ບັນດາເຈົ້າໜ້າທີ່ຮົງກົງໄດ້ຍົກຍ້າຍສິ່ງກີດຂວາງອອກຈາກຖະ
ໜົນ ຢູ່ບ່ອນປະທ້ວງແຫ່ງນຶ່ງ ທີ່ພວກເດີນຂະບວນສະໜັບສະ
ໜູນປະຊາທິປະໄຕ ໄດ້ຕັ້ງຄ້າຍມາ ເປັນເວລາ ເກືອບສອງ
ເດືອນແລ້ວ.
ເຈົ້າໜ້າທີ່ຕຳຫລວດສານ ທີ່ໄດ້ຮັບການໜູນຫລັງໂດຍເຈົ້າໜ້າ
ທີ່ຕຳຫລວດອີກ ຫລາຍສິບຄົນ ໄດ້ຍົກຍ້າຍເຄື່ອງກີດຂວາງ
ອອກ ໃນຕອນເຊົ້າວັນອັງຄານມື້ນີ້ ຈາກຖະໜົນ Argyle ຢູ່ເຂດ
Mong Kok.
ພວກປະທ້ວງບໍ່ໄດ້ຂັດຂືນ ແລະມີແຕ່ພາກັນຢືນຢູ່ໃກ້ໆຮ້ອງໃສ່
ຕຳຫລວດແທນ. ແຕ່ໃນເວລາຕໍ່ມາ ຈຳນວນນຶ່ງໄດ້ເຂົ້າຂັດຂວາງຕຳຫລວດ ແລະເຈົ້າໜ້າ
ທີ່ກໍໄດ້ຈັບກຸມຫລາຍໆຄົນ.
ຕຳຫຼວດ ຮົງກົງ ມ້າງເຄື່ອງກີດຂວາງ ທີ່ຄຸ້ມ Mong Kok
ທ່ານ Ng Boon-duk ຜູ້ປະທ້ວງອາຍຸ 78 ປີ ກ່າວວ່າ ທ່ານບໍ່ຢ້ານທີ່ຈະຖືກຈັບ.
“ຖ້າຫາກ ຂ້າພະເຈົ້າ ຖືກຈັບ ແລະສົ່ງໄປຕິດຄຸກ ຄວາມເສຍສະລະທີ່ ຂ້າພະເຈົ້າເຮັດຈະ
ໃຫຍ່ກວ່າ ການປະທ້ວງຢູ່ຕາມຖະໜົນຫົນທາງ. ຂ້າພະເຈົ້າ ຢາກເສຍສະລະໃນສິ່ງທີ່
ໃຫຍ່ກວ່ານັ້ນ.”
ມັນເປັນເທຶຶ່ອທີສອງ ໃນໄລຍະສອງອາທິດ ທີ່ພວກເຈົ້າໜ້າທີ່ໄດ້ປະຕິບັດຕາມຄຳສັ່ງຂອງ
ສານ ເພື່ອໃຫ້ຍົກຍ້າຍບາງສ່ວນຂອງພວກປະທ້ວງອອກໄປ.
ສື່ມົນຊົນທ້ອງຖິ່ນກ່າວວ່າ ພວກເຈົ້າໜ້າທີ່ກຳລັງວາງແຜນ ທີ່ຈະຍົກຍ້າຍສ່ວນໃຫຍ່ຂອງ
ການປະທ້ວງອອກໄປຈາກເຂດ Mong Kok ຊຶ່ງຕັ້ງຢູ່ໃກ້ໆຖະໜົນ Nathan Road ໃນວັນພຸດມື້ອຶ່ນນີ້.
ພວກປະທ້ວງໄດ້ຫລຸດໜ້ອຍລົງໃນບໍ່ເທົ່າໃດອາທິດທີ່ຜ່ານມານີ້ ແລະບັນດາຜູ້ຈັດຕັ້ງ
ກຳລັງດີ້ນລົນຊອກຫາຊ່ອງທາງ ເພື່ອກະຕຸ້ນໃຫ້ມີການທ້ອນໂຮມກຳລັງຄືນໃໝ່ ຕໍ່ອັນທີ່
ຮ້ອງວ່າ ຂະບວນການເຄຶ່ອນໄຫວເພື່ອເຂົ້າຍຶດຄອງຫລື Occupy Movement.
