ໃນວັນທີ 30 ກໍລະກົດຜ່ານມານີ້, ນາງ ສຸນິສາ ລີ ເປັນຜູ້ນຶ່ງໃນ 5 ຄົນທີມນັກກິລາຈິມນາສຕິກ ສະຫະລັດ ທີ່ຄວ້າຫລຽນຄໍາມາ ໃນກິລາກາຍະກໍາ ຫຼື ຈິມນາສຕິກ ໃນການແຂ່ງຂັນປະເພດທີມ ຢູ່ງານມະຫາກໍາກິລາໂອລິມ ປາຣີ 2024. ສິ່ງນີ້ ນອກຈາກໄດ້ນໍາ ເອົາຄວາມປິຕິຊົມຊື່ນມາໃຫ້ແກ່ຄົນອາເມຣິກັນທົ່ວໄປແລ້ວ ນາງຍັງໄດ້ນໍາ ເອົາຄວາມ ພາກພູມໃຈມາໃຫ້ແກ່ຊາວອົບພະຍົບທີ່ມາຈາກລາວ ໂດຍສະເພາະແມ່ນ ປະຊາຄົມມົ້ງໃນສະຫະລັດ. ມັນເປັນການພິສູດໃຫ້ເຫັນວ່າ ລູກຫລານຂອງອົບພະຍົບມົ້ງທີ່ເຄີຍຮູ້ກັນໃນນາມອະດີດທະຫານຂອງຝ່າຍ ສະຫະລັັດ ຮັບໃຊ້ໃນສົງຄາມອິນດູຈີນ ກໍສາມາດໄປໄກເທົ່າທີ່ຈະໄກໄດ້ເພື່ອຕາມ ຫາສິ່ງທີ່ຕົນຝັນໄວ້ໃຫ້ພົບ ຊຶ່ງບໍ່ນ້ອຍໜ້າໃຜເລີຍຢູ່ໃນ ອາເມຣິກາ ດັ່ງທີ່ນາງ ເບີນນາແດັດ ແວງ (Bernadette Vang), ນ້ອງສາວພໍ່ຂອງນາງ ທີ່ເປັນຜູ້ ນຶ່ງໃນທີມສຸນິສາ ທີ່ຈັດງານເບິ່ງການແຂ່ງຂັນຂອງສຸນິສາໃນໂອລິມປິກ ຫລື Watch Party ໃນວັນຜ່ານມາ ແລະໃນມື້ນີ້ຢູ່ໃນເມືອງ ເຊັນພອລ, ລັັດມິນເນໂຊຕາ ກ່າວຕໍ່ພວກເຮົາວ່າ:
“ຂ້ອຍຢາກເວົ້າ ດັ່ງທີ່ເຈົ້າຮູ້, ຄືຈັ່ງສະຖານະພາບຂອງນາງໜີ້ ແມ່ນໄດ້ສ້າງ ໂອກາດໃຫ້ແກ່ປະຊາຊົນທົ່ວໂລກໄດ້ເຫັນວ່າຊາວມົ້ງສາມາດເປັນໄດ້ ເຫນືອໄປກວ່າການທະຫານແລະອົບພະຍົບຫັ້ນອີກ. ຂ້ອຍຄິດວ່ານາງໄດ້ເຮັດ ໃຫ້ຄົນເຊື້ອຊາດທີ່ບໍ່ມີປະເທດ, ມັກເລ້ລ້ອນໄປຕັ້ງຖິ່ນຖານໃໝ່ ຫລື nomad, ໃຫ້ພວກເຂົາເຈົ້າມີບ່ອນຂອງຕົນ ແລະເນື້ອທີ່ຂອງຕົນ ບໍ່ວ່າບ່ອນນັ້ນອາດຈະເປັນ ບ່ອນໃດກໍຕາມ. ມັນບໍ່ພຽງແຕ່ເທົ່ານັ້ນ, ຂ້ອຍຄິດວ່າ ການຊະນະຫຼຽນຄຳຂອງ ນາງ ໃນກິລາໂອລິມປິກ, ມັນເຮັດໃຫ້ພວກເຮົາຊາວເຜົ່າມົ້ງເຂົ້າໄປຢູ່ໃນ ໜ້າປະ ຫວັດສາດໄດ້.”
ນາງ ສຸນິສາ ທີ່ຄວ້າຫລຽນຄໍາຫຼຽນທໍາອິດໃນການຫລິ້ນທຸກທ່າຂອງກິລາ ກາຍະກໍາຢູ່ ງານ ກິລາໂອລິມປິກລະດູຮ້ອນທີ່ຈັດຂຶ້ນໃນໂຕກ້ຽວໃນປີ 2021 ນັ້ນ ຈະລົງ ແຂ່ງກັບ ຊີໂມນ ບາຍລ໌ (Simone Biles) ທີ່ໄດ້ຫລຽນຄໍາໂອລິມປິກ ມາຄອງ 5 ອັນແລ້ວ ໃນການແຂ່ງຂັນດ່ຽວທຸກທ່າ ຫລື All-Around Champion ໃນເວລາ 11 ໂມງ 15 ນາທີໃນຄືນມື້ນີ້ ຕາມເວລາໃນເມືອງລາວ ຢູ່ທີ່ສະໜາມກິ ລາໂອລິມປິກ ທີ່ປາຣີ ຊຶ່ງໄດ້ສ້າງປະຫວັດສາໜ້າໃໝ່ໃຫ້ທີມສະຫະລັດທີ່ມີ ນັກກິລາ ສອງຄົນ ທີ່ຄອງແຊມມາແລ້ວມາແຂ່ງກັັນໃນການແຂ່ງຂັນຈິມນາສຕິກທຸກທ່າ ປະເພດດ່ຽວ ເພື່ອປ້ອງກັນແຊ້ມຂອງຕົນໃນກິລາໂອລິມປິກ.
ຟໍຣັມສະແດງຄວາມຄິດເຫັນ