ລິ້ງ ສຳຫລັບເຂົ້າຫາ

logo-print

ຂະ​ບວນ ຜູ​້​ຍົກ​ຍ້າຍ​ຖິ່ນ​ຖານຊາວ ຮອນ​ດູ​ຣັ​ສ ຂະ​ຫຍາຍ​ໃຫຍ່​ຂຶ້ນ ໃນ​ຂະ​ນະ​ທີ່​ເຂົາ​ເຈົ້າ​ມຸ່ງ​ໜ້າ​ມາສູ່ ສະ​ຫະ​ລັດ


ຄອບ​ຄົວ​ຊາວ ຮອນ​ດູ​ຣັ​ສ ນາງ ໂນ​ລ​ເວຍ ລູ​ຈາ, ຊ້າຍ, ທ້າວ ວິ​ລ​ລຽນ ໂບ​ນິ​ຢາ, ກັບ​ລູກ​ຊາຍ​ຂອງ​ເຂົາ​ເຈົ້າ ທ້າວ ວິ​ລ​ເມີ ໂບ​ນີ​ຢາ, ຜູ້​ທີ່​ໄດ້​ເຂົ້າ​ຮ່ວມ​ໃນຂະ​ບວນ​ຄາ​ຣາ​ວານ ສິດ​ທິ​ຜູ້​ຍົກ​ຍ້າຍ​ຖິ່ນ​ຖານ​ປະ​ຈຳ​ປີ ພາກັນພັກ​ຜ່ອນ​ຢູ່​ສະ​ຖານ​ທີ່​ພັກ​ເຊົາ​ຊົ່ວ​ຄາວ​ໃນ​ລັດ ຮາ​ລິນ​ໂກ, ປະ​ເທດ ເມັກ​ຊິ​ໂກ. 18 ເມ​ສາ, 2018.

ຂະ​ບວນ​ຂອງ​ຜູ້​ຍົກ​ຍ້າຍ​ຖິ່ນ​ຖານ​ທີ່​ໄດ້​ເລີ່ມ​ຂຶ້ນ​ໃນ​ເມືອງ ແຊນ ເປ​ໂດ​ຣ ຊູ​ລາ ໃນ​ພາກ​
ເໜືອຂອງປະເທດ ຮອນດູຣັສ ນັ້ນ ໄດ້ຂະຫຍາຍໃຫຍ່ຂຶ້ນ ໃນຂະນະທີ່ເຂົາເຈົ້າເດີນ
ທາງຜ່ານປະເທດດັ່ງກ່າວ.

ບາງ​ຄົນ​ແມ່ນ​ເດີນທາງ​ດ້ວຍ​ການ​ຍ່າງ, ບາງ​ຄົນ​ກໍ​ຂີ່​ລົດ. ແຕ່​ເຂົາ​ເຈົ້າ​ທັງ​ໝົດ​ເບິ່ງ​ຄື​ວ່າ​
ຈະມີເປົ້າໝາຍອັນດຽວກັນ. ເຂົ້າເຈົ້າຢາກມີຊີວິດທີ່ດີຂຶ້ນ. ເຂົາເຈົ້າຫຼາຍຄົນ​ຢາກ​ຈະ
ມາຫາຊີວິດດັ່ງກ່າວນັ້ນຢູ່ໃນ ສະຫະລັດ.

ຜູ້ຈັດການເດີນທາງ ທ້າວ ບາໂຕໂລ ຟູເອັນເຕັສ ໄດ້ກ່າວຕໍ່ໜັງສືພິມ ຣອຍເຕີ ວ່າ ບັນ
ດາຜູ້ເຂົ້າຮ່ວມແມ່ນກຳລັງພາກັນໜີຈາກຄວາມທຸກຍາກ ແລະ ຄວາມຮຸນແຮງຢູ່ບ້ານ
ຂອງເຂົາເຈົ້າ.

ເມືອງ ແຊນ ເປ​ໂດ​ຣ ຊູ​ລາ ແມ່ນ​ນຶ່ງ​ໃນ​ເມືອງ​ທີ່​ມີ​ອັດ​ຕາ​ການ​ຄາດ​ຕະ​ກຳ​ຫຼາຍທີ່​ສຸດໃນ​
ໂລກ.

ຈຳ​ນວນ​ປະ​ຊາ​ກອນ​ຂອງ​ຂະ​ບວນ​ຄົນ​ດັ່ງ​ກ່າວ​ນັ້ນ ​ໄດ້​ຂະ​ຫຍາຍ​ອອກ​ເປັນປະ​ມານ
1,700 ຄົນແລ້ວ ຈາກຕອນທຳອິດ 1,000 ຄົນ ເຊິ່ງແມ່ນຜູ້ທີ່ໄດ້ເດີນທາງອອກຈາກ
ເມືອງ ແຊນ ເປໂດຣ ຊູລາ.

ຂໍ້​ຄວາມ ກ່ຽວ​ກັບ ການ​ຍົກ​ຍ້າຍ​ຖິ່ນ​ຖານ​ຄັ້ງ​ໃຫຍ່ ​ໄດ້​ກະ​ຈາຍ​ໄປ​ທົ່ວ​ທ້ອງ​ຖິ່ນ ແລະ
ສື່ສັງຄົມ.

ຫຼາຍ​ຄົນ​ແມ່ນ​ໄດ້​ມີ​ແຜນ​ທີ່​ຈະ​ເດີນ​ທາງ​ອອກ​ຈາກ​ປະ​ເທດ ຮອນ​ດູ​ຣັ​ສ ຢູ່​ແລ້ວ ແລະ ໄດ້​
ຮູ້ສຶກວ່າ ການເດີນທາງໃນກຸ່ມທີ່ໃຫຍ່ຈະເຮັດໃຫ້ເຂົາເຈົ້າມີໂອກາດຕົກເປັນຜູ້ເຄາະ
ຮ້າຍຂອງການລັກຂະໂມຍ ແລະ ໂຈມຕີໜ້ອຍລົງ.

ອົງ​ການ​ຂ່າວ AP ໄດ້​ລາຍ​ງານ​ວ່າ “ຫຼາຍ​ຄອບ​ຄົວ​ໄດ້​ເດີ​ນ​ທາງ​ຮອດ​ພ້ອມ​ກັບ​ເດັກ​ທາ​
ຣົກຢູ່ໃນແຂນ ແລະ ເດັກນ້ອຍຮຽນຍ່າງໃໝ່ນັ່ງຢູ່ໃນລໍ້ຍູ້. ຄົນສ່ວນໃຫຍ່ພາກັນຫິ້ວ
ເຄື່ອງບໍ່ຫຼາຍກວ່າກະເປົາເປ້.”

ຮອງ​ປະ​ທາ​ນາ​ທິ​ບໍ​ດີ ສະ​ຫະ​ລັດ ທ່ານ ໄມ​ຄ໌ ເພັນ​ສ໌ ເມື່ອບໍ່​ດົນ​ມານີ້​ໄດ້ບອກ​ໃຫ້​ປະ​ທາ​
ນາທິບໍດີ ຮອນດູຣັສ, ແອລຊາລວາດໍ ແລະ ກົວເຕມາລາ ຢຸດຂະບວນການຍົກຍ້າຍ
ຖິ່ນຖານຄັ້ງໃຫຍ່ດັ່ງກ່າວ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG