ບັນດາຜູ້ນຳຂະບວນການປະທ້ວງນິຍົມປະຊາທິປະໄຕໃນຮົງກົງ
ຍອມຮັບວ່າ ເຂົາເຂົ້າອາດຈະບໍ່ປະສົບຜົນສຳເລັດໃນການຮຽກ
ຮ້ອງໃຫ້ຈີນປະຕິຮູບການເລືອກຕັ້ງ.
ການຍອມຮັບ ຂອງຜູ້ນຳພາຂັ້ນສູງສອງຄົນ ໄດ້ມີຂື້ນຫລັງຈາກ
ປັກກິ່ງ ໄດ້ປະ ກາດໃນວັນອາທິດທີ່ຜ່ານມານີ້ວ່າ ຕົນຈະກວດ
ສອບບັນດາຜູ້ສະມັກ ທີ່ເຂົ້າຮ່ວມ ການເລືອກຕັ້ງຂອງ ໃນປີ 2017.
ຜູ້ຮ່ວມນຳພາການປະທ້ວງ ທ່ານ Chan Kin-man ກ່າວໃນວັນ
ອັງຄານມື້ນີ້ວ່າ ປັກກິ່ງ ບໍ່ມີທ່າທີວ່າຈະຕ່າວປີ້ນການຕັດສິນໃຈດັ່ງ
ກ່າວ. ທ່ານກ່າວວ່າ ເປົ້າໝາຍຂອງການບັນລຸຜົນ ສິດທິສາກົນໃນ
ການອອກສຽງປ່ອນບັດນັ້ນ ໃກ້ທີ່ຈະລົ້ມແຫລວ.
ທ່ານ Chan ກ່າວວ່າ ການປະທ້ວງຈະດຳເນີນຕໍ່ໄປ ໂດຍທີ່ບໍ່ມີກຳນົດ ແຕ່ວ່າ ທ່ານ ແລະ
ຄູ່ຕໍາ ແໜ່ງ ທ່ານ Benny Tai ກ່າວວ່າ ການເຂົ້າຮ່ວມປະທ້ວງອາດຈະໜ້ອຍລົງ ບໍ່ຮອດ
ເປົ້າໝາຍຂອງກຸ່ມ ຄື 10,000 ຄົນນັ້ນ.
ບັນດາຜູ້ນຳ ກ່າວຕໍ່ຂ່າວສື່ມວນຊົນວ່າ ນີ້ອາດເນຶ່ອງມາຈາກ "ທ່າທີກ່ຽວກັບຄວາມເປັນ
ຈິງ” ຂອງພົນລະເມືອງຮົງກົງ.
ບັນດານັກເຄື່ອນໄຫວຝ່າຍຄ້ານ ເປັນເວລາຫລາຍເດືອນໄດ້ພະຍາຍາມທີ່ຈະເອົາຊະນະ
ໂດຍໄດ້ຮັບການສະໜັບສະໜຸນຈາກປະຊາຊົນ ໃນການເຄື່ອນໄຫວປະທ້ວງໂດຍມີ
ຄວາມເປັນຫ່ວງກ່ຽວກັບຄວາມເປັນໄປໄດ້ໃນການທີ່ຈະເກີດຄວາມບໍ່ສະຫງົບທາງ
ການເມືອງ.
