ ເນື່ອງຈາກບົດບາດຂອງເມືອງທີ່ເປັນ “ຕົວເຊື່ອມໂຍງອັນຍິ່ງໃຫຍ່ ລະຫວ່າງ ຕະຫຼາດຈີນ ແລະ ຕະຫຼາດໂລກ.”

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG