ກຳລັງຮັກສາຄວາມປອດໄພ ຮອນດູຣັສ ໄດ້ປະທະກັບພວກປະທ້ວງ ໃນວັນເສົາວານນີ້
ໃນນະຄອນຫຼວງແລະຢູ່ທົ່ວປະເທດ ຍ້ອນການຄັດຄ້ານຜົນຂອງການເລືອກຕັ້ງ ທີ່ນຳ
ເອົາປະທານາທິບໍດີ ຮວນ ອໍແລນໂດ ເຮີນານເດສ ກັບຄືນໄປເປັນປະທານາທິບໍດີນັ້ນ.
ໄດ້ມີການເອົາທະຫານ ແລະຕຳຫຼວດ ໄປປະຈຳການຢູ່ທົ່ວປະເທດ ບ່ອນທີ່ພວກປະ
ທ້ວງ ໄດ້ຕັນຖະໜົນ ແລະຈູດເຜົາຢາງລົດນັ້ນ.
ພວກເຈົ້າໜ້າທີ່ເວົ້າວ່າ ຢ່າງໜ້ອຍໄດ້ມີຜູ້ເສຍຊີວິດນຶ່ງຄົນ.
ຜູ້ທີ່ຢູ່ໃນຕຳແໜ່ງ ໄດ້ຮັບໄຊຊະນະ ດ້ວຍຄະແນນສຽງ ຫຼຸດ 43 % ໜ້ອຍນຶ່ງ ໃນຂະນະ
ທີ່ຄູ່ແຂ່ງຝ່າຍຊ້າຍ ທ່ານ ຊາລວາດໍ ນາສຣາລລາ ໄດ້ຮັບ ໜ້ອຍກວ່າ 42 %.
ອະດີດປະທານາທິບໍດີ ມານູແອລ ເຊລາຢາ ໄດ້ຮຽກຮ້ອງໃຫ້ພວກປະທ້ວງພາກັນປຸກລະ
ດົມແຮງຂຶ້ນ ໄປສູ່ມື້ວັນ ການສາບານໂຕ ຂອງທ່ານ ເຮີນານເດສ ໃນທ້າຍເດືນນີ້.
ລຸນຫຼັງການເລືອກຕັ້ງແລ້ວ ພວກສັງເກດການທັງຫຼາຍ ຈາກອົງການຈັດຕັ້ງ ຂອງພວກ
ປະເທດອາເມຣິກາ ໄດ້ອອກຄຳແນະນຳຕ່າງໆ ຊຶ່ງມີລວມທັງການໃຫ້ນັບຄະແນນສຽງ
ຄືນໃໝ່ນຳ.
