ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ນັກເຄື່ອນໄຫວ 3 ຄົນ ຍອມຮັບຜິດວ່າ ໄດ້ເຂົ້າຮ່ວມການໂຮມຊຸມນຸມຮຽກຮ້ອງໃຫ້ ມີປະຊາທິປະໄຕຫລາຍຂຶ້ນ ໃນຮົງກົງ


ເສດຖີສື່ມວນຊົນຮົງກົງ, ທ່ານ ຈິມມີ ລາຍ (Jimmy Lai), ຜູ້ກໍ່ຕັ້ງໜັງສືພິມ Apple Daily, ຍ່າງອອກຈາກສານອຸທອນຂັ້ນສຸດທ້າຍ
ເສດຖີສື່ມວນຊົນຮົງກົງ, ທ່ານ ຈິມມີ ລາຍ (Jimmy Lai), ຜູ້ກໍ່ຕັ້ງໜັງສືພິມ Apple Daily, ຍ່າງອອກຈາກສານອຸທອນຂັ້ນສຸດທ້າຍ

ເສດຖີສື່ມວນຊົນຮົງກົງ, ທ່ານ ຈິມມີ ລາຍ (Jimmy Lai) ແມ່ນຜູ້ນຶ່ງນອນຢູ່ໃນນັກເຄື່ອນໄຫວເພື່ອປະຊາທິປະໄຕ 3 ຄົນ ທີ່ໄດ້ຍອມຮັບຜິດໃນວັນພຸດວານນີ້ ທີ່ໄດ້ເຂົ້າຮ່ວມການໂຮມຊຸມນຸມ ທີ່ບໍ່ໄດ້ຮັບອະນຸຍາດໃນປີ 2019.

ນັກເຄື່ອນໄຫວອີກສອງຄົນ ທີ່ຍອມຮັບຜິດພ້ອມກັບທ່ານລາຍ ແມ່ນທ່ານ ລີ ເຈິກ-ຢານ (Lee Cheuk-yan) ແລະ ເຢງ ຊຸມ (Yeng Sum). ທັງສາມຄົນໄດ້ເຂົ້າຮ່ວມ ໃນການປະທ້ວງຕໍ່ຕ້ານລັດຖະບານຄັ້ງໃຫຍ່ ໃນວັນທີ 31 ສິງຫາຂອງປີນັ້ນ, ທີ່ເປັນການປະທ້ວງໃນລະດັບສູງ ທີ່ໄດ້ຈັດຂຶ້ນເກືອບທຸກມື້ ແລະ ມັກຈະເປັນການປະທ້ວງທີ່ມີຄວາມຮຸນແຮງເພື່ອຮຽກຮ້ອງໃຫ້ມີປະຊາທິ ປະໄຕຫລາຍຂຶ້ນ ສຳລັບຕົວເມືອງດັ່ງກ່າວ.

ທ່ານ ລີ ເຈິກ-ຢານ (Lee Cheuk-yan) ກ່າວຕໍ່ບັນດານັກຂ່າວໃນຂະນະທີ່ທ່ານ ແລະທ່ານ ເຢງ (Yeng) ຍ່າງອອກມາຈາກສານວ່າ ເຖິງແມ່ນວ່າພວກເຂົາເຈົ້າໄດ້ຍອມຮັບຜິດກໍຕາມ, ພວກເຂົາເຈົ້າບໍ່ໄດ້ເຮັດຫຍັງຜິດຍ້ອນວ່າພວກເຂົາເຈົ້າຢືນຢັດເຖິງສິດຂອງປະຊາຊົນ ໃນການເຮັດການປະທ້ວງຢ່າງສະຫງົບ.

ທັງສາມຄົນແມ່ນປະເຊີນກັບການຕິດຄຸກ 5 ປີ ໃນຂໍ້ຫາດັ່ງກ່າວ.

ທ່ານຈິມມີ ລາຍ ເປັນຜູ້ຈັດພິມໜັງສືພິມ Apple Daily ທີ່ສົ່ງເສີມປະຊາທິປະ ໄຕນັ້ນ ໄດ້ຖືກຄຸມຂັງຢູ່ແລ້ວ ພາຍໃຕ້ກົດໝາຍຄວາມໝັ້ນຄົງແຫ່ງຊາດຂອງຮົງກົງໃນຂໍ້ສົງໄສວ່າ ມີການສົມຮູ້ຮ່ວມຄິດກັບຕ່າງປະເທດ.

ທ່ານ ລາຍ ໄດ້ຖືກຕັດສິນລົງໂທດໃນຕົ້ນເດືອນນີ້ ພ້ອມກັນກັບນັກເຄື່ອນໄຫວອີກ 6 ຄົນ, ໃນນັ້ນມີນັກຂ່າວທີ່ສໍາຄັນ ໃນດ້ານສົ່ງເສີມປະຊາທິປະໄຕ, ທ່ານ ມາຕິນ ລີ (Martin Lee) ອາຍຸ 82 ປີ ທີ່ໄດ້ຈັດຕັ້ງ ແລະເຂົ້າຮ່ວມການໂຮມຊຸມນຸມແບບຜິດກົດໝາຍ ໃນວັນທີ 18 ສິງຫາ 2019.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG