ລິ້ງ ສຳຫລັບເຂົ້າຫາ

ປ. Francois Hollande ແຕ່ງຕັ້ງ ນາຍົກລັດຖະມົນຕີ ຄົນໃໝ່


ລັດຖະມົນຕີພາຍໃນ ທ່ານ Manuel Valls (ຊ້າຍ) ແລະ ປະທານາທິບໍດີຝຣັ່ງ ທ່ານ Francois Hollande (ຂວາ)
ປະທານາທິບໍດີຝຣັ່ງ ທ່ານ Francois Hollande ​ໄດ້
ແຕ່ງຕັ້ງນາຍົກ​ລັດ​ຖະ ມົນ​ຕິີຄົນໃໝ່ ເຂົ້າຮັບໜ້າທີ່ແທນ
ຄົນເກົ່ານຶ່ງ​ມື້​ຫລັງ​ຈາກ ​ພັກ​ສັງຄົມ​ນິຍົມ ​ຊຶ່ງ ເປັນພັກລັດ
ຖະບານປົກຄອງປະເທດ ຢູ່ໃນເວລານີ້ໄດ້​ເສຍໄຊຢ່າງ
ໜັກໃນການ​ເລືອກ​ຕັ້ງ​ທ້ອງຖິ່ນ ໃນເຂດເທດສະບານ​
ຕ່າງໆ​ ທົ່ວ​ປະ​ເທດ.

ຜູ້​ນຳ​ຝຣັ່ງ ​ໃນ​ວັນ​ຈັນ​ວານ​ນີ້ ​ໄດ້​ເລືອກ​ເອົາລັດຖະມົນຕີ​
ກະຊວງພາຍ​ໃນ ຊຶ່ງເປັນ​ທີ່​ນິຍົມ​ພາຍໃນ​ປະ​ເທດຄືທ່ານ
Manuel Valls ​ເປັນ​ນາຍົກ​ຄົນ​ໃໝ່​ແທນ​ນາຍົກລັດຖະ
ມົນຕີ Jean-Marc Ayrault ​ຜູ້​ທີ່​ໄດ້​ລາ​ອອກຫລັງ​ຈາກ​
ພັກໄດ້ ເສຍໄຊໃນ​ການ​ເລືອກ​ຕັ້ງ.

ບັນດາຜູ້ມີສິດປ່ອນບັດໃນ​ທົ່ວ​ປະ​ເທດຝຣັ່ງ ​ໄດ້​ພາກັນປະ​ຕິ​ເສດ​ ຕໍ່ບັນດາ​ຜູ້​ສະ ມັກ​ຂອງພັກສັງ​ຄົມ​ນິຍົມ ​ໃນການ​ເລືອກ​ຕັ້ງ​ເມື່ອ​ວັນ​ອາທິດ​ທີ່​ຜ່ານ​ມາ ຊຶ່ງ​ເປັນ​ການປ່ອນ
ບັດ​ທີ່​ສຳຄັນເທື່ອທຳອິດ ນັບ​ຕັ້ງ​ແຕ່ ທ່ານ Hollande ​ໄດ້​ຖືກ​ເລືອກເຂົ້າຮັບໜ້າທີ່ໃນ​ປີ 2012. ລັດຖະບານ​ຂອງທ່ານ ​ໄດ້​ສູນເສຍຄວາມນິຍົມຢ່າງ ໃຫຍ່ ຍ້ອນ​ເສດຖະກິດ
ຝຣັ່ງ ທີ່​ອ່ອນ​ແອ ມີຄົນ​ຫວ່າງ​ງານ​ສູງ ​ແລະ​ລະດັບ​ການ​ເປັນ​ຢູ່ຫຼືມາດຕະຖານການຄອງ
ຊີບ​ຫລຸດ​ຕ່ຳລົງ​ ສຳລັບ​ຫລາຍ​ໆ​ຄົນ.

ພັກ​ສັງຄົມ​ນິ​ຍົມ ​ໄດ້ສູນເສຍການປົກຄອງຢູ່ໃນ 155 ຫົວເມືອງ​ນ້ອຍ​ແລະ​ໃຫຍ່ ໃຫ້​ແກ່​ບັນດາ​ຜູ້​ສະມັກຈາກພັກຝ່າຍ​ຄ້ານ​ທີ່ເປັນກາງອຽງ​ຂວາ ​ແລະ​ອີກ 11 ຫົວເມືອງໃຫ້​ແກ່
ພັກຂວາ​ຈັດ FN. ​
XS
SM
MD
LG