ທາງການສະຫະລັດໄດ້ອະນຸຍາດໃຫ້ໃຊ້ໃນອັນພວກເຂົາເຈົ້າເອີ້ນວ່າ ຢາຊະນິດທໍາອິດທີ່ນຳອອກຈຳໜ່າຍ ໃນການຫຼຸດຜ່ອນຄວາມສ່ຽງຕໍ່ການຕິດເຊື້ອ HIV ໃນຈໍາ ພວກທີ່ປອດຈາກເຊື້ອໄວຣັສທີ່ພາໃຫ້ເປັນໂຣກ AIDS ນັ້ນ.
ອົງການອາຫານແລະຢາຂອງສະຫະລັດ ຫຼື FDA ໄດ້ກ່າວໃນວັນຈັນວານນີ້ວ່າ ໃນປະຈຸບັນນີ້ຢາ Truvada ສາມາດນຳໃຊ້ປະຈໍາວັນໄດ້ ຄວບຄູ່ກັບການມີເພດ ສໍາພັນແບບປ້ອງກັນ ເພື່ອລຸດຜ່ອນຄວາມສ່ຽງ ຕໍ່ການຕິດເຊື້ອ HIV ທີ່ຜ່ານ ການຮ່ວມເພດໃນບັນດາຜູ້ໃຫຍ່ທີ່ມີຄວາມສ່ຽງສູງນັ້ນ.
ໃນຖະແຫຼງການທີ່ນຳອອກເຜີຍແຜ່ສະບັບນຶ່ງນັ້ນ ທ່ານນາງ Margaret Hamburg ກຳມາທິດານຂອງອົງການ FDA ໄດ້ກ່າວວ່າ ການອະນຸມັດ ດັ່ງກ່າວ ແມ່ນຂີດໝາຍອັນສຳຄັນໃນການຕໍ່ສູ້ຕ້ານເຊື້ອ HIV. ທ່ານນາງ ຍັງກ່າວເພີ່ມຕື່ມວ່າ ໃນແຕ່ລະປີໄດ້ມີຜູ້ໃຫຍ່ແລະຊາວໜຸ່ມປະມານອາເມຣິກັນ 50,000 ຄົນ ໄດ້ກວດພົບວ່າຕິດເຊື້ອດັ່ງກ່າວນີ້.
ທ່ານນາງ Debra Birnkrant ຜູ້ອຳນວຍການຝ່າຍຕໍ່ຕ້ານເຊື້ອໄວຣັສຂອງອົງ ການ FDA ກ່າວວ່າ ຢານີ້ສາມາດຊ່ອຍປ່ຽນຕ່າວປີ້ນກະແສຟອງຂອງການແຜ່ ລະບາດຂອງເຊື້ອ HIV ແຕ່ທ່ານນາງກໍກ່າວຢໍ້າວ່າ ຢານີ້ແມ່ນໃຊ້ສຳຫຼັບພວກທີ່ ມີຄວາມສ່ຽງສູງທໍ່ນັ້ນ.
