ບັນດາປະເທດມະຫາອຳນາດຂອງໂລກໄດ້ບັນລຸການຕົກລົງກັບ
ອີຣ່ານ ຊຶ່ງຈະຈຳກັດໂຄງ ການນິວເຄລຍຂອງປະເທດດັ່ງກ່າວ ເພື່ອແລກປ່ຽນກັບການຜ່ອນຜັນການລົງໂທດ ຊຶ່ງຈະ ເຮັດໃຫ້
ການເຈລະຈາທີ່ວຸ້ນວາຍເປັນເວລາຫຼາຍກວ່ານຶ່ງທົດສະວັດ
ສິ້ນສຸດລົງ.
ການປະກາດທີ່ນະຄອນວຽນນາ ໂດຍຫົວໜ້ານະໂຍບາຍ
ການຕ່າງປະເທດຂອງສະຫະພາບຢູໂຣບ ທ່ານນາງ Fede-
rica Moghrini ແລະລັດຖະມົນຕີຕ່າງປະເທດອິຣ່ານ ທ່ານ
Mohammad Javad Zarif ໄດ້ສະຫລຸບ ການເຈລະຈາ
ແບບຕໍ່ເນື່ອງເປັນເວລາຫຼາຍອາທິດເພື່ອແກ້ໄຂບັນຫາ
ລາຍລະອຽດຂອງຂໍ້ຕົກລົງທີ່ຈະຕັດໂຄງການນິວເຄລຍຂອງອີຣ່ານລົງແລະບັງຄັບໃຫ້ມີ
ການຕິດຕາມຄວບຄຸມໂດຍອົງການຄຸ້ມຄອງນິວເຄລຍສະຫະປະຊາຊາດ.
ທ່ານນາງ Moghrini ໄດ້ເອີ້ນການຕົກລົງນີ້ວ່າ “ເປັນສັນຍາລັກຂອງຄວາມຫວັງ” ຂອງໂລກ ໃນຂະນະທີ່ທ່ານນາງໄດ້ກ່າວທີ່ນະຄອນວຽນນາ ກ່ອນກອງປະຊຸມຖະແຫຼງຂ່າວວ່າ
ທ່ານນາງ Moghrini ກ່າວວ່າ “ນີ້ແມ່ນການຕັດສິນໃຈ ທີ່ສາມາດເປີດທາງໄປສູ່ບົດໃໝ່ໃນສາຍພົວພັນນາໆຊາດ ແລະສະແດງໃຫ້ເຫັນວ່າການທູດ ການປະສານງານ ການຮ່ວມມືກັນ ສາມາດເອົາຊະນະຄວາມຕຶງຄຽດແລະການປະເຊີນໜ້າກັນ ທີ່ຍືດເຍື້ອຍາວນານເປັນ ເວລາຫຼາຍທົດສະວັດໄດ້.”
ທ່ານ Zarif ເອີ້ນຂໍ້ຕົກລົງດັ່ງກ່າວນີ້ວ່າ “ຊະນະກັບຊະນະ” ສຳຫຼັບທັງອິຣ່ານ ແລະອັນທີ່ ເອີ້ນວ່າ ກຸ່ມ P5+1 ທີ່ປະກອບດ້ວຍຊອັງກິດຈີນ ຝຣັ່ງ ຣັດເຊຍ ສະຫະລັດ ແລະເຢຍຣະ
ມັນ.
ມະຫາອຳນາດໂລກ ແລະ ອີຣ່ານ ບັນລຸ ຂໍ້ຕົກລົງ ນິວເຄລຍ
ທ່ານ ກ່າວວ່າ “ພວກເຮົາໄດ້ບັນລຸຂໍ້ຕົກລົງ ທີ່ບໍ່ດີເລີດ ສຳຫຼັບທຸກໆຄົນ ແຕ່ມັນແມ່ນ
ສິ່ງທີ່ພວກເຮົາສາມາດບັນລຸໄດ້ ແລະນັ້ນແມ່ນການບັນລຸທີ່ສຳຄັນສຳຫຼັບພວກເຮົາ
ທຸກໆຄົນ.”
ປະທານາທິບໍດີອິຣ່ານ ທ່ານ Hassan Rouhani ໄດ້ກ່າວຜ່ານທາງ Twitter ວ່າ ຂັ້ນ ຕອນການດຳເນີນງານນີ້ “ສະແດງໃຫ້ເຫັນວ່າ ການພົວພັນແບບສ້າງສັນ ໄດ້ຜົນ.”
ມີກຳນົດທີ່ຈະຄວາມເຫັນກ່ຽວກັບເລື້ອງ ຂໍ້ຕົກລົງກັບອີຣ່ານຈາກວໍຊິງຕັນໃນວັງຄານມື້ນີ້.
