ຕໍາຫລວດຮົງກົງໄດ້ຈັບລູກເຮືອ 6 ຄົນຂອງເຮືອໂດຍສານສອງ
ລໍາທີ່ຕໍາກັນຢູ່ໃນບໍລິເວນອ່າວ Victoria ຂອງຮົງກົງ ເມື່ອຄືນ
ວັນຈັນວານນີ້ ຂະນະທີ່ພວກກູ້ໄພຍັງສືບຕໍ່ຊອກຫາຜູ້ຄົນທີ່
ອາດຍັງມີຊີວິດລອດມາໄດ້ ຈາກອຸບັດຕິເຫດດັ່ງກ່າວ ທີ່ໄດ້ສົ່ງ
ຜົນໃຫ້ຢ່າງໜ້ອຍ 37 ຄົນເສຍຊີວິດ.
ເຈົ້າໜ້າທີ່ຕໍາຫລວດກ່າວ ໃນກອງປະຊຸມຖະແຫລ່ງຂ່າວໃນ
ວັນອັງຄານມື້ນີ້ວ່າ ພວກລູກເຮືອເຫລົ່ານັ້ນ ກໍາລັງຖືກສອບ
ສວນໃນຂໍ້ຫາ “ເຮັດໃຫ້ຊີວິດຂອງຄົນອື່ນຕົກຢູ່ໃນອັນຕະລາຍ
ໃນທະເລ”ແຕ່ກໍບໍ່ໄດ້ໃຫ້ລາຍລະອຽດຫຍັງຫລາຍ ກ່ຽວກັບ
ອຸບປະຕິເຫດທາງທະເລຄັ້ງຮ້າຍແຮງທີ່ສຸດຂອງຮົງກົງ ໃນຮອບ
ຫຼາຍທົດສະວັດ.
ເຮືອ ferry ຫລືເຮືອຂ້າມຟາກລໍານຶ່ງ ທີ່ເປັນຂອງບໍລິສັດໄຟຟ້າຂອງຮົງກົງ ໄດ້ຕໍາກັນກັບ
ເຮືອໂດຍສານອີກລໍານຶ່ງໃນຄືນວັນຈັນວານນີ້ ແລະຫຼົ້ມລົງພາຍໃນບໍ່ເທົ່າໃດນາທີ. ເຮືອດັ່ງ
ກ່າວໄດ້ບັນທຸກຜູ້ໂດຍສານປະມານ 120 ຄົນ ຊຶ່ງເປັນພະນັກງານບໍລິສັດແລະຍາດພີ່ນ້ອງ
ຂອງພວກເຂົາເຈົ້າ ທີ່ພາກັນເດີນທາງໄປຊົມບັ້ງໄຟດອກ ສະຫລອງບຸນລະດູໃບໄມ້ຫລົ່ນ
ປະຈໍາປີ.
ມີຜູ້ຄົນຈໍານວນຫຼວງຫຼາຍ ພາກັນຟ້າວຟັ່ງໄປຊອກຫາ ຢູ່ຕາມໂຮງໝໍແລະສະຖານທີ່ເກັບ
ສົບໃນເຂດທ້ອງຖິ່ນ ໃນມື້ນີ້ ເພື່ອຊອກຫາຍາດຕິພີ່ນ້ອງແລະສະມາຊິກຄອບຄົວທີ່ໄດ້ຂຶ້ນ
ເຮືອໄປທ່ຽວນັ້ນ. ຂະນະດຽວກັນ ຕໍາຫລວດກໍທໍາການສອບປາກຄໍາພວກທີ່ລອດຊີວິດ
ມາໄດ້ ເພື່ອໃຫ້ຮູ້ວ່າ ຍັງມີຜູ້ຫາຍສາບສູນຢູ່ຫລືບໍ່?
ຍັງບໍ່ທັນເປັນທີ່ຈະແຈ້ງເທື່ອວ່າ ແມ່ນຫຍັງເປັນສາເຫດຂອງອຸບປະຕິເຫດຄັ້ງນີ້ ເນື່ອງຈາກ
ສະພາບອາກາດກໍແຈ່ມໃສ ໃນເວລານັ້ນ ແລະໂດຍສ່ວນໃຫຍ່ແລ້ວ ການຂົນສົ່ງມວນຊົນ
ທາງນໍ້າ ໃນຮົງກົງ ກໍແມ່ນປອດໄພດີ.
![Seagulls stay ashore as strong winds batter the west coast fishing village of Nazare, Portugal, Jan. 18 2014.]()
![ເຈົ້າໜ້າທີ່ກວດເບິ່ງ ເຮືອຂ້າມຟາກລໍານຶ່ງ ທີ່ຈົມນໍ້າເຄິ່ງນຶ່ງ ຫລັງຈາກຕໍາກັນກັບເຮືອອີກລໍານຶ່ງ ໃນຄຶນວັນຈັນ ຢູ່ໃກ້ໆກັບເກາະ Lamma ນອກຝັ່ງທະເລກໍ້າຕາເວັນຕົກສຽງໃຕ້ຂອງຮົງກົງ, ວັນທີ 2 ຕຸລາ 2012.]()
![ຍາດພີ່ນ້ອງຂອງຜູ້ເຄາະຮ້າຍ ຈໍານວນນນຶ່ງ ພາກັນອອກຈາກ ບ່ອນເກັບສົບ Kwai Chung ບ່ອນທີ່ເຂົາເຈົ້າໄປ ຊອກຫາສົບຂອງພີ່ນ້ອງ ຫລັງຈາກເກີດອຸບັດຕິເຫດເຮືອຂ້າມຟາກຕໍາກັນ ຢູ່ໃນອ່າວ Victoria ຂອງ ຮົງກົງ, ວັນທີ 2 ຕຸລາ 2012.]()
![ຍາດພີ່ນ້ອງຄົນນຶ່ງຂອງຜູ້ເຄາະຮ້າຍ ຖິ້ມເງິນປອມ ລົງໄປໃນນໍ້າ ໄວ້ອາໄລໃຫ້ແກ່ບັນດາຜູ້ເສຍຊີວິດ ໃນເຮືອຂ້າມ ຟາກລໍານຶ່ງ ທີ່ຫລົ້ມ ຫລັງຈາກຕໍາກັນກັບເຮືອອີກລໍານຶ່ງ ເມື່ອຄືນວັນຈັນ (ທີ 1 ຕຸລາ8 ໃກ້ກັບເກາະ Lamma Island, ນອກຝັ່ງກໍ້າຕາເວັນຕົກສຽງໃຕ້ຂອງຮົງກົງ, ວັນທີ 2 ຕຸລາ 2012. ພວກເຄາະຮ້າຍກໍາລັງຂີ່ເຮືອ ໄປຊົມການຈູດບັ້ງໄຟດອກ ສະຫລອງບຸນລະດູໃບໄມ້ຫລົ່ນປະຈໍາປີ.]()
ລໍາທີ່ຕໍາກັນຢູ່ໃນບໍລິເວນອ່າວ Victoria ຂອງຮົງກົງ ເມື່ອຄືນ
ວັນຈັນວານນີ້ ຂະນະທີ່ພວກກູ້ໄພຍັງສືບຕໍ່ຊອກຫາຜູ້ຄົນທີ່
ອາດຍັງມີຊີວິດລອດມາໄດ້ ຈາກອຸບັດຕິເຫດດັ່ງກ່າວ ທີ່ໄດ້ສົ່ງ
ຜົນໃຫ້ຢ່າງໜ້ອຍ 37 ຄົນເສຍຊີວິດ.
ເຈົ້າໜ້າທີ່ຕໍາຫລວດກ່າວ ໃນກອງປະຊຸມຖະແຫລ່ງຂ່າວໃນ
ວັນອັງຄານມື້ນີ້ວ່າ ພວກລູກເຮືອເຫລົ່ານັ້ນ ກໍາລັງຖືກສອບ
ສວນໃນຂໍ້ຫາ “ເຮັດໃຫ້ຊີວິດຂອງຄົນອື່ນຕົກຢູ່ໃນອັນຕະລາຍ
ໃນທະເລ”ແຕ່ກໍບໍ່ໄດ້ໃຫ້ລາຍລະອຽດຫຍັງຫລາຍ ກ່ຽວກັບ
ອຸບປະຕິເຫດທາງທະເລຄັ້ງຮ້າຍແຮງທີ່ສຸດຂອງຮົງກົງ ໃນຮອບ
ຫຼາຍທົດສະວັດ.
ເຮືອ ferry ຫລືເຮືອຂ້າມຟາກລໍານຶ່ງ ທີ່ເປັນຂອງບໍລິສັດໄຟຟ້າຂອງຮົງກົງ ໄດ້ຕໍາກັນກັບ
ເຮືອໂດຍສານອີກລໍານຶ່ງໃນຄືນວັນຈັນວານນີ້ ແລະຫຼົ້ມລົງພາຍໃນບໍ່ເທົ່າໃດນາທີ. ເຮືອດັ່ງ
ກ່າວໄດ້ບັນທຸກຜູ້ໂດຍສານປະມານ 120 ຄົນ ຊຶ່ງເປັນພະນັກງານບໍລິສັດແລະຍາດພີ່ນ້ອງ
ຂອງພວກເຂົາເຈົ້າ ທີ່ພາກັນເດີນທາງໄປຊົມບັ້ງໄຟດອກ ສະຫລອງບຸນລະດູໃບໄມ້ຫລົ່ນ
ປະຈໍາປີ.
ມີຜູ້ຄົນຈໍານວນຫຼວງຫຼາຍ ພາກັນຟ້າວຟັ່ງໄປຊອກຫາ ຢູ່ຕາມໂຮງໝໍແລະສະຖານທີ່ເກັບ
ສົບໃນເຂດທ້ອງຖິ່ນ ໃນມື້ນີ້ ເພື່ອຊອກຫາຍາດຕິພີ່ນ້ອງແລະສະມາຊິກຄອບຄົວທີ່ໄດ້ຂຶ້ນ
ເຮືອໄປທ່ຽວນັ້ນ. ຂະນະດຽວກັນ ຕໍາຫລວດກໍທໍາການສອບປາກຄໍາພວກທີ່ລອດຊີວິດ
ມາໄດ້ ເພື່ອໃຫ້ຮູ້ວ່າ ຍັງມີຜູ້ຫາຍສາບສູນຢູ່ຫລືບໍ່?
ຍັງບໍ່ທັນເປັນທີ່ຈະແຈ້ງເທື່ອວ່າ ແມ່ນຫຍັງເປັນສາເຫດຂອງອຸບປະຕິເຫດຄັ້ງນີ້ ເນື່ອງຈາກ
ສະພາບອາກາດກໍແຈ່ມໃສ ໃນເວລານັ້ນ ແລະໂດຍສ່ວນໃຫຍ່ແລ້ວ ການຂົນສົ່ງມວນຊົນ
ທາງນໍ້າ ໃນຮົງກົງ ກໍແມ່ນປອດໄພດີ.
ເຮືອຕໍາກັນ ທີ່ຮົງກົງ