ປະທານາທິບໍດີຝຣັ່ງ ທ່ານ Francois Hollande ຄາດວ່າ
ຈະກ່າວຄຳປາໄສຕໍ່ອົງການວັດທະນະທຳອາຣັບໃນວັນພະຫັດ
ມື້ນີ້ ຫຼັງຈາກປະກາດ ວ່າ ວາລະສານຕະຫລົກ Charlie Heb
do ຈະດຳເນີນກິດຈະການຕໍ່ໄປ ເຖິງແມ່ນໄດ້ເກີດເຫດການຍິງ
ຜູ້ຄົນຕາຍຢ່າງໂສກເສົ້າສະຫລົດໃຈໃນສັບປະດາແລ້ວນີ້ກໍຕາມ.
ອົງການຂ່າວຝຣັ່ງ ອ້າງຄຳເວົ້າຂອງທ່ານ Hollande ທີ່ກ່າວໃນ
ແລງ ວັນພຸດວານນີ້ ວ່າ “ເຈົ້າສາມາດສັງຫານພວກຜູ້ຊາຍ
ແລະແມ່ຍິງໄດ້ ແຕ່ເຈົ້າບໍ່ສາມາດສັງຫານແນວຄິດຂອງ
ເຂົາເຈົ້າໄດ້ຈັກເທື່ອ.” ຖ້ອຍຖະແຫຼງຂອງທ່ານ ມີຂຶ້ນໃນມື້ດຽວ
ກັນກັບວະລະສານ Charlie Hebdo ສະບັບທຳອິດນັບແຕ່ໄດ້
ມີການໂຈມຕີ ບ່ອນວາງຈຳໜ່າຍ ຢູ່ຕາມຮ້ານຂາຍໜັງສືພິມຕ່າງໆໂດຍລົງໜ້າປົກດ້ວຍ
ການບັນລະຍາຍຮູບ cartoon ຂອງພະສາດສະດາ Muhammad ຮ້ອງໄຫ້ພາຍໃຕ້ຫົວ ຂໍ້ຂ່າວ” ທຸກສິ່ງທຸກຢ່າງໃຫ້ອາໄພໄປແລ້ວ.” ວາລະສານສະບັບນີ້ ໄດ້ຂາຍອອກຢ່າງ
ໄວໃນທົ່ວປະເທດຝຣັ່ງ.
ຝຣັ່ງ ສືບຕໍ່ ກຽມພ້ອມ ໃນລະດັບສູງ
ທ່ານ Hollande ມີກຳນົດທີ່ຈະໄປມີໜ້າໃນວັນພະຫັດມື້ນີ້ ທີ່ສະຖາບັນໂລກອາຣັບ ຫຼື Arab World Institute ທີ່ປາຣີ ຊຶ່ງຈະສົ່ງເສີມສາຍພົວພັນທີ່ໃກ້ຊິດຂຶ້ນລະຫວ່າງຝຣັ່ງ ກັບໂລກອາຣັບ.
ໃນວັນພະຫັດມື້ນີ້ເຊັ່ນກັນ ຈະມີພິທີສົ່ງສະການສຳລັບພວກທີ່ເສຍຊີວິດ 2 ຄົນໃນສັບປະ
ດາແລ້ວນີ້ ຊຶ່ງເປັນພິທີຫລ້າສຸດ ແຫ່ງການທຳພິທີສົ່ງສະການທາງສາສະໜາຂອງພວກທີ່ເສຍຊີວິດທີ່ມີມາເປັນລຳດັບນັ້ນ.
ໃນຂະນະດຽວກັນ ທ່ານ John Kerry ລັດຖະມົນຕີການຕ່າງປະເທດສະຫະລັດຈະເດີນ
ທາງໄປຍັງປາຣີໃນວັນສຸກມື້ອື່ນ ເພື່ອໄປພົບປະກັບ ປະທານາທິບໍດີ Hollande ແລະບັນດາເຈົ້າໜ້າທີ່ຝຣັ່ງອື່ນໆອີກ.
ໃນວັນພຸດວານນີ້ ບັນດາເຈົ້າໜ້າທີ່ສະຫະລັດ ກ່າວວ່າ ຟິມວີດີໂອ ທີ່ ສາຂານຶ່ງຂອງເຄືອຂ່າຍອາລກາອິດາໃນເຢເມນອ້າງວ່າ ຕົນເປັນຜູ້ຮັບ ຜິດຊອບໃນການໂຈມຕີທີ່ມີຜູ້ຄົນເສຍຊີວິດ ໃນຫ້ອງການຕ່າງໆທີ່ປາຣີ ຂອງວາລະສານ Charlie Hebdo ວ່າ “ເປັນຂອງແທ້ຈິງ”.
ຮູບວີດີໂອ ທີ່ສະແດງໃຫ້ເຫັນທາງຄອມພີວເຕີໃນວັນພຸດວານນີ້ ຊາຍຄົນນຶ່ງທີ່ຢັ້ງຢືນວ່າ ແມ່ນນາຍ Nasr al-Ansi ເປັນຫົວໜ້າສູງສຸດຂອງເຄືອຂ່າຍອາລກາອິດາໃນແຫຼມອາ
ຣາເບຍ ກ່າວວ່າ ກຸ່ມຂອງລາວໄດ້ວາງແຜນ ແລະໃຫ້ເງິນສະໜັບສະໜຸນການໂຈມຕີ ທີ່ພວກມືປືນສອງຄົນໄດ້ສັງຫານພວກຜູ້ຄົນ 12 ຄົນນັ້ນ.
