ອະດີດຜູ້ສະໝັກປະທານາທິບໍດີສະຫະລັດ ທ່ານນາງ Hillary Clinton ກ່າວວ່າ
ທ່ານນາງພ້ອມແລ້ວ ທີ່ຈະເຂົ້າຮ່ວມໃນການສົນທະນາຢ່າງເປີດເຜີຍ ກ່ຽວກັບການ
ການປ່ຽນແປງໃນບັນຍາກາດທາງການເມືອງຂອງປະເທດ ນັບແຕ່ການເລືອກຕັ້ງ
ປະທານາທິບໍດີໃນເດືອນພະຈິກທີ່ຜ່ານມາ.
ທ່ານນາງໄດ້ກ່າວໃນວັນສຸກວານນີ້ ໃນງານຮັບປະທານອາຫານຄ່ຳຂອງສະມາຄົມ
ແມ່ຍິງຊາວໄອຣິສ ເພື່ອສະຫລອງວັນ Saint Patrick ປະຈຳປີຄັ້ງທີ 19 ທີ່ເມືອງ
Scranton ລັດ Pennsylvania.
ເຖິງຢ່າງໃດກໍດີ ທ່ານນາງ Clinton ໄດ້ກ່າວເພີ້ມວ່າ “ຂ້າພະເຈົ້າບໍ່ເຊື່ອວ່າ ພວກ
ເຮົາສາມາດປ່ອຍໃຫ້ການແບ່ງແຍກການເມືອງໜັກເຂົ້າຈົນກາຍເປັນການແບ່ງແຍກ
ດ້ານສ່ວນໂຕ. ພວກເຮົາບໍ່ສາມາດພຽງແຕ່ຈະບໍ່ຫົວຊາ ຫລືເຮັດບໍ່ຮູ້ບໍ່ເຫັນ ເພາະວ່າ
ພວກເຮົາບໍ່ເຫັນພ້ອມນຳທາງການເມືອງ. ພວກເຮົາຕ້ອງຟັງ ກັນແລະກັນ ແລະຮຽນ
ຮູ້ຈາກກັນແລະກັນ.”
ທ່ານນາງ Clinton ກ່າວວ່າ “ຂ້າພະເຈົ້າຕຽມພ້ອມແລ້ວ ທີ່ຈະອອກມາຈາກປ່າດົງ
ເພື່ອເຮັດໃຫ້ມີແສງສະຫວ່າງໃນອັນທີ່ກຳລັງເກີດຂຶ້ນຢູ່ອ້ອມແອ້ມໂຕະກິນເຂົ້າແລງ
ຂອງພວກເຮົາ ເພື່ອຊ່ວຍເສີມກຳລັງໃຫ້ແກ່ທຸກຄົນກ້າວໄປໜ້າ.”
ທ່ານນາງ Clinton ມີຄົນເຫັນຍ່າງຢູ່ໃນປ່າ ໃກ້ກັບເຮືອນຂອງທ່ານ ໃນເມືອງ
Chappaqua ທີ່ລັດ New York ບໍ່ດົນຫຼັງຈາກທ່ານເສຍໄຊແບບບໍ່ໜ້າເຊື່ອ ໃນ
ການເລືອກຕັ້ງປະທານາທິບໍດີ. ທ່ານນາງໄດ້ໄປປາກົດໂຕຢູ່ໃນສາທາລະນະພຽງ
ແຕ່ສອງສາມເທື່ອຕັ້ງແຕ່ນັ້ນມາ.
ມີຂ່າວລືວ່າ ທ່ານນາງກຳລັງຈະພິຈາລະນາ ທີ່ຈະສະໝັກເປັນເຈົ້າຄອງນະຄອນ
New York ແຕ່ຜູ້ຊ່ວຍຂອງທ່ານນາງ ບໍ່ໄດ້ໃຫ້ຄວາມສຳຄັນກ່ຽວກັບເລື່ອງນີ້.
