ຮົງກົງໄດ້ໃຫ້ການຢືນຢັນ ກ່ຽວກັບກໍລະນີຄົນຕິດເຊື້ອໄຂ້ຫວັດສັດປີກ ຫລືໄຂ້ຫວັດນົກ ລາຍທໍາອິດ ນັບແຕ່ປີ 2003 ເປັນຕົ້ນມາ.
ຫົວໜ້າສາທາລະນະສຸກຂອງຮົງກົງ ທ່ານ York Chow ກ່າວວ່າ ແມ່ຍິງອາຍຸ 59 ປີ ຄົນນຶ່ງ ໄດ້ຖືກກັກບໍລິເວນຢູ່ທີ່ໂຮງພະຍາບານ ຫຼັງຈາກກວດພົບວ່າຕິດ ເຊື້ອໄຂ້ຫວັດ ສັດປີກ. ແມ່ຍິງຄົນນີ້ໄດ້ລົ້ມປ່ວຍຫຼັງຈາກໄດ້ເດີນທາງກັບຄືນມາ ແຕ່ໄປຢ້ຽມຢາມຈີນ ແຜ່ນດິນໃຫຍ່.
ທ່ານ Chow ເວົ້າວ່າເຂດປົກຄອງຕົນເອງຮົງກົງ ໄດ້ຍົກລະດັບການເຕືອນກ່ຽວ ກັບໄຂ້ ຫວັດສັດປີກຂຶ້ນສູ່ຂັ້ນຮ້າຍແຮງ ແລະຈະເລີ້ມທຳການກວດກາຕາມຕະຫຼາດສັດປີກ ແຫ່ງ ຕ່າງໆ.
ມີຜູ້ເສຍຊີວິດ 6 ຄົນຢູ່ຮົງກົງໃນປີ 1997 ໃນລະຫວ່າງການລະບາດຂອງໄຂ້ຫວັດສັດ ປີກ ທີ່ພາໃຫ້ມີການຂ້າສັດປີກ ຖິ້ມເປັນຈຳນວນຫຼວງຫຼາຍ.
